كيفاش تزيد الثقة ديال الزبناء فلبراند ديالك
من قبل كان كافي أن لبراند تكون معروفة عند الناس واحد شوية باش تجيب مبيعات ويكونوا عندها زبائن أوفياء، ولكن حاليا خاص ضروري يكون هاد النشاط التجاري مصحوب بالثقة ديال الناس حيت الزبائن ديال هاد الجيل مختالفين بزاف على الزبائن ديال الأجيال ليقبل.
فالأيام ديالنا الأنترنيت كاتسهل كلشي ويمكن للزبائن بضغطة زر يعرف التاريخ ديال العلامة التجارية ديالك ويعرف إلا كانت عندها سمعة زوينة أولا.
الدراسات والإحصائيات كاتأكد بلي 61% ديال الناس كاتقلب على التجربة ديال الزبائن لاخرين كيفاش كانت عاد ياخذ القرار باش يولي زبون ليك.
الناس كاتقلب على الأسباب باش تيق فيك والدور ديالك أنك توفر ليها جميع الأسباب والظروف ليتخليها تيق فيك وتعامل معاك وهي مرتاحة
وفر للعملاء ديالك محتوى ذو قيمة
كيفما كايقولوا خبراء التسويق الإلكتروني: Content Is King,
يقدر محتوى ذو جودة يعطي بزاف للشركة ديالك، سواء كان فالموقع ديالك فالقسم الخاص بالتدوين أو على مواقع التواصل الإجتماعي.
المحتوى الجيد كايخلي الصوت ديالك مسموع عند الناس، ممكن يخليك الأفضل فالمجال ديال فأعين الناس.
باش تكتب محتوى زوين ومفيد خاص بلبراند ديالك دير بحث باش تعرف المحتوى ديال المنافسين ديالك ومن بعد دير محتوى كاتغطي النقص ليكاين فالمحتوى ديالهوم، دير محتوى أكثر توضيحا وأكثر جاذبية وهاككا غاتكون الأفضل
طبق قاعدة 80/20 فكتابة المحتوى ديالك: خلي 80% ديال المحتوى ديالك يكون بغرض الإفادة أو إعطاء معلومة للمتابعين و 20% من المحتوى خصصها للتحدث على المنتوج أو العرض ديالك، هاككا غاتبين للناس بلي الأولوية ديالك هي تلبية الإحتياجات ديالهوم باش تعزز الشعور بالثقة تجاه العلامة التجارية ديالك
حاول تكون قريب من الجمهور ليكاتسهدف
الزبناء كايبغيو يكونوا قراب من العلامة التجارية ليكايتعاملوا معاها، إلا قدرتي أنك تخلي الزبناء دياولك قرابين منك وعلى تواصل دائم معاهوم غاتقدر تبني ثقة كبيرة
منصات التواصل الإجتماعي هي فرصة على طبق من ذهب بالنسبة للشركات الحديثة باش توصل للزبناء ديالها وتخليهوم دائما قرابين منها.
باش تخلي التواصل مع الزبناء ديالك قوي خاصك تفاعل معاهوم بشكل منتظم وخاص يكون وجودك قوي فوسائل التواصل الإجتماعي. خاصك تراقب الصفحات ديالك وترد على التعليقات والأسئلة والشكاوي فوقت قصير وتعالجها فأقرب وقت
لازم توفر الدعم المباشر والمستمر للزبناء ديالك وهاككا غاتستافد حتا من التسويق الشفهي للمنتوجات ديالك.
أي زبون راض على الخدمة والدعم ليكاتقدمو ليه غايكون بمثابة متحدث رسمي على لبراند ديالك وغايساهم فتحسين Social Proof ديالك
ماتنساش البث الحي على الصفحة ديالك من حين لآخر
من بين الوسائل الأكثر فعالية فزيادة التفاعل ديال الجمهور ديالك مع لبراند ديالك هي البث الحي على الصفحة ديالك، حيت كايساعدك باش تكون على تواصل مباشر مع الزبناء والمتابعين دياولك وهادشي كايزيد الثقة ديالهوم فيك حيت كايتعرفوا عليك أكثر وكاتوفر ليهوم من خلال هاد البث الدعم والإجابة على التساؤلات ديالهوم من غير أي وسيط.
Social Proof
شجع دائما المتابعين دياولك باش تكون نتا كبراند جزء من المحادثات ديالهوم أو جزء من المحتوى ليكاينشروه.
هاد الجيل من الزبناء كايستخدم وسائل التواصل الإجتماعي بكثرة باش يناقش ويعطي الآراء ديالو على الشركات أو المتاجر ليكايتعامل معاها ويعبر على التجربة ديالو سواء كانت جيدة أولا.
هاد المسأمة مهمة بزاف للشركات ليعندها طموح باش تبني علاقة ثقة قوية بينها وبين الناس
بعض الدراسات أكدات بلي المحتوى ليكايتشاركوه الناس بيناتهوم فيما يخص التجربة الشرائية ديالهوم كايكون التأثير ديالو أقوى من المحتوى ليكاتقدم الشركة على نفسها.
فدراسة أخرى 92% من الناس كايتيقوا فالآراء والتوصيات ليكايعطيوها أشخاص آخرين فيما يخص التجربة الشرائية ديالهوم.
داكشي علاش خاصك تأكد من مشاركة الناس للآراء الإيجابية ديالهوم على الصفحة ديالك ومع المحيط ديالهوم
تقدر كذلك تعزز الثقة فلبراند ديالك عن طريق التعامل مع مؤثرين ليعندهوم صلة بالمجال ديالك
شجع الزبناء ديالك يعطيوك Reviews على المنتوجات ديالك
Reviews ديال الزبائن ديالك على المنتوجات أو الخدمات ديالك مهمة بزاف، من غير أنهم كايساعدوك باش تخلي الصورة ديالك قدام الزبناء ديالك زوينة، كايساعدوك باش تعطي تقييم ذاتي للجودة ليكاتقدم للناس.
حتا ل Bad Reviews كايساعدوك باش تزيد بلبيزنيس ديالك لقدام حيت كايخليوك تعرف النقص والثغرات ديال النشاط التجاري ديالك باش تسدهوم وتصلحهوم. وهاد النقطة كايغفل عليها بزاف ديال المسوقين حيت كايركزوا فقط على المراجعات الجيدة وكايهملوا أي مراجعة تكون سلبية على المنتوجات ديالهوم وكاينساو بلي هادي فرصة لإعادة صياغة الإستراتيجيات ليكايخدموا بيها ويقدموا دائما الأفضل للزبناء ديالهوم
