6 تطبيقات ضرورية تستخدامها فصطور ديالك في شوبيفاي |Shopify Apps

كتعتبر منصة شوبيفاي من أفضل المنصات في مجال إنشاء المتاجر الإلكترونية. في مراحل بسيطة تقدر دير صطور ديالك ماتحتاج تكون مبرمج فقط دخل الاسم د صطور و كليكي على انشاء و هانتا ولا عندك صطور ديالك.
لكن بعد ماقمت بإنشاء صطور ديالك ضروري من تطبيقات، باش تساعدك في تحسين معدل التحويل وزيادة الأرباح من بين هاد تطبيقات:

يمكنك تجربة شوبيفاي مجانا لمدة 14 يوم| Shopify 14 days trial

1: تطبيق Kit

Kit هو تطبيق مجاني لصطورات شوبيفاي، تطبيق عبارة عن روبوت خدام بواسطة الذكاء الإصطناعي يمكن لك تعتبرو كشخص خدام عندك، يمكن لهاد الروبوت يقوم بحملات إعلانية على فايسبوك ادس كذلك يقوم بإعطاءك إحصاءيات صطورك مباشرة أيضا يقوم بإرسال رسائل بريدية لقائمتك كلشي هادشي عبر رسائل نصية قصيرة منك.

2: تطبيق Oberlo

تطبيق أوببرلو Oberlo هو من أفضل التطبيقات لي خاص تكون عندك في صطور ديالك خصوصا الى كانت خدام في مجال الدروب شيبنج Drop Shipping. هذا التطبيق كيسمح لك تقوم بإضافة منتجات من علي إكسبرس لصطور شوبيفاي بكليك واحد بصور و الوصف و كلشي لغاي تحتاجو، كذلك لقوة ديال هاد التطبيق أنه بعدما تبرمج الإعدادات ديالو غايقوم وحدو بشراء من علي إكسبرس وإرسال سلعة لعنوان لمشتري بدون ماتدخل.

3: تطبيق Omnisend

كما كلشي كيعرف مقولة “Money in the list” هذا كايعني ضروري تركز على الإميل ماركتنج Email Marketing لانه هو سر في مضاعفة الأرباح ديالك و إعادة إستهداف ناس لشراو من صطور ديالك و تعاود تبيع لهم لمنتجات أخرى.
بالنسبة ل”Omnisend” فهي من أفضل شركات لي ممكن تعامل معها في حملاتك على قائمتك البريدية سهلة في استخدام ديالها وتقدر تصاوب فيها Automation لناس لتسجلو عندك في newsletter و اي حاجة بغيتي ديرها .

4: تطبيق Hot Jar

بغيتي تعرف شنو كيوقع في صطور ديالك؟
تطبيق Hot Jar كيخليك تعرف شنو كيديرو ناس في صطور ديالك خطوة بخطوة من خلال تسجيلهم بفيديو، هذا التطبيق غادي يسمح لك تعرف الأسباب لي كيخليو زوارك يقومو بالخروج من صطورك بلا ما إكملو عملية الشراء، وبهاد طريقة تقدرتعرف فين كاين لمشكل و تلقى لحل ديالو.

5: تطبيق SMSBump

SMSBump من بين تطبيقات لي مغاديش تندم عليها وغادي تزيد في معدل الارباح ، هاد تطبيق خاص بتسويق عبر رسائل نصيةSMS Marketing . كيسمح لك بإعادة استهداف ناس لي ماكملوش عملية شراء Abandoned cart من خلال رسائل نصية، ايضا إنشاء حملات التسويق متنوعة في ثوان معدودة وتتبع النتائج بكل سهولة.

يمكنك تجربة شوبيفاي مجانا لمدة 14 يوم| Shopify 14 days trial

6: تطبيق After Ship

كيقوم تطبيق After Ship بالإعتناء بالأشخاص لقاموا بشراء من بداية فاش شراو المنتوج حتى إوصلهم المنتوج لعنوان ديالهم، لان هاد تطبيق كيقوم بتتبع جميع طلبيات لي تم إرسالها وكيرسل جميع تحديثات لمكان وصول طلبية وكيرسالها بشكل اتوماتيكي من خلال رسائل نصية لكليان ديالك.
بهاد طريقة غادي تقلل من نسبة “Refund” في صطور ديالك وبالتالي زيادة الأرباح، كما غادي تكسب ثقة لكليان، و غادي تمكن من تتبع جميع مبيعات من مكان واحد.

نتمنى تكون استافذتي يلا عجبك المقال بارطجيه مع صاحبك😊