كيفاش تقدر تلعب بالأفريج أوردر فاليو (AOV)

أكتوبر 17, 2019 0 Comments

متكونش غالط ويحساب ليك أنك محتاج لعملاء جداد باش تزيد فحجم المعاملات فسطور ديالك. من طبيعة الحال كاينين طرق كثيرة باش ترفع من AOV .بدل من أنك تحاول تزيد من عدد العملاء خاصك تركز على الطكتيكات للي كتزيد من حجم كل معاملة كتم فسطور ديالك. هادشي مكيعنيش أنك تجيب ترافيك جديد مسألة غير مرغوب فيها.

شنو هو متوسط قيمة الطلب فالموقع ديالك.؟

كمسوق راك مطالب باش تتبع هاد المقياس فجميع الأوقات.وللي يكمن نحسبوها بالطريقة الٱتية.

الطكتيكات للي غنتكلموا عليها كتستهدف العملاء الحاليين وحتى الجدد.كلشي كيتعلق بالطريقة للي كتعرض بيها المنتوجات ديالك و الأوبشنز(options) للي حاط فسطور ديالك. دابا غنعطيوك دليل مبسط كمرجع باش تزيد من قيمة ل AOV.

الحد الأدنى للتوصيل المجاني .

أوبشن التوصيل المجاني عندو تأثير كبير على تحويلات التجارة الإلكترونية. كتر من 60% من العملاء المحتملين كيتخلاو على عربات التسوق ديالهم إلا إكتشفو تكاليف إضافية كمصاريف الشحن.

الأب-سل فشيكاوت بيج Up sell on checkout page

معظم السطورات الناجحة كيعتمدر على تقنية …. باش يرتقيو ب AOV ديال العميل المحتمل قبل مايسالي عملية الشراء.عن طريق تقنية UP-SELL OR CROSS-SELLL.مللي كيوصلوا العملاء لصفحة الخروج أو إنهاء عملية الشراء. متخليش هاد التقنية تشكل عائق أمامهم بمعنى آخر متخليهاش تكون خطوة أضافية فالبروسيس ديال عملية الشراء.

الصورة فالأعلى كتبين سهولة العملية.كيكفي العميل يضيف للسلة مجموعة من المنتوجات عن طريق ضغطة وحدة. الصورة فالأعلى كتبين سهولة العملية.كيكفي العميل يضيف للسلة مجموعة من المنتوجات عن طريق ضغطة وحدة. عبر تطبيق Frequently Bought together الموجودة على منصة شوبيفاي Shopify.

الى كان مزال معنداكش متجر شوبيفاي تيمكن ليك تستفد من 14 يوم مجانا في شوبفاي

التخفيضات على الباكيج package discounts:

كيوفر هاد من النوع من التخفيضات حافز للعملاء باش ينفقو أكثر فالموقع ديالك.بحيت يمكن ليك تحقق أرباح كتر من خلال التركيز على إسترتيجية التسعير للي كتخلي تكلفة البروداكت الواحد أرخص إلا قرر يشري باكيج معين.

تعطي الهدايا Gifts Season

من الطرق الفعالة باش تزيد AOV لسطور ديالك هو تعطي هدية على شراء منتج معين أو مجموعة من المنتوجات.خاصك تستغل الفرصة باش تسوق لهاد النوع من العروض.بحيت العملاء كيخططوا باش يشريو الهدايا من الأنترنيت لحفلات الزفاف وأعياد الميلاد…إلخ. فالنهاية هاد الخيار كيحسن تجربة العملاء مع المتجر ديالك وبالتالي كتساعدك باش ترفع من نسبة LTV مستقبلا.