فيس بوك اد Not Approved! كيفاش تمنع هادشي اوقع مرة خرى؟(Part1)
فاش كطلق الادس ديالك في فيس بوك بعض مرات ماكيتقبلش و كتلقى هاد شعار Not Approved و كتخلع…ولكن هادي ماشي نهاية لعالم حيت كلنا كنوقعوا فهاد المشكل و ضروري كاين واحد سبب لي خلى فيس بوك ارفض الاعلان ديالك.
فهاد لمقال غادي نتعمقو اكتر في اسباب علاش كيترفض الاعلان ديالك؟ كيفاش تقدر تفادى هاد مشكل فالاعلانات ديالك؟
غادي نقسمو لمقال ديالنا على 2 أجزاء: فالجزء الاول غادي نتكلمو على كيفاش كيخدم سيستيم ديال فيس بوك فالمراجعة ديال الادس The ad review processو كيفاش تكون فالجانب الامان Facebook’s Good Side.
فالجزء الثاني ديال لمقال ديالنا غادي نتحدثو كترعلى كيفاش تفادى مشاكيل الادس من ناحية Ad Images و Ad Copy.
The ad review process (كيفاش كيخدم سيستسم ديال فيس بوك ادس فالمراجعة)
قبل مانهضرو على شنو خاصك تفادى فالإعلانات ديالك غادي نتكلمو اولا على كيفاش كيخدم بروسيس ديال اعلانات فيس بوك فالمراجعة | the Facebook ad approval process.
أولا خاص تكون فبالك بلي فريق لعمل فيس بوك خاص بالادس advertising team صغير مقارنة مع معلنينadvertisers، حيت 2015 اعلنت فيس بوك ان عدد معلنين فبلاتفورم ديالها كيفوق 2.5مليون معلن، تصور ان كل شخص فهاد عدد لكبير كيطلق الادس يوميا.
الا فترضنا أن عدد تيم خاص فحص الاعلانات وصل لبعض الالف فإن هاد العدد قليل بزاف مقارنة مع لعدد الادس لكيطلق يوميا ، رغم ان فيس بوك مكيطرقش لمسألة ديال قبول الاعلانات كيفاش كدوز و لكن من تجربتي شخصية و تجربة ناس أخرين ، كنعتقد ان بروسيس فحص الاعلانيات كيمر عن طريق خلط مابين automated و humans checking.
سبب لي كيبين ان فحص الاعلانات غالبا كيتم بشكل اتوماتيكي حيث بعد مرات فاش كطلق الادس ديالك كيتم موافقة عليه في 10 دقائق، هاد المدة سريعة بزاف لمراجعة يدوية manual review!
و لكن بعد مرات فاش كنطلق الادس ديالي كيتم موافقة عليه في غضون 10 دقائق و بعد 24 ساعة كيتم رفض الاعلان. هادشي كيوضح ان المراجعة قبل كانت اتوماتكيا من بعد شخص في فريق مراجعة الاعلانات عاود راجع الادس بشكل يدوي manually داكشي علاش تم رفض الاعلان.
و بعض الاعلانات كيبقاو كتر من 24 ساعة في لمراجعة هادشي كيوضح بلي مراجعة الادس كيدوزو في manual review بدلا من auto-approved.
إذن شحال لوقت كتوقع في قبول إعلانك؟
الجواب من فيس بوك: عادةً كتم مراجعة معظم اعلانات في غضون 24ساعة، و لكن في بعض الحالات اقدر تبقا مدة مراجعة كثر.
ايضا فريق الاعاناتThe ads teamكيقوم بمراجعة الادس ديالك وفقا لسياسات فيس بوك الاعلانية لتأكد من توافق اعلاناتك بنسبة 100٪. افضل طريقة باش تجنب رفض الاعلانات ديالك هو تفهم مزيان هاد سياسات و تحترمها.
الان غادي نتحدثو على كيفاش تجنب هاد الانتضار و كيفاش اتقبل الادس ديالك كثر.
Facebook’s Good Side(كيفاش تكون فالجانب الامان)
اذا فهمتي نوايا فيس بوك Facebook’s intentions مور قواعد ديالهم غادي إعاونك بشكل كبير تفادى معضم مشاكل ديال ad approval.
اول حاجة خاص تكون فبالك ان فيس بوك كيهتم بالمستخدمين ديالو Facebook’s users كتر منا حنا كمعلنين advertisers.
حيت الا توقفتي نت اولا انا على الاعلان فهادشي ماشي مهم لانه غيجي معلنين لغادي اعمرو لبلاصة ديالنا مدام كاين كتر من 1 billion مستخدم شهريا.غادي اكونو ديما معلنين جداد.
و لكن الا مستخدمين توقفو على استخدام فيس بوك فمغاديش ابقا مستخدمين لتعرض ليهم اعلانات، و هادشي كيعني بلي حتى معلنين غادي اوقفو اعلانات ديالهم.وغادي تكون خسارة كبيرة لفيس بوك.
لذلك من منطقي ان فيس بوك تهتم اكثر بالمستخدمين ديالها و تقوم بحماية تجربة لكيدزو في بلاتفورم ديالهم protect the experience of their users.
لهاد سبب كاين ad policies حيت بلا هاد سياسات كان بلاتفورم غادي اخسر من طرف لمعلنين و اعلانات ديالهم.
مرة اخرى فاش تقاد اعلان ديالك حاول تحاط تجربة المستخدم في اولويات #1 ديالك the user experience is priority #1.
بهاد طريقة ماشي غير الاعلانات لغادي اتقبلو بشكل اسرع و لكن حتى conversion rate غادي تزاد.
لانه ببساطة الاعلانات لمضللة ولا لي مكتحترمش مستخدم اقدر تخلي شخص واحد اكليكي و لكن 10 ناس اخرين غيكون منزعجين و هادشي غادي يأثر على البراند ديالك و ايضا على لحسابات دالك Ad accounts.
