سلسلة “أحسن تطبيقات شوپيفاي” الجزء الثاني |Apps For SEO

نونبر 22, 2019 0 Comments

واش كاتستاغل SEO (Search Engine Optimization) بالشكل الصحيح باش تسوق للبيزنيس ديالك ؟
SEO هو ركيزة أساسية ليخاصك تخدم عليها باش تخلي لبيزنيس ديالك يكبر ويتحرك وتجيب مبيعات ويكون عندك إقبال أكثر. ولكن بشرط أنك تستافد منو بالشكل الصحيح وتخلي محركات البحث ديال غوغل أو غيرو يتعرفوا عليك مزيان أو بمعنى مجازي تخليهوم يوليو أصدقاء أوفياء للمتجر أو الموقع الإلكتروني ديالك.
إلا ماتحققش هاد الشرط كون أكيد بلي لبيزنيس ديالك ماغايقدرش يطور بالصورة ليبغيتي وماغايتشهرش بالسرعة المطلوبة.
فهاد المقال غانهدروا على مجموعة من أفضل التطبيقات ليتقدر تساعدك تحقق الإستفادة القصوى من محركات البحث على صطور ديالك في منصة شوبيفاي.

يمكنك تجربة شوبيفاي مجانا لمدة 14 يوم| Shopify 14 days trial

Best Shopify Apps For SEO

أول تطبيق: Plug In Seo

كايتعتابر هاد التطبيق أحد أفضل الإختيارات ليممكن تعتامد عليها فتحسين الظهور ديالك فمحركات البحث حيت كايوفرليك مساعدة ودعم كبير باش تعرف المشاكل والثغرات ليكاتعلق بالعناوين ليكاتحط للصفحات أو المنتوجات والوصف ديالهوم وليماكاتخليكش تبان فمحركات البحث بالشكل المطلوب وكايحلها ويصلحها باش تقدر تجيب زيارات أكثر للموقع أو المتجر الإلكتروني ديالك وبالتالي زيادة فالمبيعات

التطبيق الثاني: SEO Manager

علاش هاد التطبيق مهم بزاف ؟ حيت كايتعتابر من أفضل التطبيقات ليكاينة فشوپيفاي ولي الإختصاص ديالها هو تحسين الآداء ديال المتجر ديالنا فمحركات البحث وتخليه يتصنف فالعناوين الأولى ديالها.
هاد التطبيق ممكن يزيد الخريطة ديال الموقع ديالك لمحركات البحث ديال جوجل وهاد النقطة مهمة بزاف حيت كايخلي محركات البحث ديما طلعك مع لوالا فالبحث كل مادرتي شي إضافة على المتجر ديالك سواء منتوج مقال جديد … إلخ.
كذلك من بين نقاط القوة ديال هاد التطبيق كايعاونك باش تكتاشف أي خطأ ف سيو وتصلحو.
بخلاصة هاد التطبيق كايخلي المتجر ديالك صديق لمحركات البحث، وهادشي كايخلي الوجود ديالو أساسي فأي سطور

ثالث تطبيق: SEO Image Optimizer

واش كنتي عارف بلي أكثر من 22% من الأبحاث كاتكون ف Google Search by Image
ماكاتنش هاد المعلومة فبالك ياك ؟!!!
هادشي كايبين ليك بلي مهم تركز على هاد النقطة وتفكر تخدم بتطبيق بحال SEO Image Optimizer
مع هاد التطبيق تقدر تستافد من زيارات كثيرة من خلال بحث الصور من Google مجانا
هاد التطبيق موثوق من طرف أكثر من 153000 سطور أونلاين وعندو أكثر من 5500 تقييم من فئة 5 نجوم وكايحتاوي على 1.4 مليار صورة
تطبيق قوي فالمجال ديالو وفيه الخطة المجانية والخطة المدفوعة أيضا