سلسلة “أحسن تطبيقات شوپيفاي” الجزء الرابع|Apps For Customer Service
كاتعتابر “خدمة العملاء” من الركائز ليواقف عليها أي بيزنيس فالعالم، خاصك توفر للزبناء ديالك دعم وخدمة احترافية إلا بغيتي لبيزنيس ديالك يمشي مزيان ويطور بشكل سريع، داكشي علاش خصصنا فهاد السلسلة جزء خاص باش نتكلموا فيه على أحسن التطبيقات ليتقدر تساعدك توفر للزبناء ديالك خدمة عملاء احترافية.
تدوينة ذات صلة : سلسلة “أحسن تطبيقات شوپيفاي” الجزء الثالث|Apps For Sales Channels
تطبيق: Facebook Live Chat
Live chat أي التواصل المباشر مع الزبون كايتعتابر من الأدوات الرائعة ليتقدر توفر بيها للزبون ديالك خدمة عملاء احترافية وتجيب بيها Feedback إيجابي وزوين على لبيزنيس ديالك
بزاف ديال الدراسات والإستطلاعات كاتبين بلي ل Method ديال Live Chat مع الزبناء ديالك كايساهم بشكل قوي وعندو تأثير إيجابي على المبيعات والأرباح وزيادة وفاء الزبناء
ومع التواجد ديال أكثر من 2 مليار ديال المستخدمين النشطاء على منصة التواصل الإجتماعي Facebook فأحسن اختيار ممكن تعتامد عليه باش توفر ميزة التواصل المباشر Live Chat فسطور شوبيفاي ديالك هو تطبيق ” Facebook Live Chat ” .
يمكنك لك تجرب شوبيفاي بالمجان لمدة 14 يوم| Shopify 14 days trial
هاد التطبيق كايمكنك أنك توفر الدعم المباشر للزبناء على المتجر ديالك من خلال Facebook Messenger.
هاد التطبيق كايخدم كذلك مع منصات التواصل الإجتماعي الأخرى. وكايتميز بتصميم رائع وساهل وبسيط فالخدمة ديالو
تطبيق YOTPO
كايحتل هاد التطبيق دائما مراكز الصدارة بين التطبيقات الخاصة بزيادة المبيعات حيت كايساعدك بشكل احترافي أنك تاخد Reviews على المنتجات ديالك وهادشي كايشجع الزوار ديال المتجر ديالك يتيقوا فيك ويشريو من عندك حيت Social Proof كاتلعب دور كبير فالقرار ديال الشراء عند الزبون
هاد التطبيق كايمكنك أنك ترسل طلبات للزبائن ديالك باش يعطيوك فيدباك على المنتوج ليشراو وتعرض هاد الفيدباك على سطور ديالك بسهولة. ومن طبيعة لحال تقدر تختار Reviews ليغاتبغي يبانو فالواجهة
تطبيق YOTPO كايساعدك تجيب ترافيك من Social Media لسطور ديالك
تطبيق OneClick Social Login
كلما شجعتي الزبناء ديالك يفتحوا حساب فالمتجر ديالك وسهلتي عليهوم هاد العملية، كلما غاتقدر توفرليهوم المنتوج المناسب فالوقت المناسب والنتيجة = مبيعات أكثر.
هاد التطبيق الرائع كايخلي الزبائن ديالك يفتحوا حسابات فالمتجر ديالك باستخدام حسابات التواصل الإجتماعي ديالهوم (Facebook, Twitter, Linkedin, Pinterest…..) يعني كايسهل عليهوم المأمورية بحيث يقدروا يفتحوا الحساب بضغطة زر.
لوحة التحكم ديال هاد التطبيق بسيطة وساهلة فالإستعمال إلا بغيتي تعدل فالإعدادات.
