أهم الصفحات ليخاص تكون فسطور شوپيفاي ديالك

المتجر الإلكتروني هو الواجهة الإفتراضية ديال النشاط التجاري ديالك داكشي علاش خاصك تبنيه بشكل متكامل وتخليه مميز عن باقي المتاجر المنافسة،
فالأسطر القادمة غانتعرفوا على أهم الصفحات ليخاص تكون فالمتجر ديالك بغض النظر عن المنصة ليكاتستخدم سواء شوپيفاي أو أي منصة أخرى
بالرغم من أن كل الصفحات مهمة وعندها دور كبير فالمتجر ديالك إلا أن هناك بعض الصفحات ليكاتبقا أساسية فالنجاح ديال المتجر ديالك.
منين تبغي تحدد الصفحات ديال المتجر ديالك خاصك دير فبالك 2 ديال لحوايج:
شنو غايستافد الزوار ديالك من هاد الصفحات ؟ وشنو رد الفعل ليكاتسنا منهوم منين يزورو هاد الصفحات ؟
بالنسبة لنوع الصفحات كايختالف من بيزنيس لبيزنيس ولكن فهاد المقال حددنا 5 دال الصفحات ليكايحتاجها بشكل عام أي سطور

Homepage

الصفحة ديال Homepage ديال أي موقع إلكتروني هي أول انطباع كاياخذوا الزبون على النشاط التجاري ديالك
خاصك تكون عارف بلي الزوار ديال الموقع ديالك غايبقاو فهاد الصفحة لبضع ثواني فقط قبل ماينتاقلوا لاكتشاف الزوايا الأخرى ديال الموقع أو ينتاقلوا لموقع آخر.
فالغالب كايكون هاد الزائر وصل للموقع ديالك عبر إشهار ممول قمتي بيه أو عن طريق بحث دارو ف Google
والدور ديالك أنك تخلي الموقع ديالك يبان مميز للزبون من أول مرة يزورو فيها بغرض جذب الإنتباه والإهتمام ديالو.
خاص LOGO ديال لبراند ديالك يكون واضح باش يبقا الزبون ديالك عاقل عليه والعناوين ديال الصفحات خاصها تكون كبيرة وسهلة القراءة وماتنساش تدرج ل icons ديال ل Call to action بحال أنو يتسجل فالقائمة البريدية ديالك ….. إلخ

About Page

هاد الصفحة هي ليكاتزود الزبناء المحتملين بفكرة واضحة على النشاط التجاري ديالك وكاتخليهوم يعرفوا شنو هي القيمة المضافة ليغاتزاد ليهوم إلا قرروا يتعاملوا معاك.
خلي لبنراند ديالك دائما تبان متألقة فنظرهوم، بينليهوم شنو المزايا ليغايستافدوا منها معاك وشنوا ليكايخليك مختالف على المنافسين ديالك حيت فالغالب هادو هما الأسئلة ليكايتسنا منك الزبون تجاوب عليها فهاد الصفحة.
من بين الأدوار الأخرى ديال هاد الصفحة هي أنك كاتكسب الثقة ديال الزبون و تخليه يتفاعل معاك على مستوى أعمق.

يمكنك تجربة شوبيفاي مجانا لمدة 14 يوم| Shopify 14 days trial

Contact us page

هاد الصفحة فيها معلومات كاتعلق بالطريقة لييقدر الزبون يتواصل معاك بيها.
دير فالحسبان ديالك بلي من بعد ماياخد الزبون انطباع زوين على لبيزنيس ديالك غايبغي يتواصل معاك باش يتعرف على النشاط التجاري ديالك أكثر.
هاد الصفحة كاتمهد للزبون الطريق باش يتواصل معاك بكل سهولة وأريحية
حاول تخليه يتواصل معاك فأقرب وقت ممكن ووفرليه جميع الوسائل ليممكن يستاغلها باش يتواصل معاك, وبين ليه بلي يقدر يوصل ليك فقط بضغطة زر

Blog Page

صفحة المدونة هي الصفحة ليممكن تستاغلها باش تبين للجمهور أو العملاء ديالك شحال نتا متميز ومتمكن من المجال ديالك، بزاف ديال الناس كايهملوا قسم التدوين وماكايعطيوهش أهمية كبيرة مع العلم أنو كايسعدهوم بشكل كبير باش يطوروا لبيزنيس ديالهوم.
تقدر تكسب الإعجاب والتقدير ديال الزبناء ديالك عن طريق المقالات ليكاتكتب وتخلق جمهور وفي وكايتابعك بشغف
أيضا قسم التدوين كايساعدك ترفع من الترتيب ديالك فمحركات البحث عن طريق إدراج الكلمات الدلالية المناسبة
وباش تحقق الإستفادة القصوى ماتنساش درج فالمقالات ديالك الروابط الخاصة بمنصات التواصل الإجتماعي، أو رابط التسجيل فالقائمة البريدية ديالك ….. إلخ

Search results page

كاتعتابر هاد الصفحة من أكثر الصفحات ليكايزورها المستخدم، ولي الدور الأساسي ديالها هي تختاصر الوقت على الزائر وتوصلوا للوجهة ديالو بلا مايضيع الوقت فالبحث اليدوي.
خاصك تأكد بلي الموقع ديالك كايعرض النتائج صحيحة وواضحة وفوقت قصير مع سهولة التصفح
خليك دائما متذكر بلي الزائر ماكايقوم بعملية البحث إلا وكايكون مهتم بالنشاط التجاري ديالك وبالخدمات أو المنتوجات المعروضة فالموقع ديالك