معدل السلة : كيفاش تحسب معدل السلة و تزيد من قيمتها.

بعدما طلقتي السطور ديالك في منصة شوبيفاي اولا اي منصة أخرى،و لونسيتي الإعلان، و بداو اجيوك الطلبيات , غاتلاحض أن الطلبات كلها تقريبا بثمن نازل و متقارب !
بعد مدة عدد الطلبات غي استقر و رقم المعاملات غيوصل للحد ديالو. و بعد تفكير طويل باش تنقد الموقف غايباليك تزيد فالزوار باش اكترو الكليان.
و اتزاد البيع . لكن أغلبيت التجار تيعرفو بلي باش تزيد زوار زيد الدقيق زيد الما، غي تاتزاد تعقد القضيا.
خاصك تزيد المصاريف و عاد التتبع الزوار.

هنا تاتبان الأفضلية للحل الثاني: لهو تشجع الكليان اشري بزاف ! كثر من منتوج واحد ولا اشري غي المنتوجات الغاليين ولا بزوج.
قبل منهدروا على زيادة قيمة السلة، خاصنا بعدا نعرفو نحسبوا المعدل ديالها !

شنو هو معدل السلة؟

معدل السلة هو معدل شحال خلص كل كليان فطلب واحد.
رقم المعاملات/عدد الطلبيات=معدل السلة

نعطيو مثال اشرح كثر:

اليوما وصلوك 100 طلبيات بقيمة 17000 درهم لكلشي.
فهاد الحالة معدل السلة هو 170 درهم بمعنى أن كل كليان تيدوز عندك الطلب بقيمة 170 درهم.
إلى كنتي خدام ب Shopify هاد المعطى واجد و متحتاش تحسبو.

تقدر تجرب شوبيفاي فابورلمدة 14 يوم| Shopify 14 days trial

اندوزو المهم!

كيفاش تزيد من معدل السلة؟

هنا خاصك تقنع الكليان باش اعمروا السلة مزيان!
هدشي ممكن إلى تبعتي النصائح 2 لجايين.

1- اقتراح منتوجات أخرى.

عادتا فاش تايدخل الزبون للمتجر تايمشي مباشرة للمنتوج لبغا بلا ماينتابه للعروض الأخرى.
في هاد الحالة تنقترحوا تزيد فصفحة المنتوج، منتوجات مقترحة على أساس أنها متداولة بين الزبائن و مولفين يخدوها مع هاد المنتوج.

2- تحدد قيمة دنيى للطلب

تقدر أيضا تزيد فمعدل السلة بتشجيع الزبون انفق واحد المبلغ على الأقل باش يستفد من عرض كتخفيض أو توصيل مجاني.

نتمنى تكون استافذتي يلا عجبك المقال بارطجيه مع صاحبك😊