خطوات بسيطة لاستعادة المشتركين | Re-engagement Email
كتقوم بتسويق ضروري و من طبيعي أن قائمتك البريدية تكون كتضمن مجموعة من المشتركين غير نشيطين، بحيث امتلاك قائمة كبيرة عمرها ما كان مؤشر على نجاح إيميل ماركتينغ، سواء كنتي كتمتلك قائمة صغيرة أو كبيرة المهم أنها تكون كتضمن الجودة و كيفاش غدي تحافظ على المشتركين ديالك و إبقاؤهم متفاعلين معاك. و باش تعزز مشاركة غير النشطين غدي يخصك تقوم بإنشاء حملات re-engagement، و لي كيتعتبر وسيلة فعالة لإعادة ارتباطهم و تعزيز علاقتك معاهم. إذن شنو هما الخطوات لي غدي تساعدك؟ الخطوات هما كالتالي:
تحديد المشتركين غير نشيطين:
أول خطوة خصك تقوم بها باش تنشأ حملات إعادة المشاركة، هو قيام بتحديد إطار زمني من خلاله غدي تفصل مشتركين النشطين على غير النشطين. في غالب المشتركين غير نشيطين كيكونو الأشخاص لي ما فتحوش الإيميل ديالك لمدة كتراوح ما بين شهر إلى 6 أشهر، و باش تحدد قائمة للمشتركين غير النشطين غدي خصك تراقب آخر الإيميلات لي قمتي بإرسالها واش تم فتحها من طرفهم و نوعية المحتوى و زمان لي قمتي بإرساله.
وضع خطة:
فصلتي قائمتك، الآن كتوفر على قائمة المشتركين غير النشطين. هدف ديالنا نشجعو و نعززو إشتراكهم و ارتباطهم بعلامتنا التجارية، و باش تمكن منها غدي يخصك توضع خطة إستراتيجية بناءً على جوج عوامل أساسية باش تنجح حملات إعادة المشاركة و لي هما عامل الوقت و المحتوى، بحيت من بين أسباب رئيسية لي كتدفع مشتركين ما يفتحوش الإيميل هو “الوقت”، ما كيكونش مناسب ليهم ماشي جميع مشترك متشابهين لهذا أنت مطالب أنك تقوم ببحث على الأزمنة مثالية لي ممكن يفتحو فيها رسالة ديالك. عامل التاني من بعد الوقت هو المحتوى الإيميل ولي كيلعب دور كبير على المشتركين يتفاعلو مع علامتك التجارية و بالتالي تعزز علاقتهم أو مسحها و توجيهها إلى سبام. ولهذا صمم Subject line تكون تلف انتباه و نشأ محتويات لي عندها قيمة و كتساعد المشتركين ديالك.
A/B Test:
كيفما بغا يكون نوع بزنس ديالك، كتعتبر رسائل إعادة إشتراك مهمة و أساسية باش ترجع مشتركين ديالك و تذكرهم بعلامتك التجارية، غدي يخصك تنشأ حملات لي غدي تقوم بجذبهم من خلالها. في هد الخطوة من بعد ما حددتي وقت الأمثل و المحتوى كيتضمن قيمة. قوم بي A/B Testing لي بدورو غدي يساعدك باش تعرف أشمن خيار في حملة ديالك لي أحسن، على سبيل المثال صممتي جوج subject line و بغيتي تعرف إينا وحدة فيهم غدي تلفت انتباه المشتركين و بالتالي تأدي حسن، قسم المشتركين ديالك إلى جوج مجموعات و رسل ليهم إيميل مع Subject line مختلف، من بعد إرسالك للإيميل حلل و قارن نتائج أداء كل وحدة في حملة ديالك، بالطبيعة الحال ملي كنتكلمو على A/B Test ماغديش تقوم بتجربة جميع عناصر في الوقت الواحد. عنصر واحد فقط و حلل نتائجه.
تحليل نتائج:
باش تمكن من معرفة نجاح حملاتك في إعادة المشتركين، غدي يخصك تقوم بمراقبة و تحليل نتائجها بناءً على مقاييس أساسية (CTR، open rate، unsubscribe rate …). من بعد قيام بعدة حملات إعادة المشاركة و حللتي نتائجها و لاحظتي تفاعل مشتركين معاك يمكن ليك الآن تقوم بإرجاعهم إلى قائمة الرئيسية.
