2 ديال الطرق تنافس بهم فالفيس بوك أدس | Fb Ads Tips
الفيسبوك هو حاليا المنصة رقم 1 عالميا من حيث عدد المستخدمين ومن حيث البيانات الهائلة ليعندوا والإمكانيات المتطورة ليكايسمح للمعلنين ديالو باش يستافدوا منها فتطوير لبيزنيس وتحقيق أرقام كبيرة بزاف.
العدد ديال الناس ليكايستخدموا الفيسبوك كايفوق 2 مليار شخص نشيط، وهاد الرقم كايتعتابر ثروة كبيرة فعالم التجارة وكاتخلي معظم المسوقين وأصحاب المشاريع الصغرى والكبرى يلتاجئوا لهاد المنصة
ولكن كاين بعض النصائح ليضروري خاصك تاخدها بعين الإعتبار باش تكون حاضر بقوة فهاد المنصة ليفيها منافسة شرسة بين المعلنين ولي غانشوفوها فهاد المقال بالتفصيل إن شاء الله
كون متميز فإعادة الإستهداف (Get Specefic With Retargeting Compains)
الأغلبية ديال المسوقين كايعرفوا بلي إعادة الإستهداف ديال العملاء ديالهوم مهمة بزاف فجلب مبيعات أكثر ولكن كذلك بزاف منهوم كايقوموا بهاد الخطوة بطريقة عادية جدا وماكايقلبوش على التميز وإعادة الإستهداف بطريقة ذكية .
على سبيل المثال بدل أنك تعاود تستهدف الجماهير ديالك بطريقة عادية أو عشوائية يمكن ليك تحدد الإستراتيجية ليغادي تعتامد عليها على حسب Actions ليداروا فالموقع ديالك
تقدر تستهدف أشخاص ليزاروا صفحة معينة من المتجر ديالك،
يمكن ليك تعاود تستهدف أشخاص ليقاموا بإضافة منتوجات فالسلة ديالهوم ولكن ماكملوش عملية الشراء.
أهم حاجة هو أنك ماتستهدفش من غير مادير دراسة وتحليل للأكشن ديال الزبناء ديالك وتوضع كل واحدد فيهوم فقسم محدد باش تقدر تحط خطة مدروسة من جميع الجوانب واستراتيجية هادفة باش ترجع عليك بأحسن النتائج.
و الى كانت كتوفر على متجر في شوبيفاي من احسن تسنكرونيزيه (synchronize) مع الفيسبوك اد كونت ديالك بهاد طريقة تقدر تقاد حملات ديناميك أدس من اجل اعادة استهداف زوار سطور ديالك لمنتجات معينة.
الى كان مزال معنداكش متجر شوبيفاي تيمكن لم تستفد من 14 يوم مجانا في شوبفاي
تدوينة ذات صلة :كيفاش تربط السطور ديالك بالفايسبوك (Facebook markteing)
تجنب التعديلات خلال ل Fb Ads Learning Phase
شنو هي Fb Ads Learning Phase ؟ وعلاش هي مهمة ؟
هي المرحلة الأولية ليكايبدا فيها الفيس بوك يتعرف على الجمهور الأكثر ملائمة للهدف الإعلاني ليختاريتي، و كاتعتابر مرحلة مهمة بزاف بالنسبة للحملة الإعلانية ديالك بحيث كايقوم فيها الفيس بوك بدراسة أنواع مختالفة من الجماهير باش يقرر شكون أنسب واحد فيهوم ولي غادي يتجاوب مع الهدف ديال الحملة ويعرض عليه الإعلان ديالك.
بمعنى آخر: هاد الخطوة كايقوم بيها الفيسبوك باش يعرض الإعلان ديالك للناس لي من المرجح يتاخذو إجراء إيجابي معاه.
على سبيل المثال: إلا ختاريتي “ترافيك” كهدف للحملة الإعلانية ديالك فالفيسبوك كايقلب على الناس ليكانقروا على الروابط أكثر وهكذا.
أهم قاعدة خاصك تحتارمها خلال هاد المرحلة هو عدم القيام بأي تعديلات على الجمهور ليكاتستهدف حيت هادشي غايخلي لفيسبوك يعاود هاد العملية من الصفر وبالتالي النتائج ليكاتسنا من الحملة ديالك غاتأخر حيت ماعطيتيش الوقت اللازم للنظام ديال فيسبوك باش يلقا الجمهور الأنسب ليغايوصليه الإعلان ديالك.
تدوينة ذات صلة :كيفاش تربط السطور ديالك بالفايسبوك (Facebook markteing)
