كيفاش تزيد مبيعات ديالك فلبلاك فريدي| Black Friday Tips
![](https://taadribgroup.com/blog/wp-content/uploads/2019/11/How-to-maximize-your-impact-on-this-Black-Friday-TAADRIBGROUP-MAROC-1024x576.jpg)
في آخر مرة كنا تكلمنا على: الفرق بين البرودكاست إيمايال و الأوتومايتد إيمايل.
هاد المرة غادي نتكلمو على وحدة من الحالات الممكنة نستعملو فيها هاد البرودكاست إيمايل.
البلاك فرايداي !!
حنا فواحد لمرحلة دبا لي كاتكون فيها لخدمة كثيرة و النية الشرائية كاطلع، فلا بد نستعملو جميعASSET لي عندنا. أي رقم هاتف، أي إيمايل خاصو يخدم دبا.
النية ديال الشراء فهاد المرحلة كاطلع لواحد الدرجة لا تتصور .
كلشي تيقلب على الهمزة ديال لعام.
حنا كماركترز خاص نستغلو هاد النية ديال الشراء وهاد اللهفة ديال الكليان باش يلقى الهمزة لصالحنا.
كيفاش ؟
هادا موضوع بوحدو اتلقاوه ف الفقرة ديال الاونلاين بيزنس، فهاد لارتيكل اتلقاو كيفاش تستهغلو هاد اللهفة فالايمايل ماركوتينغ.
النصيحة الوحيدة لي اتخليك تنجح فسيكوانس ديال إيمايل ماركوتينغ لي غادير فهاد المناسبة هو داك ل HYPE/SUSPENS لي أتخلق قبل من EVENT.
خاص تخليهم يحسو أنك داير ليهم همزات ديال لهبال، خاص تعلمهم مدة قبل أنك مشارك ف هاد الحركة.
دير حسابك، صاوب BUNDLES ، طلع ل PERCEPTION VALUE ديال باندل ديالك ، دير ليه ثمن جد مغري!
ماتنساش أنه من غير الربح لي غدير ف هاد البلاك فرايدي خاصك تزيد تكبر ل ASSET ديالك، لي ماشراش ما يخرجش خاوي، خود إيمايل ديالو، نمرة ديالو ، خليه يتشد ف پيكسل عندك. لا ماشراش ليوم، غاتقدر توصل ليه عوتاني ب أحسن .
ماتفكرش غي فالربح الٱني، هاداك كاين كاين. ولكين هاد المناسبة ديال تزيد تكبر EMAIL LIST ديالك و CHATBOT، لي أتخدم عليهم ديما وبلا ماتخلص حتا حاجة.
خلاصة:
خلق التشويق و الجو ديال البلاك فرايداي قبل مايوصل البلاك الفرايداي.
يمكن ليك تخدم شهر كامل بالتسمية ديال البلاك فرايداي .
فهاد الشهر راك كاتكون مكسيري و كتجيب ترافيك بزاف، استغلو ما أمكن من جميع النواحي.
خدم على ليستا لجمعتي على طول العام، دير ليهم عروض جد مغرية لي مايقدوش يكولو ليها لا.
زيد كبر ليستا ديالك و جمع داتا اكثر.
TIPS:من بعد البلاك فرايداي مايدوز يمكن ليك تدير عرض ديال ما بعد البلاك فرايداي ( نفسو ديال البلاك فرايداي غي قوليهم راك زدتي في المدة باش كلشي يستافد من هاد العرض ) و فنفس الوقت بدا توجد ل رأس السنة تاني .