كيفاش نضمن استمرارية المشروع ديالي ؟

من الواجب نركز على وجه الخصوص على متطلبات الزبائن و كيفاش ممكن نلبي الحاجيات ديالهم الغير المصرح بها ، كذلك مدى القدرة ديالي أنني نضم عملاء أخرين لمهتمين بالمنتج و لكن عن طريق نقص في المعلومة أو مشكل مادي محض ماكقدروش حاليا يستهلكو المنتوج ديالي و كيفاش ممكن نجعل جميع المعلومات متاحة ليهم و نقدم ليهم عروض خاصة من أجل تلبية جميع حاجياتهم.

كذلك معرفة وضعية الموردين ديالي و هل هناك منهم من يعرض نفس العرض بامتيازات أكتر إيجابية فيما يخص مدة التسليم و طبيعة الدفع و علاش لا منستفدش من هده العروض . الإجابة عن جميع هاته الأسئلة غتمكنك من استنتاج الإستراتيجية لعن طريقها ممكن تبني الميزة التنافسية ديالك، و لعن طريقها ممكن تنفرد عن غيرك من المنافسين. باش توصل لهذا التفكير خاصك و لابد تكون حدر لأي صغيرة و كبيرة كتوقع و لا وقعت في المحيط الخارجي الإقتصادي ديالك . و لأبرزها كتجمع في 5 قوى أساسية ما يطلق عليها ب Porter’s Five Forces . فتحليل المحيط الخارجي ديالك عنصر و لابد منه من أجل ضمان عيشك و تعايشك في السوق لأنت كتنتمني ليها و هاته الوسيلة كذلك كتقوم بوضعك في الصورة و كتعطيك نبدة عن الواقع ديالك و كتبين ليك نقط القوة ديالك و نقاط الضعف.

#1أول عنصر هو القدرة على التفاوض مع الموردين ديالك | Negotiate with Suppliers :

كيشكل المورد بالنسبة لأي شركة بغض النظر للحجم ديالها أو وضعها القانوني عنصر أساسي لكتحكم في استمرارية الشركة . فإلا كنت كتوفر على عدة موردين ففهده الحالة أنت كمقاول كيكون عندك قدرة على التفاوض كبيرة جدا حيت عارف بلي كتوفر على إمكانية عديدة و عن امتيازات أخرى من باقي الشركات ففي وقت التفاوض مع الشركة X تقدر تخلق بنود في العقد لممكن يكون في الصالح ديالك كتسوية الفاتورة ديالك في مدة متلا لكتعدى 60 يوم ، التوصل بالمنتوجات في مدة زمنية لا تقل عن 15 يوم متلا . على العكس إدا كان المورد ديالك كتوفر على وضعية احتكار في السوق أي monopole فهنا قدرة التفاوض ديالك كتكون فعلا محدودة و ما عليك غير توافق و تخضع لشروطالمورد.

#2 ثاني عنصر هو الشركات الجديدة لممكن تنافسك مستقبلا | Future Competitors :

مع التطور التكنولوجي و ترسيخ تقافة الرأسمالية في جميع أنحاء العالم، أصبح غرض كل مستتمر أو مستتمرة إعطاء روح جديدة لشركة معينة . ففي العالم ألاف الشركات لكظهرو شهريا . مما وضح أنه كيفما كان النشاط ديالك أو القطاع أو المجال لكتفاعل فيه كتبقى ديما إحتمالية دخول شركات أخرى واردة . و كينبغي على مسوق أي شركة أنه ياخد احتياطاتو وفقا لهدا النحو فشركات عديدة و لاسيما كبيرة الحجم كتوفر على موظف لايقوم إلا بتحليل وتائقي لجميع الشركات لممكن دخل تنافسو بشكل مباشر أو غير مباشر.

#3 ثالثا عنصر الكثافة التنافسية | Competitive Intensity:

من غير الشركات لمحتمل أنها تندمج في السوق ديالك و كتهدد الإستقرار ديالك بشكل كبير و لكيتوجب عليك تكون حذر من ظهورها ، كيتواجدو أيضا حتى المنافسين الحاليين ديالك و الأمر كيبدو بغاية البديهية . فالسوق كتحت على المنافسة و هذا شرط من شروط النظام الليبرالي . فكيتوجب على أي شركة أنها تكون قادرة على مواكبة العروض المقدمة من طرف المنافسين ديالها . ففهذه الحالة الشركة المعنية خاصها تنجح في اختيار الإستراتيجية المناسبة ليها سواء بواسطة التحكم في تكلفة الإنتاج و التخفيض من ثمن المنتج أو الخدمة أو التركيز على القيام بعروض موسمية و تشخيص العروض على حسب الكليان “one to one ” كل هاته الإستراتيجيات كتمكن الشركة من التوصل للميزة التنافسية و ضمان استمراريتها و تواجدها في السوق المستهدفة.

#4 رابع عنصر قدرة التفاوض مع الزبائن | Ability to Negotiate with Customers:

بصفتك انت هده المرة ممول أو مسوق لمنتوج X و كتملك exclusivity ديالو. هنا كتكون قدرة التفاوض مع الزبائن عندك قوية إذ ممكن تطرح التمن ليناسبك مع هامش ربح كبير شريطة أن يكون التمن المطروح معقول و الفئة المستهدفة ديالك قادرة تقوم بالدفع ديالو و بكل أريحية. على عكس إلا كانو بزاف ديال الشركات لكطرحو نفس المنتج ديالك مع مزايا متشابهة و بدرجة كبيرة هنا كتصعاب عليك المهمة و كتكون القدرة على التفاوض قليلة فعلا فما عليك غير تخضع لشروط الكليان ديالك و تحاول تجعلهم تجعلهم راضيين و يكون regular customers. فهنا من طبيعة الحال خاصك تلعب على حملات ترويجية مغرية عن طريق تسهيلات في الدفع مع تخفيضات كتصعاب رفضها.

#5 المنتوجات البديلة | Substitution Product:

هم المنتوجات لممكن يلبيو نفس حاجيات المستهلك ديالك. فهاته الأنواع من الشركات لكتوفر منتوجات من هذه النوعية هن شركات منافسة ليك بطريقة غير مباشرة . فالمسوق الناجح هو المسوق القادر على تقديم منتج يجعلك متلهف لاستهلاكه دون غيره و ذلك بتقديمه بطريقة تليق به مما يمكنه من إتارة كل من يمر من حوله فعلى غير طريقة التقديم و جودة المنتج فالمسوق كيتوجب عليه أيضا يعرف يختار packaging le المستعمل . هذا فيما يخص المنتج أما في الخدمة فالأمر كختلف فتقديم الخدمة كتعتمد على طريقة تصوير ما تقدمه مع الإستعانة أيضا بأراء الناس لسبق ليهم و استافدو من الخدمة ديالك و دلك فقط لإبراز نوعية و جودة الخدمة ديالك.