3 أسباب فقط علاش خصك تحكي قصة Brand Story
Stories أو قصص شنو هي بضبط؟ قصص كيتم تعبير عليها على أنها فن و تقنية قوية لي كتساعد في بناء علاقات، بحيت تعملات دراسات أو أبحاث بينت على أن عقل البشري سواءً كبار أو صغار كنتعلقو و كنتفاعلو معاها، كما أننا كنميلو إلى تذكر حقائق فقط ملي كتكون مرتبطة مع قصة.
قصة علامتك التجارية ما كتقومش بالاقتصار فقط حكيها في صفحة about us page في موقعك، مدونة أو حتى سوشيال ميديا، بل هي أكثر من ذلك هي تقنية كتظهر من خلالها قيمة علامتك تجارية، مهمة ديالها، قيمة لي غدي ضيف و توصلها إلى جمهور مستهدف فينما كان.
إذن شنو هما الأسباب لي غدي يدفعوك أنك تروي قصة لعلامتك تجارية؟
أسباب هما ثلاثة كتالي:
Reason 1 :
بناء روابط و خلق إتصال مع العملاء، هذا أول سبب غدي يدفعك أنك تنشأ قصة لعلامتك التجارية. قصة ديال براند ديالك عندها تأثير و قوة كبيرة في أنها تشكل إتصالات لي عندما قيمة مع العملاء سواءً كانت عندك علامة تجارية أو يلاه كتقوم ببناءها فمن المحتوم عليك تروي قصة عليها و تبني من خلالها مسار عاطفي للعميل. خلق إتصالات ماشي شي حاجة لي غريبة أو معقدة بحيث كنمارسوها في حياتنا اليومية، انطلقوا من أنفسنا أولا كأفراد ملي كتصادف أناس جدد أو صادفتي علامة تجارية أثارت انتباه ديالك شنو هما أسئلة لي كتطرح؟ هد الأسئلة هما كالتالي: شكون أنت؟ الأصل ديالك؟ شنو هي رؤية ديالك، تقافتك، أو قيمة مضافة؟ شنو هما الخدمات أو المنتجات لي كتوفرها؟ باش غدي تفيدني؟ و العديد من الأسئلة. نقدرو نقولو بلي أسئلة مشابهة كيقوم بطرحها عميل و باش تبني تقة و تخلق إتصال بينك و بين علامتك تجارية غدي تقوم بالإجابة عليها على شكل story. و بالتالي غدي نلخصو بلي brand story هي عملة تسويق.
Reason 2:
سبب التاني لي كيتجلى في أهمية و الحافز لي كتنشؤ brand story. بحيت بإنشاءك قصة قوية لعلامتك التجارية ماتقومش بتأثير فقط على عملائك المستهدفين و لكن كتقوم بخلق حافز عاطفي و تعاطفي معاهم. خطأ مشترك لي كيوقعو فيه الأغلبية ملي كيتعلق الأمر بإنشاء قصة لعلامة التجارية كيحاولو تعقيد الأمر و كيحكيو قصص كثيرة و مختلفة على البراند و بالتالي كيخرجو على المضمون ديالو. ماكانش ما أحسن من البساطة، روي قصة بسيطة تكون كتضمن محفزات عاطفية و تعاطفية، و بوضعك للمحفزات في أول فقرة في محتوى ديالك أو في ثواني أولى من فيديو، كتخلي عملاء بطريقة لاوعية يتفاعلو و يترتابطو بعلامتك التجارية.
Reason 3:
سبب ثالث لي غدي يدفعك أنك تصمم و تروي قصة لعلامتك التجارية من ضروري و من البديهي جدا أنك تبغي هد القصة تكون متميزة و أصلية و تبقى مترسخة في أذهان جمهورك المستهدف، بحيث ملي كتقوم بمشاركتها معاهم كيبغيو يعرفو أنها قصتك “أصلية” و كتنتمي لعلامتك تجارية من لحظة تأسيسها و باش تبني ثقة مع عملائك خصك تكون صريح و صدوق مع نفسك و تحدد هوية علامتك تجارية من خلالها و بالتالي كتميز على غيرها من منافسين.
