2 ديال الطرق تنافس بهم فجوجل ادس | Google Ads Tips

كيفما كانعرفوا بلي Google Ads كايتعتابر من بين أكبر وأفضل المنصات الإعلانية حاليا ولي كايعتامد عليها الأغلبية ديال المسوقين والشركات العالمية فترويج المنتوجات أو الخدمات ديالهوم بغرض أنهم يحققوا أكبر قدر من المبيعات وأرقام المعاملات ويحافظوا عليها.
باش توصل لنتائج بحال هادي خاصك تعرف كيفاش تستاغل هاد المنصة الإعلانية الضخمة وتعرف الميكانيزمات ليكاتخدم بيها وتفهم الألغوريثم ديالها وتسايرها باش تفادا ضياع الموارد المالية ديالك بدون نتيجة مذكورة.
وباش تكون حتا نتا جزء قوي من المنافسة الشرسة ليكادور بين المسوقين كاننصحك تكمل هاد المقال حتا الآخر.
هاد الأخير غايتناول نصائح مفيدة جدا وليتقدر تغير مجرى اللعبة لصالحك

كيفاش تنافس ف Google Ads

فعالم البيانات والكلمات الدلالية الواسع يقدر يبان ليك بلي النسبة المئوية ديال أنك تنجح حملة إعلانية فغوغل ضعيفة بزاف
كذلك مع الخيارات الكثيرة والمختلفة ليكاتقدمها ليك هاد المنصة الإعلانية الضخمة تقدر تلقى صعوبة في أنك تعرف منين تبدا !
داكشي علاش غانقدموليك فالأسطر القادمة 2 ديال النصائح ليغاتساعدك وغاتوجهك باش تحصل على نتائج زوينة بزاف من الحملة الإعلانية ديالك على منصة Google

1) خاصك تقوم بإضافة Negative Keywords بطريقة منتظمة ومستمرة

شنو هما Negative Keywords ؟

هو نوع من الكلمات الدلالية، الدور ديالو هو عدم عرض الإعلان ديالك لأي واحد كتبها (Negative Keyword) فمحرك البحث.
معروف كذلك بإسم Negative Match (المطابقة السلبية)
على سبيل المثال: منين كاتكتب “مجانا” ك Negative Keyword فالحملة الإعلانية ديالك،
Google كايفهم بلي بغيتي تمنع أي واحد بحث على هاد الكلمة أنو يشوف الإعلان ديالك
معدل البحث ف Google كايتزاد كل سنة بنسبة 10% وهادشي كايبين الإقبال المتزايد ديال الزبناء واللجوء لهاد المنصة باش يلقاو المنتوج ليغايلبي الحاجة ديالهوم.
داكشي علاش كانصحك أنك تزيد Negative keyword بشكل روتيني منتظم باش تجنب الإعلان ديالك أنو يبان للأشخاص الغلط
تذكر دائما بلي لالغوريثم ديالو كاتغير بشكل مستمر بحسب السلوكيات ديال المستخدمين وإضافة هاد النوع من الكلمات الدلالية للحملات الإعلانية ديالك كايساعدك باش تواكب التغيرات وتنقص من نسبة الفشل ديالها

2) خاصك تفهم وتعرف تستافد من خيارات Keyword Matching ليكاتعطيهاليك منصة Google

من بين الأشياء الضرورية ليخاصك تفهمها إلا كنتي كاتستعمل منصة غوغل باش تروج للمنتوجات ديالك هي ال Keyword Matching
أشنو هي ؟ وشنو الأنواع ديالها؟ وكيفاش تقدر تستافد من هاد الخاصية ؟
هادشي هو ليغانعرفوا بالتفصيل فالأسطر القادمة إن شاء الله.
هي واحد النوع من الكلمات الدلالية ليكايساعدك باش تحكم فعمليات البحث ليكايوصل من خلالها الزبون للموقع ديالك وتحدد كذلك الشريحة ديال الناس ليممكن تشوف الإعلان ديالك
ل Keyword Matchin فيه 4 ديال الأنواع:

Broad Match

هو نوع من الكلمات الدلالية ليكايكون مفتوح ومرن مع عمليات البحث،
مثال على ذلك: إذا قمتي بهاد الإختيار وعطيتيه الكلمات الدلالية التالية: “هدايا عيد الميلاد”
هادشي كايعني بلي إذا المستخدم كتب كلمة من هاد الكلمات الدلالية الثلاث فعملية البحث ديالو فيمكن يوصل للموقع ديالك
بغض النظر عن الأخطاء الإملائية لييقدر يقوم بها.
هاد النوع ديال الكلمات الدلالية مافيهش شروط أو قيود

Broad Match Modifer

هاد النوع ديال الكلمات الدلالية كايكون مصحوب بعلامة +
كايعطيك تحكم أكبر فيما يخص إظهار الإعلان ديالك من خلال عمليات البحث ليكايقوم بيها المستخدمين
الكلمات ليعليها علامة + لازم تكون ضمن عملية البحث باش يمكن للزائر يشوف الإعلان ديالك.
يعني مثلا: إلا زدتي الكلمة الدلالية التالية بالشكل التالي: + حذاء ؛ + أحمر. محرك البحث ماغايبينش الإعلان ديالك للمستخدم إلا إذا كانت الكلمات ليكتب فالبحث ديالو ( حذاء أحمر)، إذا دكتب حذاء أزرق فالنتيجة غاتكون هي عدم إظهار الإعلان ديالك ليه
هاد النوع ديال الكلمات الدلالية كايقربك أكثر من المستخدم ليمهتم بالمنتوج ديالك من خلال الخصوصيات ليكاضيف ككلمات دلالية فالإعدادات ديال الحملة ديالك

Phrase Match

هاد النوع ديال الكلمات الدلالية ممكن يكون كعبارة تامة تقدر تستهدف بيها الزبناء باش يبان ليهوم الإعلان ديالك.
ممكن تضيفها بحال فالمثال التالي: حقيبة نساء أنيقة
هاد الإختيار كايساعدك بشكل كبير أنك تستهدف العملاء ليمهتمين بالمنتوج ديالك بحيث محركات البحث ماكاتبينش الموقع ديالك ليهوم إلا إذا كانت الكلمات ليكايستعملوا مطابقة وعندها نفس المعنى ديال ل “Phrase Match” ليدخلتي فالإعدادات ديال الحملة الإعلانية ديالك.
ماشي مهم يكون اختلاف فالمفرد أو الجمع، أو كتابة الكلمة بالصيغة المختصرة ديالها أو حتا الأخطاء الإملائية، المهم هو المعنى مايكونش مختالف، وهادشي كايخلي الترافيك ليكايجيك عبر محركات البحث مستهدف بشكل دقيق

Exact Match

مع هاد الميزة ليكايعطيك هاد النوع من اكلمات الدلالية يمكن ليك تستهدف بشكل مفصل ودقيق الناس ليغايظهر ليهوم الإعلان ديالك فمحركات البحث بحيث لازم يكون المستخدم لتاجأ لكلمات دلالية مطابقة للكلمات الدلالية ليعطيتي من خلال الإعدادات ديال الحملة الإعلانية: ماشي مشكل تكون الصيغة مختالفة مثلا: ” حذاء للجري” / “حذاء من أجل الجري”
هنا كايبقا المراد من عملية البحث هو منتوج عبارة عن حذاء للجري
من بين 4 ديال الأنواع ليذكرت، Exact Match كايعطيك أكبر نسبة ممكنة ديال التحكم فالظهور ديال الإعلان ديالك