شنو هما أنواع الإيميلات لي كاينين؟ | Email Types
غيكون من البديهي و الأساسي فهاد السلسلة ديال الإميل ماركتنج أنه نبداو بتقسيم الايميلات ديالنا، بحيث أي ايمايل غنكتبوه غادي يكون كينتمي لواحد من المجموعات لي غنتحدثو عليهم فهاد الموضوع بتفصيل:
1-بناء الثقة |TRUST BUILDERS:
و هوما الايميلات لي تيكونو موجهين باش لكليان ديالك او البروسبيكت prospect يتعرف عليك كثر، بحال شكون نتا ،علاش انتعامل معاك نتا بالضبط و شنو القيمة المضافة ديالك…
2-السوشيال بروف |SOCIAL PROOF :
و هوما كيف الاسم ديالهم كيعني الدليل على الوعود لي كتعطي ف سيكوانس sequence ديال بناء الثقة، راك فعلا كتطبقهم و بلي ملتزم بيهم. و هادشي ماشي نتا لي كاتقولو و لكن شهادة لكليان ديالك عليكClient testimonals. سواء دار ليك تقييم ف باج فيسبوك ديالك اولا سيفط ليك فيديو كيشكرك على المنتوج ديالك إلخ…
* و هنا بطبيعة الحال النصيحة لي نعطيك هو تحط سيستيم ديالكSystem لي يمكن ليك أنك تاخد بزاف ديال تقيمات من عند لكليان لي راضيين على شنو قدمتي ليه اولا لخدمة ديالك .
3-محتوى الإميل | CONTENT EMAIL:
هوما النوع ديال الايميلات لي ماتيكونوش تسويقيين بمعنى أن الهدف منهم ماشي هو البيع المباشر، ماكايكونش من وراهم واحد call to action واضح.
تيكونو غالبا تيخلقو نوع من التفاعل مع الجمهور ديالك فواحد الموضوع لي كيهمهم هوما ( لي كاتكون نتا بطبيعة الحال عارفو حيث من تماك جبتي داك الايميل ).
كتعطيهم معلومات مهمة بالمجان بمعنى آخر كتخلق ليهم واحد لقيمة VALUE و كتكبر صورة د لبراند ديالك ف عينيهم.
4-لعروض | OFFERS:
و أخيرا النوع الأهم عندنا فهاد الإيميلات كاملين و فين تيكونو لفلوس ( و هادشي ماكيعنيش لاخرين ماشي مهمين حيث بلا بناء ثقةTrust builders ، بلا شهادة الٱخرينCustomers testimonals و بلا ماتعطي Value مايمكنش ليك او بالأحرى ماغايكونش عندك تجاوب كبيـر مع لكليان ).
إذن كخلاصة أش خاصك تستافد من هاد لارتيكل ؟
أنه أي ايمايل كتبتيه غايكون كينتامي لواحد او جوج د المجموعات التي سبق ذكرها.
فالمقالات لجاية غادي نتعمقو أكثر فلي كومباينج ماركتنج ديال الإمايلينغ و غنعرفو الفرق بين Automated sequence وBroadcast sequence …
