شنو هو market segmentation وأنواعه؟

كيفما بغا يكون نوع بزنس ديالك غدي تبغي تواصل مع جمهوك المستهدف بلغتهم و تبين ليهم إهتمامك، و لكن ما يمكن ليك تمكن منها إلا و بتقسيم جمهورك إلى فئات محددة و تركز عليهم بوضعك لجهود تسويقية لكل فئة و تلبي ليهم حاجياتهم و رغباتهم. إذن شنو كنقصدو بي market segmentation و شنو هي أنواعه؟

Market segmentation أو تقسيم سوق هو عملية تقسيم السوق المستهدف إلى فئات محددة. كيتم تقسيم جمهور المستهدف إلى مجموعات لي كتشارك في نفس الخصائص، الإهتمامات، حاجيات و غيرها. غاية من تقسيم أنه كيسهل عليك توضع جهودك تسويقية فقط على جمهور لي باغي توصل ليه و كيشكل قيمة  لبزنس ديالك، و تحقق أهدافك، كما أنه كيسمح ليك بمعرفة عملائك، حاجياتهم و تحدد كيفاش منتجاتك و خدماتك يمكن ليها تلبيها ليهم. segmentation كتساعد أيضا باش تصمم رسائل و تواصل مع جمهوك بلغة ديالهم و لي غدي يفهموك بيها.

تقسيم سوق كيتكون من 4 أنواع و لي هما:
– Demographic segmentation
– Psychographic segmentation
– Behavioral segmentation
– Geographic segmentation

Demographic segmentation :

تقسيم ديموغرافي كيتعتبر من بين الأنواع الأكثر إستعمالا في تقسيم سوق، كيشير إلى بيانات واقعية و إحصائية على مجموعة من الأشخاص، كما أنه كيتعتبر من بين الأنواع سهل البحث و الكشف عنها إنطلاقا من أبحاث سوق. تقسيم ديموغرافي كيقسم سوف من ناحية (العمر، موقع، دخل الفرد، تعليم و جنس…) بعض منها متغير، على سبيل المثال ناخدو العمر و لي كيتعتبر من بين متغيرات أكثر وضوحها لي خص تخاد بعين الإعتبار عند الاستهداف، حيت من مهم تعرف عمر فئة أو جمهورك المستهدف و أشمن وسيلة أو قناة كيستعملو.

Psychographic segmentation :

كيتعتبر هد نوع من بين الأنواع أكثر صعوبة على تقسيم ديموغرافي باش يتم تحديده، بحيت كيقسم فئات من جماهير مستهدفة حسب شخصياتهم و خصائصهم. عكس تقسيم ديموغرافي وتقسيم جيوجرافي. psychographic segmentation، كتركز على سمات و صفات الجوهرية لي كيمتلكها كل عميل، هد الصفات سيكوغرافية كتضمن (شخصية، قيم، محفزات، الإهتمامات، آراء…) كل عميل كيختلف كليا على عميل الآخر هد في صفات، و باش تمكن من تقسيم جمهورك مستهدف حسب سيكوغرافي كيتطلب منك دير بحث مفصل و فهم دقيق.

Behavioral segmentation :

نوع ثالث كيطلب من مسوقين فهم تصرفات العملاء، بحيت تقسيم ديموغرافي و تقسيم سيكوغرافي كيقومو بتركيز على شكون هو العميل، أما تقسيم سلوكي كيركز بشكل أساسي على كيفاش عميل كيتصرف و كيفية اتخاذ قراراته، من بين الأمثلة تقسيم سلوكي (تفاعل عملاء مع علامة التجارية، عادات الشراء، اتخاذ القرارات و غيرها…) كيركز هد نوع بشكل كبير على ردود الأفعال عملاء مستهدفين مع علامتك التجارية و القرارات لي كيتاخدوها عند عمليتهم شرائية.

Geographic segmentation :

نوع الرابع و نوع أكثر بساطة في تقسيم سوق، بحيت كيتجلى فقط في تجزئة و تصنيف العملاء المستهدفين حسب موقعهم جيوجرافي، كيشير إلى تحديد حدود جيوجرافية أو نوع المنطقة لي كينتمي ليها جمهورك مستهدف و من مهم أنك تقوم ببحث تعرف مواقع انتمائهم و تصمم إعلانات بناءً عليها.

مزال ماعندك متجر شوبيفاي؟ ستفد من 14 يوم مجانا