ممكن تكون marketer ناجح؟

الكثير منا عانى من مشكل بطئ المبيعات أو انعدام ديالها وهذا راجع لعدة أسباب اللي هي ما شي بسبب الفيسبوك ادس أو أي منصة أخرى اللي هي مجرد source traffic فيها بزااف ديال الناس اللي ممستعدينش يشريو … الى رديتي البال لهذه النقطة كتلاحظ باللي الضغط الناتج عن باغي غير تبيع كيخليك متردش البال انك كتبان للزبائن باغي غير تبيع و صافي هذا خطئ عكس الى بينتي على النية ديالك في مساعدة الكليان و تقديم أفضل الحلول و تبقى معاهم حتى يتحل المشكل.بالاضافة لهادشي اللي قلنا كاين مجموعة من الأسرار اللي كتخليك ملك البيع :

1-تقديم قيمة

هنا في القيمة مكنقصدوش بيها الاضافات المجانية اللي كتصيفط للزبناء ديالك . لكن القيمة اللي كتعطي للزبون ديالك على شكل خدمات أو وقت باش تحل المشكل ديالو بدون أي مقابل . مثلا تعطي استشارات مجانية في المجال اللي خدام فيه . ممكن دير مدونة كتعطي معلومات و نصائح قيمة السر هنا هو الناس الى عرفاتك مصدر للمعلومات ماشي المبيعات غادي تشري بدون تردد هما غادي يقلبوا على اش كتبيع باش يشريو من عندك.

2- قيمة المنتج

أثناء عملية البيع أكثر الأسئلة شيوعا هو ?prix بغض النظر عن جودة المنتوج مقابل الثمن لكن هادشي كيظهر عندهم واضح بعد البيع . هنا خاصك توضح للمشتري الامتيازات اللي غادي ياخد مقابل الثمن المدفوع و هنا غادي يعرف القيمة المضافة عندك و بالتالي غادي يولي امر الثمن ثانوي .

3 -اثارة الاهتمام

الأغلبية كيعتمد على فيسبوك كمصدر أول للزبائن المشكل هنا هو أن الناس داخلة باش تشري …..بالاضافة أن الناس مكتبغيش اللي يفرض عليها عملية الشراء هنا كيجي الدور ديالك كمسوق ناجح كتخلق ليهم الجو المناسب للشراء باش يشريو بوحدهم ..؟ كيفاش ؟ ممكن عن طريق طرح أسئلة مناسبة اللي تخليه يفكر و يجاوب من وجهة نظرك أو كيفما بغيتي انت بمعنى كتوصلو لداكشي اللي بغيتي انت بلا ما يحس . لكن هاد النوعية ديال الأسئلة خاص يتوفر فيه شرطين الأول خاصو يفكر غي المصلحة ديالو و التانية يجاوب أو الحل كاين في المنتوج ديالك.

4-طرق البيع الغير مباشرة

هنا الى خليتي بينك و بين الكليان ديالك فقط كلام مهمني بلا شك الاحتمال ديال الخسارة غادي يكون كبير أما الى كان engagement مع الكليان ديالك ودي و مفعم بالحيوية و الفكاهة غادي تكون علاقة قوية مع الكليان ديالك اللي كتسهل عملية البيع ،اذا استطعت انك تربط المنتج ديالك بقصة و ربطتيها بطريقة ذكية و مرحة فالكليان ديالك مغاديش ينسى القصة بقدر ما يمكن ينسى بسرعة الأرقام.

5- المخاطر

الكليان فاش كيشوف المنتوج ديالك كيطرح اسئلة من هاد النوع : واش نشري هاد المنتوج ؟ واش نتيق فهاد الناس اللي كيبيعوه ؟ بحيث كيقوم بتقويم شامل لعملية الشراء و المخاطر ديالها المشكل هنا هو أن هاد النوع من الأسئلة غير ظاهر يعني خاصك تستنتجوا غير بنفسك و تحاول تعالجهاكاين أربع مخاطر مشهورة : المبلغ الدفوع مكيستاهلش قيمة المنتوج ،شك في مدى الحل ديالك للمشكل ديالو ،متردد حتى يشوف السوق ،خايف يشريها و تبقى غير محطوطة .

6-أراء الكليان الأخرين

شهادة الكليان او الناس اللي جربوا المنتج أو الخدمة ديالك من قبل مهة بزاااف لكن لابد ما تعرف كياف وو قتاش تستعملها ،ممكن تنشر الرسائل اللي كتلغي المخاطر اللي تكلمنا عنها سابقا.