شنو خصك تعرف على Abandoned Cart Email؟

Abandoned Cart صبحت نوعا ما جزء من البزنس أونلاين. إلى كنتي كتمارس التجارة الإلكترونية ضروري ما غدي تلقى مشتريات مهجورة من طرف العملاء في موقع ديالك. هدشي راجع لعدة أسباب ك:
– تشتت انتباه العملاء.
– سعر أو تكلفة الشحن.
– مشاكل تقنية في موقع.
– Checkout process معقدة.
كيفما بغا يكون سبب فالحل كاين ولي هو إستعمال abandoned cart email كوسيلة في تذكير العملاء بالسلة ديالهم.

Abandoned cart email هو نوع من إيميل ماركتينغ، كيتم إرسال هد النوع من الإيميلات فقط لأشخاص لقامو بإضافة منتجات معينة للسلة  و هجروها دون إتمام الشراء. كتعتبر وسيلة فعالة بحيث كتساعد على تذكير العملاء بالمنتجات يقدرو يكونو نساوها، و تشجهم باش يكملو عمليتهم الشرائية.
باش تقوم بإعداد إيميل تقدر تستعمل وحدة من هد تطبيقات لمناسبة ليك و تتبيتها على متجرك الإلكتروني: Omnisend – Mailchimp – AWeber…

Catchy Subject Line:

هو أهم عنصر في الإيميل، نقدرو نعبرو على subject line كواحد الباب لي كيأدي إلى المحتوى الإيميل. حيث هو أول حاجة لي كنلاحظوها في صندوق البريدي ديالنا، بعض منهم كيحفزنا باش نفتحو رسالة و البعض الآخر كيتم إهماله لأسباب عدة ( طويل، ممل…)، و بما أننا بغينا نذكرو العملاء بمشترياتهم لتخلاو عليها. خاص تقوم بتصميم subject line يكون قصير و واضح فيه نوع من الاستعجال أو التشويق باش العميل يتشجع يعرف شنو كاين في المحتوى إيميل ديالو.
اعتمد على هد 3 نقاط أساسية ملي تبغي تصمم subject line:
-Short
-Clear
-Personal

Email Content:

تاني حاجة كينظر ليها العميل من بعد subject line هو محتوى الإيميل. ملي العميل كيفتح abandoned cart email خاص يعرف علاش قمتي بإرسال ليه هد الإيميل و شنو مطلوب منو يدير من بعد قراءته. أغلب المسوقين كيصممو إيميلات طويلة و الغاية منه مجهولة. تذكر بلي راه إيميل و ماشي رواية. abandoned cart email فرصة بالنسبة للمسوقين لذلك خاصو يكون قصير هدفه واضح و يكون كيتضمن و لابد CTA، باينة للعميل بمجرد نقر عليها خاص تأديه إلى صفحة Shopping cart، ماشي home page أولا product page.

1 – 2 – 3 Emails:

من بعدما تخلى العميل على سلة مشترياته قمتي بإرسال ليه إيميل من بعد مرور ساعة. مزيان، و لكن لحظتي بلي إيميل ديالك يا إيما تهمل أو فتحو و مخداش أكشن، هنا خصك تستعمل بعض تكتيكات سيكولوجية في الإيميل التاني (ثالث)، فحال urgency أو scarcity، هدف من التكتيكات جذب العميل بطريقة غير مباشرة يكمل عملية ديالو.

Make Your Email Mobile Friendly:

70% من المستخدمين تقريبا كيقراو ايميلات ديالهم من الهاتف، و لي هي نسبة كبيرة. قبل ما ترسل abandoned cart email للعملاء، قوم بتصميمه أولا باش يكون مناسب للهواتف، و من بعد دير test على الهاتف ديالك، ضروري ما تقوم بتجريبته قبل إرساله. 

مقال ذوصلة:// الأساسيات لي خاص يكونو ف أي إميل | Email Marketing