سلسلة “أحسن تطبيقات شوپيفاي” الجزء الأول |Apps For Marketing
مرحبا بيكوم فالجزء الأول ديال السلسلة الخاصة بأفضل التطبيقات ديال شوپيفاي ليغاتساعدك باش تكبر لبيزنيس ديالك وتبني قاعدة زبناء أوفياء وتسوقليهوم المنتوجات ديالك بشكل احترافي جدا.
وكيفما ذكرت فالمقدمة ديال هاد السلسلة بلي التطبيقات ليغانذكر فيها كايتقسموا ل categories
Best Apps For Marketing And Promotions
هي ل Categorie ليغانفتاتحوا بيها هاد السلسلة نظرا للأهمية ديالها فزيادة المبيعات, خليونا نبداو بهاد التطبيق الرائع:
يمكنك تجربة شوبيفاي مجانا لمدة 14 يوم| Shopify 14 days trial
OptinMonster (Email Marketing Expert)
Constant contactواش كاتعرف بلي أكثر من 70% من الناس ليكايغادروا المتجر ديالك يقدروا ماعمر يرجعوليه مرة أخرى ؟ الإيميل ماركوتينغ هو أسهل طريقة وأكثر الوسائل الموثوقة باش تأكد بلي غايرجعوا ليك، داكشي علاش ماكانش عندنا تردد باش نطرحوا هاد التطبيق على رأس القائمة ديال التطبيقات ليغاتساعدك باش تسوق للبيزنيس ديالك.
بهاد التطبيق تقدر تحول الزوار ديال الموقع ديالك لمشتركين فالقائمة البريدية ديالك وتخليهوم يوليو زبناء أوفياء ليك.
يمكن ليك تربطو مع أشهر البرامج المزودة لخدمات البريد الإلكتروني: constant contavt, mailchimp, aweber, compaign monitor ……
يمكن ليك كذلك من خلالو تحط لافتات العروض فالمتجر ديالك أو لافتات الشحن المجاني أو التخفيضات …
كايستعمل تقنيات حديثة بحال Inactivity Sensor … ليكاتخليه يدرس التصرفات ديال الزبون فالمتجر ديالك ويعرف إلا قرر يخرج بلا مايكمل الطلبية ديالو وبالتالي يرسليه عرض خاص فآخر لحظة ليغايشجعوا يكمل عملية الشراء
TrustPulse
هاد التطبيق كايلعب دور كبير ف بحيث كايساعدك تبني علاقة ثقة مع الزبناء ديالك من خلال عرض إشعارات فالمتجر أو الموقع ديالك ليكاتبين النشاط ليكايقوموا بيه الزوار ديالك بحال عمليات الشراء، عمليات التسجيل فالقائمة البريدية ديالك…. إلخ
الدور ديال هاد التطبيق مهم بزاف حيت الزبناء كايقتانعوا أكثر إلا شافوا بلي كاين إقبال على المنتوجات ديالك وهادشي من خلال الدراسات كايساهم فزيادة نسبة المبيعات ب 15 %
Smile.io
واخا يكون الزبون ديالك كايتعامل معاك بوحدك أو كايتعامل مع شركات أخرى ليكاتنافسك، فبرامج الولاء ضرودي منها وكاتشكل نقطة تغيير هائلة فالبيزنيس ديالك،
داكشي علاش زدنا هاد التطبيق فهاد اللائحة ديال التطبيات لي الدور ديالها هو تسوق للبيزنيس ديالك على أحسن وجه.
هاد التطبيق كايساعدك توفر للزبناء ديالك برامج مكافأة على المتجر ديالك، بحيث كاتستاعن بيهوم يساعدوك فنشر المنتوج أو الموقع الإلكتروني ديالك على الحسابات ديالهوم فمواقع التواصل الإجتماعي وبالمقابل كاتقدمليهوم مكافأة على المجهودات ديالهيوم، هادشي كايزيد التفاعل بشكل كبير مع النشاط التجاري ديالك حيت كيفما كانعرفوا بلي الناس كاتعجبها المكافئات والمجانيات.
