شحال خاصني باش نبدا فالتجارة الالكترونية المحلية؟ Ecom Local
هدا واحد السؤال ليكيتطرح من عند بزاف ديال الشباب لي باغيين يدخلو لضومين ولكن خايفين من كترة المصاريف حيتاش معندهومش.
فالحقبقة هاد السؤال معندوش واحد الجواب محدد ، ولكن لي يمكن يحددلك بالتقريب المبلغ لي يمكلك تبدا بيه هو الاستراتيجية ديال الخدمة لي باغي تبدا بيها وهنا يمكن نقسمو الجواب على جوج ديال الحالات.
الحالة الاولى الخدمة بلاباج فايسبوك فقط |Page Facebook:
يلا بغيتي تبدا بلاباج فايسبوك فمغاديش تكلفك بزاف ديال المصاريف،لي كيكون مطلوب منك هو تحل باج فايسبوك Page Facebook -ويكون عندك كونط بونكير Compte Bancaire باش تبقى تخلص الفايسبوك -واحد لمبلغ ديال 1000 درهم باش تشري السلعة فلبدية. وحتى الفايسبو ك مكيتخلصش فالاول حيتاش كيوصل معاك حتى ل 250 ذرهم عاد كيبدى يقطع كتكون انت بديتي كتدخل لفلوس .
الحلة التانية وهي الخدمة بالموقع|Website:
يلا بغيتي تبدا باكثر احترافية وتدير الموقع ديالك فهنا كتكون عندك شوية ديال المصاريف ،حيتاش انشاء الموقع كيدوز من بزاف ديال المراحل ولي هي:
ـ شراء الضومين Domaine Naime اقل واحد 120 درهم .
تكاليف shopify الشهرية 300 درهم.
تكاليف الفايسبوك Facbook.
تكاليف السلعة باش تبدا 1000 درهم على الاقل.
بالاضافة يلا مكنتيش كتعرف تقاد الموقع فكيخصك تكلف شي واحد بهاد المهمة وبالتالي غادي يتزادو عليك لمصاريف.نقدرو نقولو خاصك على الاقل 5000 درهم باش تبدا.هادشي راه كيبقى غير تقديري باش نقربوليكم الصورة فقط .
