شنو خصك تعرف باش دير الاونلاين بيسنس ؟

في الوقت الحالي اسهل بيسنس ممكن دير هو الاونلاين بيسنس ، الانترنت حاليا أصبحت مصدرا للدخل للعديد من المقاولين اونلاين . ومتيطلبش شي راس المال كبير . تيمكن لك تبدا مشروع ديالك خلال اسبوع . كاين بعض الأشياء لي خصك تعرفهم قبل متبدا بحال اَي بيسنس اوفلاين على ارض الواقع ..

١-اونلاين البيسنس موديل : Online Business Model

قبل متبدا خصك تعرف شمن بيسنس اونلاين بيسنيس موديل يصلح لك ، لي خصو يكون مناسب للقدرات ديالك، ويكن في نفس الوقت تينتمي لواحد المجال لي انت تتبغيه . باش تقدر دير شوية ديال الإبداع و تعرف تكلم بلغة الانترنت و الفيسبوك مع الجمهور لي تسوق له المنتوجات او الخدمات ديالك .

ثاني حاجة باش تسهل عليك اكثر هي دير واحد البحث صغير على شي اونلاين بيسنس موديل يكون ناجح ونفس الوقت يكون عندو علاقة مع داك شي لي تتعرف .

ثالثا : دير دراسة وتقييم لداك الاونلاين البيسنس موديل تحاول تعرف شنوو لممكن دير احسن الا كنت انت هو صاحب داك اونلاين البيسنس موديل . هنا دخل في Remodeling اَي انك تحاول تشد داك الاونلاين بيسنس تفكر شنو ممكن تزيد عليه او تنقص فيه حتى تخرج بواحد الموديل ديال بيسنس لي هو جديد في السوق ..

٢- البيسنس بلان Business Plan

من بعد ما اخترت شنو باغي وشنو دير بالضبط . هنا تتجي المرحلة ديال التطبيق و الخدمة الخدمة .

اولا خصك تحدد بالضبط جميع الخطوات لي ممكن تبعها باش تنجح البيسنس ديالك . مثلا واش خصني نقراا شي تويشيات . واش نقدر نبدأ غير لوحدي وندير جميع الإجراءات . ولا خصني شي حاد ضروري يعوني . شحال ديال الفلوس خصني ؟ اشنو ممكن يوقع الا خسرت ؟

المهم هاد شي كامل خصك تسطر عليه قبل ما تبدا . مرحلة ديال الاكشن

٣-التسويق Marketing

بزاف ديال الناس تيسمعوا المركوتينغ تيتخلعوو . تيقول داك شي صعيب . بالعكس في الوقت الحالي المركوتينغ ولات ساهلة بزاااف مع السوشيال ميديا . تمكن لك تسوق المنتوج ديالك اول لخدمة باقل تكلفة . مثلا الفيسبوك تيمكن لك تجرب التسويق ديال المنتوج ديالك ابتداءا من عشر دراهم في اليوم .

باش تسهل عليك التسويق خصك تعرف بالضبط الجمهور لي تسوق ليه المنتوج ، شنا هي الاهتمامات ديالوو؟ و شنو تيبغي .؟ وشمن قيمة مضافة تزيد له ؟ بحكم انك ديرت شي حاجة لي انت تتعرف فيهااا تنضن هاد المرحلة تكون سهلة بالنسبة لك.

وتزيد تسهل عليك اكثر باش تعرف الجمهور ديالك هي في المرحلة ديال اختيار المنتوجات او الخدمات لي ممكن دير بهم التيست في البداية وتزيد تعرف على الجمهور ديالك اكثر.

الزبائن :

اَي اونلاين بيسنس بلا زبائن مخلصين فهو بيسنس خاسر .

من بعد موصلت للمرحة ديال التسويق ، تتجي المرحلة ديال كيفاش ندير زبون مخلص ، اَي زبون لي يشري و يعاود يشري . لان الخفاظ على الزبائن ينقص عليك تكلفة ديال الاشهار . و يحقق لك مداخيل مستقرة على المدى بعيد 

خالد تسوق ثلاث مرات خلال شهر اكثر من 2000 درهم . 
بحال المثال ديال خالد لي تسوق ثلاث مرات خلال شهر . ولي ممكن يحقق رقم معاملات اكثر من 10000 درهم سنويا .

هنا خصك تحط استراتيجيات ديال التسويق خاصة بالزبائن لي تيشريووو من عندك . من بين الاستراتيجيات لي ممكن تعتمد عليهم . هي تبني الأميل ليست خاصة بالناس لي تتشري . للممكن تسيفط لهم عروض خاصة ، او استطلاعات الرأي . المهم خصك دير لي في جهدك باش تخلي داك الزبون مأنكاجي مع البيسنس ديالك . باش تقدر دوز من العلاقة ديال الزبون ملك الى العلاقة ديال الزبون صديق .