تيبس لتحسين إيميل على موبايل..
باش تكون قريب من عملائك و تقوي علاقتك معاهم غدي يخصك و لابد توفر ليهم خدمات و تجربة تبقى مترسخة في الأذهان، بحيت أغلب العملاء %80 تقريبا كيقومو بقراءة إيميلاتهم عبر هواتف، لهذا خصك تقوم بتركيز على تحسين الإيميل و ديزاين ديالو باش يظهر بشكل جميل و واضح للمشتركين و غاية منه معروفة. إذن كيفاش يمكن ليك تحسن من إيميل على موبايل؟
خطوات بسيطة و هما الآتي :
Make it Simple :
وضوح الإيميل، بساطة شكله و اختصاره مهم بالنسبة لجميع إيميلات و لكن كيكون أهم بكثير بالنسبة الهواتف ” شاشة صغير حجم”. ماغديش تبغي مشتركين يعملو مجهود كبير عند قراءتهم للإيميل “يكبروه أو يصغروه” و مشترك غدي يشعر بالإنزعاج، رسالة و غاية منها غدي تكون من صعب أنها توصل ليهم و بالتالي فرصة عملية تحويل غدي تصعاب حدوتها، حافظ على بساطة ديزاين إيميل عند تصميمه، كذلك كيتعتبر من مستحسن أنك توضع عناصر مهمة و أساسية في أعلى و عناصر ثانوية في أسفل محتوى الإيميل مثلا كأزرار مشاركة الإجتماعية. استعمال قالب بسيط و هكا رسالتك غدي يتم عرضها بشكل صحيح.
Short & Clear subject line :
ميمكنش نتكلمو على طرق تحسين إيميل بالنسبة هاتف و مانتكلموش على subject line، بحيت هد الأخير كيلعب دور كبير بزاف، كيحدد ليك واش إيميل ديالك غدي تم فتحها أو تجاهله، و كيتعتبر هو مدخل الإيميل، و من خلاله خصك تقوم بلغت انتباه مشتركين و جذبهم المحتوى. subject line ملفت للانتباه كيتعتبر مهم و لكن أهم خص يتم عرضه بشكل واضح في هواتف و تقنع مشتركين ديالك بحيز صغير لي كيمتلك، بحيت كل مشترك كيتعرض ليه الإيميل بطريقة مختلفة على مشترك الآخر و ذلك حسب نوعية جهاز لي كيمتلكها، و ينصح أنك تخلي subject line ديالك يتراوح ما بين 25 – 30 حرف، قصير و واضح. طريقة مثلى لي كيقومو باستعمالها أغلب مسوقين باش يقيسو مدى فعالية subject line بي A/B Testing.
Improve your CTA:
من بعد ما دخلو المشتركين لمحتوى الإيميل شنو هو أكشن لي بغيتيهم ياخدوه؟ نقدرو نقولو بلي CTA كتعتبر هي آخر مهمة نوعا ما في إيميل، و دور ديالها تقوم بتشجيع مشتركين يديرو الإجراء مرغوب فيه. في موبايل مساحة صغيرة، call to action خاص تكون واضحة. و باش تحسن من ظهور إيميل على موبايل و كذلك من تجربة مستخدم خصك تحاول تستعمل أزرار بدلا من روابط و سبب باش تنقص من كمية نص زائدة، كما أن إستعمال أزرار كيكون مميز و واضح أكثر و سهل نقر عليه بالنسبة للهواتف.
Clear & Valuable Content :
أي نوع من محتوى قبل ما تقوم بتصميمه خص تكون واضع ليه مخطط و عنده معنى، و بما أن المحتوى إيميل كيضمن فقط مساحة صغيرة، خصك تركز فقط على ماهو مهم و عنده قيمة للمشتركين. كنعرفو أن فترات انتباههم كتكون قصيرة بزاف فقط تواني قليلة، لهذا من صعب على مشترك يقرا و يركز مع محتوى الإيميل طويل. الاختصار بالنسبة ليك و جميع مسوقين عبر الإيميل كيتعتبر مفتاح، باش تحسن من تجربة على موبايل و رسالة تكون واضحة و مفهومة بالنسبة ليه.
.
