كيفاش تقاد صفحة هبوط LANDING PAGE

تعلم دير صفحات الهبوط Landing page ولا جزء أساسي من كل ستراتيجية تسويق ناجح وفعالة وخصوصا مزيانة فتصميم. فكر فهذ صفحات بحال يلا راها منصات هبوط لبزاف ديال فرص لي يمكن يحصل عليها لموقع ديالك . سواء كنت كتتطلع للحصول علي عملاء متوقعين ولا تبيع منتجات ولا تجمع بيانات. فبحال هذ صفحات هي البلاصة لي كيتحول فيها الزائر لعميل من صفحات لهبوط وتحسين نسبه التحويل.

باش تحصل علي نتائج كبيره درنا ليك هذ مقاله لي فيها بعض نصائح لي غتساعدك باش تحقق أهدافك.

صفحات الهبوط Landing page هي صفحة ويب كتسمح ليك أنك تلتقط معلومات للزائر من خلال نموذج كيدير هدشي . هو لبلاصة لي كيهبط فيها الزائر فاش كينقر على شي إعلان باش يتخد إجراء على موقعك ولا مدونتك ولا العرض ولا إعلان.

فاش كيوصل زوار لصفحة الهبوط ، كيلقاو نموذج لملء عرض. ولا يرسل المعلومات الخاصة بهم. لي كيتم التقاطها فقاعدة البيانات الخاصة بيك باش تستخدمها باش دفعهم يشريو ولا يديرو إستبيانات تستخدمها فعمليه تسويق

خطأ شائع :

سمعت شي بعض مهتمين بهاد مواقع كيطلقو تعبير “صفحات الهبوط” على كل صفحة فالموقع. هذشي خطأ شائع. حيت صفحات لي فموقعك غير صفحات إ يلا ماكنتش فيها مواصفات لي غتلقاها فهذ المقالة، يلا لقيتي هد المواصفات غتولي الصفحة ديالك من هي صفحة عادية لصفحة هبوط Landing page.

علاش ايلا درتي LANDING PAGE غتزيد المبيعات :

خاصك تعرف أنه صفحات الهبوط Landing page وسيله من داكشي وناجحه باش تحقق أهداف التحويل الخاصة بيك. خصوصا إيلا كنت كتعمل كمسوق
خلينا نقولو أنه شي شخص كينقر على رسالة كتحث زائر على اتخاذ إجراء فإيميل باش يحصل على آخر كتاب إلكتروني فابور،
واش بغيتي تصيفطو لصفحة الرئيسية ديالك؟
فاش يوصل لصفحتك الرئيسية. فين بغيتي يمشي موراها؟ شنو بغيتيه يدير؟
خاص غير يكون عندك معدل تحويل مزيان لزوارك، هنا غيخصك تصمم سلسلة من صفحات الهبوط Landing page باش تسهل وتختابر نسبة التحويل.
بمعنى آخور ترد زوار الموقع ديالك يتبعو المسار لي حددتيه قبل. حيث يمكلك تزيد معلومات مهمة ومركزة فصفحة وحدة باش تزيد نسبة تحويل ب 55٪.
داك شي علاش من منطقي دائما يكون عندك صفحة مخصصة لكل خطوة (ولا سلسلة من لخطوات لمتشابهة) من مسار التحويل الخاص بيك.
فاش كيتصيفطو زوار لموقع ديالك لصفحة هبوط فنتا كتوجههم للمكان محدد الي كيحتاجوه . بلا حتى تشتيت باش يديرو شي عمل يعمرو النموذج ديالك ويكملو عملية التحويل Lead. هادشي كيعمل باش يبسط العملية ويمنع احتمالات تشتت الزائر حول لموقع ديالك.
انت هدفك كمسوق هو تقدم المعلومات صحيحة ، لشخص المناسب ، فلوقت المناسب باش تحول زوار موقعك لعملاء متوقعين ومبيعات.

مواصفات صفحات الهبوط LANDING PAGE :

تصميم ديال صفحات هبوط ولا سهل بزاف هذ الأيام يلا استخدمت الأدوات ولا صممتيمها بنفسك إلا كنت كتعرف لغات لبرمجة.
ولكن خاصك أولا تعرف مكونات صفحة هبوط باش تستطع تصممها بشكل صحيح وهنا وصلنا للنقطة الأهم لي هي مواصفات لي تميز صفحات الهبوط على غيرها من صفحات الموقع.

مركزة ومستقلة :

صفحة هبوط ضروري تكون مستقلة بذاتها قدر الإمكان باش يلقا الزائر كاع داكشي لي كيقلب عليه ولا كيتساءل عليه على الخدمة، العرض، ولا المنتج الي كتقدمو.

العنوان الرئيسي :

دبا حيت عندك فكره أساسيه على عمل صفحات هبوط Landing page و أهميتها، فدبا وقت باش تعرف مكونات هذ صفحه باش تخليها فعالة كثر.
عادة كيكون عنوان هو أول حاجة كيشوفوها زوار حيت كيهبطو على صفحه هبوط. داك شي علاش خاصك تعرف أن متوسط مدة اهتمام الزائر فاش كيدخل لأي صفحه هو ثمانية ديال ثوانٍ.
نعم ثمنية ديال ثوان فقط داك شي علاش من المهم باش يلخص عنوانك العرض بشكل واضح وموجز على قدر إمكان باش يجذب إنتباهم ويجعلهم يبقاو فالصفحه لأكثر وقت ممكن. باش يتم إقناعهم لعمل تحويل. داك شي علاش خاصك تأكد أن زائر غيفهم العرض و شنو كطلب بمجرد يهبط على صفحتك ولا غتخسرو هو ولمبيعه لكان ممكن تحققها.

محتوى ديال صفحة هبوط LANDING PAGE :

خاص يكون لمحتوي باش دير صفحات الهبوط Landing page content and copy مبني على العنوان الرئيسي. وكيشرح شنو هو العرض وعلاش خاص زائر يشري.
هدف من محتوى صفحة هبوط هو تحفزعلى تحويل. و تنقل قيمة عرضك للزائر من خلال محتوى واضح وملخص. داكشي علاش خاصك تبين فوائد لعرض ديالك من خلال فقرة قصيرة ولا بعض نقط. خاص الرساله تأكد اليقين لزوار أن هد لعرض لي قدمت ليهم هو الحل النهائي لمشكلة عندهم.

زر ديال اتخاذ لقرار CALL TO ACTION BUTTON :

كما قلنا قبل أن لهدف من انك دير صفحات الهبوط Landing page هو تحصل على تركيز زائر معاك بدون تشتت. هذشي باش يدير تحويل لمطلوب منو وهنا جا لوقت باش زائر يدير تحويل لمطلوب منو. سواء كان مبيعه ولا تسجيل إيميلو. ذاك شي علاش حاول تحط نموذج اتخاذ إجراء Call to action فبزاف ديال لبلايص فكل صفحات الهبوط.

الصورة :

باش تأكد من جذب انتباه الزائر دغيا هو تختار شي صور عندها علاقة بالعرض ولا مشكله باش تزيد الفائده لي مقدم.
غيأدي هذ شي لجذب زوار لأهمية عمل تحويل من صفحه هبوط وعلاش خاصهم ينزلو عرض ديالك. عقل إنسان كيعالج الصور بشكل سرع من النص – تفكر هد شي دائما.