علاش خصك ضيف رابط إلغاء الاشتراك في إيميل؟Unsubscribe Link

بلا شك غدي تكون عارف هداك شعور، ملي مشتركين كيلغيو مشاركتهم من تلقي إيميلات و كيختافيو من قائمة بريدية، و رغم من هدشي وضعك لرابط الإشتراك في الإيميلات عندو جانب إيجابي و فوائد كتساعد في حملات قادمة و لكن أغلب غافلين على هد النقطة. قبل ما نمرو لمعرفة فوائد إضافة الرابط. شنو كنقصدو بي unsibscribe rate؟
unsibscribe rate هو نسبة مئوية لمشتركين لغاو إشتراكهم و انسحابهم من تلقي الإيميل، معرفتك لهد نسبة مهم حيت كتعرف من خلالها أسباب لي كتخلي مشترك يغادرو. يقدر يكون بكثرة الإيميلات مرسلة، عدم اهتمامهم للمحتوى أو علامتك التجارية و غيرها. كيتم إحتساب هد المؤشر بتقسيم مجموع عدد الأشخاص لي لغاو الإشتراك على الإيميلات مرسلة.

شنو فائدة من إضافة الرابط إلغاء الإشتراك؟

عديد كيعتاقد أن نجاح إيميل ماركتينغ كيكمن و ببساطة في امتلاك قوائم و أعداد كبيرة من مشتركين و لكن عكس تمامًا. خصك تركز و بالأساس على جودة بدلا من “كمية”، و تبقى دائما مراقب قائمة ديالك و تأكد من جودتها، حيت ما غديش تبغي و ماغدي تلقى حتى فائدة من أشخاص ما كي تفاعلوش مع إيميلاتك أو غير مهتمين بها و الأسوء يوجهوها ليك إلى سبام.

نقدرو نقولو بلي كاين 3 أنواع ديال مشتركين كتواجد في قائمة ديالك. نوع الأول كيضمن مشتركين نشطين و كيتفاعلو مع إيميلاتك و محتوى عندو صلة بهم. نوع تاني كيلغي الإشتراك و كيختارو المغادرة بالإرادة ديالو. نوع الثالث و لي هو الأسوء نوعا ما و لي كيقوم بتوجيه الإيميلات إلى سبام. من بين الأسباب الرئيسية لي كتخلي مشتركين يلغيو المشاركة و يوجهو إيميلات إلى سبام كيكون بكثرة الإيميلات مرسلة، مبقاش عندهم اهتمام بعلامتك تجارية أو مبقاش كيلقاو محتوى الإيميل عندو صلة بهم.
هدو كانو بعض أسباب واضحين و لكن شنو تيخلي بالضبط المشتركين يوجهو إيميلات إلى سبام؟ السبب رئيسي و مغفول عنه، هو عدم تواجد رابط الإشتراك في الإيميل، أو غير واضح ليهم و بالتالي ملي ماكيلقاوش رابط كيوجهها إلى سبام. هد الأخير كيأثر و كيضرر بشكل كبير ESR عكس نقرهم على زر إلغاء الإشتراك. لهذا من ضروري توضع رابط واضح رؤيته في حالة مشتركين قرروا يغادرو.

مغادرة المشتركين بإرادتهم كيتعتبر فرصة و كيساعدك باش

• تعرف فين خلل و تقوم بتحسيات على مستوى حملات الإيميل.
• قائمة كتبقى محافظة على جودتها.
• Click-through-rate كيتحسن و ممكن يرتفع.
• إيميلات موجهة إلى سبام كتنقص و كتحافظ على ESR.

مقال ذو صلة: تيبس باش تبني قائمة بريدية

أسباب لإضافة رابط إلغاء الإشتراك:

أول سبب غدي يخليك تضيف رابط إلغاء الإشتراك.  نطلقو أولا من أنفسنا شحال من مرة شعرتي بالإنزعاج من كثرة الإيميلات لي كيتلقاها من شركات كنتي متتبعها. صندوقك البريدي صبح مكتظ بالإيميلات و العروض. كتبحث على رابط إلغاء المشاركة و ما كتلقاهش و مشتركين كذلك. من مهم أنك تفهمهم و تسهل عليهم عملية الخروج في حالة ما بقا عندهم اهتمام. استعمل بيانات و معلومات لي قمتي بجمعها على سبب مغادرتهم و تخفض من نسبة إلغاء، قيام بتحسين محتوى الإيميل و إرساله في أوقات مناسبة لكل مشترك.

كيفما سبق و تذكر، توجيه إيميلات إلى سبام كيكون غالبا بسبب عدم تواجد رابط إلغاء الإشتراك، و بالتالي سمعة ديالك كتأثر. و باش تنقص من سبام خصك ضيف هد الرابط، بحيت هد الأخير كيساعدك و كتكون متأكد أن إيميلاتك غدي توجه للأشخاص مهتمة في صندوقهم بريدي و ماشي في سبام فولدر.

و كخلاصة:
إلغاء مشتركين يقدر يكون مربك بالنسبة ليك و لكن عندو فوائده، قائمة بريدية كتبقى محافظة على جودتها و فوائد أخرى مذكورة أعلاه

باقي ما بنيتي قائمة بريدية؟ شوبيفاي كتوفر تطبيقات متعددة غدي تساعدك في بناءها.