كيفاش ممكن تستافد من استراتيجية البقرة البنفسجية في التسويق
استراتيجية البقرة البنفسجية هي استراتيجية فعالة في التسويق و كتذكير بها ….هي استراتيجية كتقوم على جعل الفكرة ديالك او المنتوج ديالك كبقرة بنفسجية بمعنى وسط الأفكار و المنتوجات كيبقى الوضع ديالك واضح و باين الآن اجي نشوفو كيفاش يمكن لينا نستافدو من هاد الاستراتيجية من عدة نواحي
1- استخدام اسم و شعار logo مختلف
هنا بطبيعة الحال خاصك ترد البال لأن deseigne ديال الاسم التجاري ديالك الاسم في حد ذاته لابد مايكون بسيط و سهل التذكر و designe ايضا يكون مختلف و غير معقد كيعكس التميز و الاستتناء اللي كيخلقهم المنتوج او البيزنس ديالك
2 – تقديم المنتوج للأشخاص المناسبين بطريقة البقرة البنفسجية
هنا خاصك ماشي غير تخلق التميز و الاختلاف فقط.خاصك تعرف كيفاش و شكون الناس اللي خاصك تقدم ليهم المنتوج و الوقت المناسب خصوصا في عالم digital marketing اختيار audience المهتم و product المتميز ( البقرة البنفسجية ) كيمكنك من وضع البزنس ديالك في زاوية جيدة كتمكنك من اجتياح السوق من أوسع أبوابه
و دائما رد البال من طريقة تقديم المنتوج لأنها مهمة للغاية فخلق تجربة مدهشة للكليان ديالك بالاضافة للتفاعل ديالوا مع العلامة التجارية ديالك غادي يخلق عندو ولاء دائم للمنتوجات ديالك
3- اختيار المنتوج او الخدمة بطريقة استتنائية
لابد من التفكير في تقديم منتوج او خدمة مفيدة و استتنائية و قابل للتميز وسط بحر الخدمات و المنتوجات ، و بهذه الطريقة غادي تبقى لاصق في الذهن ديال الكليان لأطول مدة ممكنة ….اختر بقرتك البنفسجية بعناية لتضمن بروزها بشكل جذاب…
في الأخير نعطيو مثال لهاد الاستراتيجية باش نفهموا اكثر
مثلا عندك منتوج معين من بعد ما زدتي عليه اللمسة ديالك تقدر انك تحطو في متجر الكتروني مثل شوبيفاي و من بعد تزيد عليه بطريقة ابداعية بعض التعديلات اللي كتخلي المنتوج محطوط في حلة بنفسجية من الصعب التجاهل ديالها عند عرضها على أي زائر للمتجر الالكتروني ديالك …
