4 نصائح غدي تساعدك في تصوير لمنتجات | Product Photography for Ecommerce

…Product photography
 واش عارف بلي حنا كإنسان كنتدكرو فقط %80 من شنو كنشوفو و فقط %20 إلى كانت ماكانش قل من شنو كنقراو؟ صور المنتجات كتصنف اكتر أهمية من وصف أو تفاصيل المنتج، و حتا الفيدباك ديالو. حيت الصور المنتجات كتعتبر واجهة علامتك التجارية أو موقعك الإلكتروني. المتسوقين أونلاين كيقومو بالاعتماد عليها في إتخاذ قراراتهم (واش يضغطو على add to cart أو يغلق صفحة موقعك). ما كيهمش واش كتملك منتجات ذات جودة عالية إلى ماكانش صور منتجات مأخوذة بطريقة إحترافية.

اليوم غدي نتكلمو على بعض نصائح لغدي تساعدك في تصوير منتجات موقعك الإلكتروني:

1- Make a Plan:

كيفما بغا يكون نوع المنتجات لي بغيتي تقوم بتصويرها، خصك ضروري توضع خطة أو لائحة التصوير، بحيث هد الأخير كيتعتبر أهم و أول مرحلة من عملية إلتقاط صور لمنتجات. فقط تخطيط بسيط كيدير فرق كبير بزاف و من دونه غدي تضيع جهدك، وقتك و فلوسك. إذن قبل ما تبدا بالتقاط صور دير لائحة مستلزمات لغدي تحتاجها و من بعد رسم و وضع خطة بسيطة مثلا (نوع خلفية لي بغيت، الإضاءة المناسبة، مسافة لخاصها تكون ما بين كل منتج و آلة التصوير أو الهاتف، زوايا منتجات و غيرها…)

2- the right lighting:

من بعد ما قمتي بوضع خطة، خصك تكون ختاريتي نوع الإضاءة مناسبة ليك. نقدرو نقولو بلي كاينين 2 أنواع و لي هما إضاءة طبيعي و لي هي مجانية و إضاءة صناعية، ماشي بضرورة تقوم بشراء معدات فاخرة ديال الإضاءة، حيت كيفما كتقول القاعدة “صوت كاين في اليد و ماشي في آلة الجيتار” هد القاعدة كتنطبق نوعا ما حتى على التصوير، حيت بقات في طريقة و الكيفية لي مأخودة بيها صورة و ماشي بالمعدات، يكفي انك تكتفي بالهاتف كيلتاقط صور عالية الجودة و بعض الأدوات و البرامج البسيطة فحال (…Photoshop،Lightbox) و ضوء شمس، بصح كاين إشكال بسيط انه ما يمكنش تحكم في مقياس ضوء ليبغتي و لكن يمكن ليك تستعمل أدوات سبق ذكرها كتساعد في تحكم الاضاءة. (white background- lightbox … )

3- Real images:

كاينين بزاف أنواع التصوير لمنتجات، و ملي كيتعلق الأمر بتجارة الإلكترونية ففي الغالب كيتم إستعمال و حدة من هد الأنواع في مواقع و لي هما (product-only images،images with text،lifestyle…) كيفما كان نوع لي قمتي باختياره خصك تعتمد و لابد على الواقعية في التقاط الصور، كيفاش؟ المتسوقين أونلاين كياخدو القرار ديالهم بناءً على صور، و في حالة ما قام متسوق بالشراء منتج و لقاه مختلف على صور المعروضة كيشعر بالغضب و الإحباط، إذن باش تحصل على عملاء راضين خصك تقوم بالالتقاط صور تكون واقعية و واضحة، و بالتالي غدي تم تلخيص هدشي في هد المعادلة:
Clear & clean images + real photos  = happy customers

4- Retouch!

من نادر جدا انك تلتقط صورة لمنتج و نشرها مباشرة في موقعك دون قيام بتعديلها، بحيث تعديل الصور ضروري منو كيتعتبر مرحلة مهمة خصك تقوم بها من بعد إلتقاطك لصور و باش تعدل و تحسن صور منتجاتك يمكن ليك تستعمل photoshop – lightroom … أو أي نوع آخر من برامج لكيقوم بتفتيح الخلفية أو إزالة ضلال من صور منتجات.

مزال ماعندك متجر شوبيفاي؟ يمكن ليك تستفد من 14 يوم مجانا