المؤشرات باش تقيس رضا العملاء

رضا العملاء من المفروض خصو يكون كيمثل اولوية قصوى لاي مسوق الكتروني باش يضمن تطور واستمرارية الاعمال ديالو . العميل الراضي من لمرجح انه يكرر تجربة التسوق الخاصة به ويشاركها مع الناس لي قرابين منو من خلال التوصية بالعلامة التجارية وهادي فرصة تمينة مخصكش تفوتها فكل الاحوال باش تكسب افاق جديدة.العملاء ديالك الحاليون كيستحقو الاهتمام ديالك لذا حااصك تهتم بكل الاستراتيجيات باش تكسب ولاءهم.

لمهم درتي كل مافجهدك وقدرتي تجمع واحد القاعدة ديال العملاء حتى لهنا مزيان ولكن كيفاش تعرف هاد العملاء واش راضين ولا لا، فهاد المقال غادي نحاولو نتطرقو للمؤشرات لي يمكلها تساعدك باش تقيس رضا العملاء.

1-درجة رضا العملاء Customer Satisfaction Score)  CSAT )

درجة رضا العملاء CSAT هو مؤشر اساسي لانه كيقيس الجودة بناءا على رضا العملاء بعد كل تفاعل مع علامتك التجارية ، هاد الطريقة فعالة لتقييم رضا المشتري من خلال استبيان لي كيتطرح فيه واحد السؤال بسيط << هل انت راض عن الخدمة/المنتج وكتوضع 4 ديال الخيارات من الاجابات المحتملة كقاعدة :

• راض

• راض جدا

• غير راض

• غير راضي على الاطلاق

خاص الاستطلاع CSAT يكون قصير باش المشاركات يكونو كتار .استطلاعات الرأي كتساعدك فجمع المعلومات ومن خلالهم تقدر تعرف شنو لي كيخلي العملاء ديالك سعداء.وكنصيحة حاول ترسل الاستبيانات للعملاء بعد كل عملية تفاعل مع علامتك التجارية حيتاش العملاء كايكونو باقين عاقلين على عملية التفاعل لي تدارت مع العلامة التجارية ديالك وبالتالي يقدر يتجاوب مع داك الصونداج لي رسلتليه.

إقرأ أيضا // كيفاش تكتب صفحة FAQ فعالة

2-درجة جهد العميل Customer Effort Score)  CES )

هاد المؤشر كيتستخدم اساسا لتقييم مستوى جودة خدمة العملاء او بمعنى آخر مؤشر CES هو مقياس لمستوى ديال الجهد لي كيبذلو العميل للحصول على الرضا بناءا على الطلب ديالو يعني قياس جودة رحلة الشراء وتجربة العميل فهو يمثل متوسط التقييم المنخفظ ان العميل كيحصل بسهولة على اجابة مرضية .

3- Net Promotor Score) NPS )

NPS هو مؤشر لقياس البعد العاطفي والسلوكي لرضا العملاء وكيقييم مدى ميل العملاء الى التوصية بالعلامة التجارية او منتجاتها ،هي اداة كتساعد على تقدير الولاء لدى العملاء . وطريقة قياس NPS هي نسبيا ساهلة كيتم تقييم رغبة المستهلكون فالتوصية بالخدمة ديالك على واحد المقياس كيتراوح مبين 0-10 وكيتم تقسيم العملاء ل 3 ديال الفئات حسب التصنيف الممنوح. وهنا السؤال لي يمكن يتحط فالاستطلاع << ماهو احتمال توصيتك بالعلامة التجارية لعائلتك و اصدقائك؟>>.

وبناء على الاجوبة كيتم تصنيف العميل فأي فئة غادي يدخل:

• فئة السفراء : هادو التقييم ديالهوم كيكون من 9-10 هاد الفئة كتكون داعمة لشركة ديالك فهم أفضل خلفاء ليك بحيت يمكلهوم التوصية بالعلامة التجارية للعائلة والاصدقاء.مترددش فالاعتماد على هاد الفئة باش تعزز نمو علامتك التجارية لانهم اكثر ولاء.

• فئة العملاء المحايدين : التقييم ديالهوم كيكون من7-8 وهادوفئة غير فاعلة يعني يمكن يوصيو بالعلامة التجارية ويمكن لا.

• فئة النقاذ : التقييم كيكون من 0-6 هاد الفئة مكتكونش راضية على العلامة التجارية ديالك ومميمكلكش تتوقع منهوم توصية بلعكس هم خطرون ومضرون.

4-مؤشر اتصال العملاء

مؤشر اتصال العملاء كيمنحك اجابات على سؤال شائع بزاف فالتجارة الالكترونية << هل يتصل العملاء بي في كل الاحوال للحصول على المساعدة؟ >> وهنا النسبة يلا كانت منخافضة فهدا دليل على ان العملاء راضين على الخدمة ديالك وان الرحلة ديالهوم مكتكونش فيها المشاكل .

مؤشر اعادة الشراء

معدل اعادة الشراء هو مؤشر كبيير ودليل على رضا العملاء فهو مؤشر مثالي لقياس ولاء العملاء.. شوبيفاي Shopify كتعطيك الامكانية باش تعرف شحال هو معدل اعادة الشراء عندك بالضبط وبالتالي كيمكلك تخدم عليه وتحسنو يلا كان عندك ناقص ويلا مكانش عندك شوبيفاي يمكلك تستافد من 14 يوم مجانا في شوبفاي

إقرأ أيضا // كيفاش تكتب صفحة FAQ فعالة

نتمنى تكون استافذتي يلا عجبك المقال بارطجيه مع صاحبك😊