استراتيجية لدراسة السوق و المنافسين
قبل ما تبدأ أي بيزنس أو اختيار أي Niche أو produit بغيتي تبيعوا لابد ماترد البال للسوق و الدراسة ديالو باش تكون عندك نظرة واضحة عليه و تعرف risques ديالوا هنا لابد من استراتيجة لدراسة السوق
1- تحليل المنافسين في الواقع
هنا خاصك ترد البال مزيان لأنه المنافس ديالك يقدر يكون خدام offline عن طريق les flayer ,….بطرق تقليدية و تكون عندو حصة كبيرة من السوق النسبة للممنتوج اللي بغيتي تبيع يعني عدم التواجد ديالو online مكيعنيش عدم الوجود ديالو داكشي علاش لابد من الانتباه لهذه النقطة اللي غادي تأتر على البيزنس ديالك أو المنتوج اللي غادي تخدم عليه في المستقبل
2-تحليل المنافسين عبر الفايسبوك
هنا كندخلو لمستوى اخر حيث كترد البال للصفحات ديال المنافسين من حيث المحتوى les poste اللي كيحطو من حيث media اللي كيستخدموا و أيضا كتاخد فكرة على الزبناء ديالهم و مدى الرضى عن المنتوج او الخدمة اللي كيقدمو بغض النظر عن المنتوج اللي كيبيعو
3-أدوات تحليل المنافسة
ممكن أيضا استخدام أدوات لدراسة السوق و تحليل المنافسة مثل:
-بالنسبة للفيسبوك : AdEspresso , هاد الموقع مجاني لمدة 14 يوم كيقوم باستخراج استهدافات المنافسين و الأماكن المستهدفة و الاهتمامات المستهدفة….
-بالنسبة ليوتوب : SOCIALBLADE ،هو موقع سهل و مجاني كيعطيك تحليل كامل لقنوات المنافسين و الكلمات المفتاحية و المداخيل …..
-بالنسبة انستغرام : phlanx , هي اداة قوية جدا لأنها كتعطيك واحد engagemet calculator اللي كيمكنك من حساب engagement rate بالاضافة الى تحليل دقيق ديال les post على istagrame من حيث نسبة التفاعل ،المشاركة …..
-بالنسبة لمواقع المنافسين : ممكن استخدام similarweb الغني عن التعريف اللي كيمكنك من دراسة موقع المنافسين بسهولة و كيعطيك بزاااف ديال الاحصائيات عليهم ، ممكن أيضا تحصل على معلومات تقنية بحال théme المستخدم في موقع المنافسين باستعمال موقع shopifiy theme detector اللي كيحدد الخلفية المستخدمة اذا كانت المنصة المستخدمة هي شوبيفاي نظرا لسهولتها و دقتها و سرعتها في انشاء المواقع .
-بالنسبة لتويتر : analytics.twitter كيعطيك تحليل دقيق لمنافسيك على منصة تويتر بحال audience inseight الخاص بفيسبوك . بحيت كيتوفر على معطيات مهمة االي كتمكنك من دراسة السوق و تحليل المنافسة .
