شنو هما انواع روطاركيتنغ؟ |Retargeting Campaigns
![](https://taadribgroup.com/blog/wp-content/uploads/2019/11/types-retargeting-taadrib_group.jpg)
إيلا مكونتيش كادير روطاركيتنغ فراك كتخلي بزاف دلفلوس فوق الطابلة حيت راه 90% من الزوار إلى ماكانتش كثرماكيشريوش من الدقة لولا، وهادشي راجع لعدة أسباب منها داك الشخص باقي أول مرة كيشوفك ماكيتيقش فيك أو كان باغي يدوز كوموند و وقعات شي حاجة لهاتو من أنه يكمل الكوموند. المهم الاسباب كاتعدد و النتيجة وحدة ألا و هي نتا كماركتر ماكتستافدش 100% من ترافيك لي خلصتي عليه فلوس باش تجيبو.
لذا واجب عليك كماركتر تدخل فاستراتيجية ديالك حملات ديال إعادة استهداف Retargeting Campaigns.
و الروتاركيتينغ كينقاسم ل 3 أنواع
- Generic Retargeting (beginner)
- Behavioural Retargeting (intermediate)
- Sequential retargeting ( advanced)
مني عاد كاتكون بادي، كاتكون داتا عندك قليلة مايمكنش ليك تلعب بيها كيفما بغيتي ,لذا كنستعملو جينيريك روتاركيتينغ
أشنو هو GENERIC RETARGETING؟
![](https://taadribgroup.com/blog/wp-content/uploads/2019/11/gen-retageting-1024x464.png)
هو ملي كاتسيبلي جميع الأشخاص لي شافو الموقع ديالك. ALL WEBSITE VISITORS
![](https://taadribgroup.com/blog/wp-content/uploads/2019/11/retargeting-1.png)
السلبية ديال هاد الطريقة هو أنه ماكتحتارمش القاعدة الأساسية ديال Advertising . ألا و هو Personalization ديال الإشهار ديالك .
حيث كل بروسبيكت عندك راه فمرحلة معينة من الفانل funnel ديالك . و من البديهي أنه لي شاف الإشهار الموقع ديالك مرة وحدة بلا مايدير حتا شي action مثلا ، راه المستوى ديال الاهتمام ديالو ماشي فحال شي واحد دارaction و دخل المعلومات الشخصية ديالو.
إذن حنا ملي كانسيبليوْ جميع زوار الموقع راه كانسيبليو ناس بمختلف مستويات الاهتمام و فمختلف مراحل الفانل ديالنا و بنفس الإشهار لي يقدر ماتكون عندو حتا معنى مع شي واحد غي شاف الموقع ديالك غي مرة وحدة.
هذا هوDownside ديال هاد الطريقة د روطاركيتينغ و لكن بما انه ما عندناش ترافيك و داتا كافية غان خدمو بها
متافقين تال دبا ؟
الطريقة الثانية : Behavioural retargeting
![](https://taadribgroup.com/blog/wp-content/uploads/2019/11/bev-retargeting.png)
هاد الطريقة هي الشائعة ولي الأغلب د الناس كيديرو لي هي كيروطاركيتيوك حسب السلوك Behaviour لي درتي فالموقع .
![](https://taadribgroup.com/blog/wp-content/uploads/2019/11/retargeting-2.png)
فمثلا الناس لي شافو المنتوج و مادارو حتا شي action ، تقدر المرة الثانية فالإشهار تشرح ليهم فاش أينفعهم المنتوج ديالك، في حين شي واحد لي دخل المعلومات الشخصية ديالو و ماكملش عملية الشراء تقدر المرة الثانية تعطيه تخفيض باش تزعمو يكمل عملية الشراء على سبيل المثال.
ولكن حتا هاد النوع د روطاركتنغ عندو DOWNSIDE. هو AD FATIGUE. بسبب داك الجمهور تيبقا يشوف نفس الإشهار مرارا و تكرارا و هادشي ماشي فالصالح ديالنا.
الطريقة الثالثة: Sequential retargeting
![](https://taadribgroup.com/blog/wp-content/uploads/2019/11/retargeting-3-1024x341.png)
هاد الطريقة هي أحسن طريقة ولكن صعبة باش دير ليها إلى كينتي مبتدئ.
فهاد النوع كتجنب داك الملل لي كيتعرض ليه USER ملي كيشوف نفس الإشهار مرارا و تكرارا. بدلا من ذلك كتحكم فشنو يشوف نهار 1 من بعد مشاف موقع ديالك يشوف هاد إشهار، نهار 2 يشوف هادا ، نهار 3 يشوف هاد الإشهار بهاد التخفيض مثلا.
شفتي الفرق؟ كتحكم بالتجربة لي غايعيش البروسبيكت (User experience ) ديالك أكثر على حسب إينا مرحلة هو فالفانل ديالك وكتقد تعطيه إشهارات كيلأمو مستوى الاهتمام ديالو.