شنو هوPortnet . واش ضروري يكون عندي و شنو نستافد منو؟
Portnet هو شباك الوطني الاكتروني الموحد. كيجمع بين جميع المتدخلين و الشركاء في مجال تصدير و الاستيراد. من اجل تسهيل المساطر الادارية لكل شركات سواء الصغرى او المتوسطة او الكبرى. و كل المتدخلين لا فالقطاع الخاص او العام .
هد شباك انطلق ف 2008 بمبادرة من وكالة الوطنية للموانئ . من خلالو كيقدر المستورد او المصدر تكون عندو قدرة كبيرة على الاستباق و الفاعلية و التحكم فتكاليف و تتبع العمليات التجارية على الصعيد دولي .
حاليا هد منصة عندها كتر من 40 اللف مستخدم. بما فيها ازيد من 37 الف مصدر و مستورد و 129 وسيط عبور و 18 بنك و 7 ادارات .
فنعطيو متال على شنو تقدر تستافد من Portnet ?
من قبل تاسيس ديالو . كان مورد ادا بغا وتيقة رسم الاستيراد خاصو يدوز فاربع ادارات (بنك. وزارة الصناعة و الاستتمار و الاقتصاد الرقمي و مكتب الصرف). و هدشي كان كيدي وقت كبير باش توجد هد الوتيقة .
مع Portnet الان تقدر طلب هد وتيقة و توجدلك فوقت سريع بلا مضرب تمارة و تنقل بين مصالح الاربع لدكرنا سابقا .
بالاضافة الى انه كيسمح لكل كمورد او مصدر تتابع جميع العمليات لعندها علاقة بالسلعة ديالك من وصولها للمرصى . برمجة عميلة تفتيش. حتى للاجراءات التعشير و الاستلام .
فمتلا شحال هدي المستورد كتوصل سلعتو للمرصى ولكن مكديرش تتمة لاجراءات
حيت مكيعرفش بان السلعة وصلات . و هدشي كيخلي تكاليف تزاد على المورد. .
الان مع Portnet. فعند وصول سلعة ديالك للمرصى بوطنيت كتسيفط لك ايمايل كتعلمك ان سلعة وصلات .
واش ضروري يكون عندي حساب مع Portnet؟
حساب ف Portnet ضروري فحالة ادا كنتي كمورد او مصدر كتعامل مباشرة مع ديوانة و كدخل او كتخرج سلعة بزاف د مرات فالعام. .
اما ادا كنتي كتعامل مع وسيط عبور transitaire فمتحتاش دير حساب مع Portnet.
شنو هي وتائق لنحتاج باش نقاد حساب Portnet .؟
- Copie du Procès-verbal (P.V)
- Copie des statuts de l’entreprise
- Copie de l’Identification fiscale (IF)
- Copie de la taxe professionnelle (TP)
- Attestation(s) de RIB (Relevés d’Identité Bancaire)
مهم جميع وتائق تلقاهم هنا
شحال تكلفة ديال هد المنصة ؟
تمن الاشتراك السنوى محدد 3600 ف درهم تتس
دفع يكون اما عن طريق شيك او عن طريق تحويل بنكي
