تعرف على بعض أهم مقاييس التسويق الرقمي | Digital Marketing Metrics

باش تعرف واش حملاتك و الخدمة ديالك غادية مزيان خاصك تقرا و تراقب أرقامها. حيت بكل بساطة الأرقام ما كتكدبش، و هي لي غادي تحدد لك الأداء ديال حملاتك التسويقية. كاين بزاف ديال المقاييس الأساسية لي خاصك تراقبها و تقوم بي تتبعها على حساب اوبجيكتيف ديالك.

من بين أهم مقاييس التسويق الرقمي لواجب عليك تعرفهم هما:

Conversion rate:

معدل التحويل هو نسبة  مئوية لمستخدمين كملو واحد الإجراء معين، هد الإجراء يقدر يكون (شراء، اشتراك، أو تحميل تطبيق…)، إرتفاع معدل التحويل كيدل على أن موقع ديالك مقنع و كيجذب الزوار، أما إلى انخفض خصك تدخل باش تعرف السبب وفي الغالب يقدر يكون مشكل تقني، ديزاين، أو غيره. طريقة إحتساب هد المعدل ساهل و لي هي:
CR = Number of conversions / Total number of visitors × 100%

Click-through-rate (CTR) :

هو مؤشر لقياس كفاءة الإعلان، إرتفاع هد نسبة النسبة كتدل على نجاح إعلانك في جذب العملاء مهتمين. كيتم إحتسابه بهد طريقة: CTR = Number of clicks / Number of impressions × 100% مثلا  عندك 1000 شخص شاف إعلانك و تم نقر عليه 20 مرة إذن نسبة ظهور الإعلان غادي تكون هي CTR=2% .

Cost Per Click (CPC):

تكلفة النقرة،هد مؤشر كيعطيك التكلفة لغادي تقوم بدفها مقابل كل نقرة دارها المستخدم على الاعلان ديالك. طريقة باش كتحسب CPC هي بتقسيم تكلفة الإعلان على عدد النقرات.
CPC = Ad costs / Number of clicks

Cost per action (CPA):

هو مؤشر كيوضح  ليك تكلفة إكمال الإجراء المطلوب. كتدفع فقط على الإجراء لتدار من طرف المستخدم، نفتارضو مثلا  100 شخص نقر على الاعلان و 5 منهم لكملو الإجراء فأنت في هد الحالة كتدفع فقط مقابل هدوك  5 تحويلات لتدارو.
إحتساب CPA كتالي: CPA = Number of actions completed / Ad costs

Return On Investment (ROI):

أو العائد على الاستثمار، كيتعتبر من أهم المقاييس لخاصك تراقب، كيتم استخدام هد المقياس في تقييم كفاءة الإستثمارات. باش تحسب نسبة ROI كتقسم أرباح على التكاليف.
ROI = (Net Profit / Cost of Investment) x 100

Return On Ad Spend (Roas):

هد القياس كيبين ليك عدد الدولارات لي حصلتي عليها مقابل كل دولار نفقته على الحملة الإعلانية. طريقة باش طريقة باش كتحسب: Roas= Revenue / Cost

Customer Lifetime Value (CLV):

قيمة حياة العميل واحد من بين أهم المقاييس، كيشير هد القياس إلى المبلغ الإجمالي لي من متوقع العميل ينفقو على منتجاتك أو خدماتك خلال حياته. طريقة باش كيتحتسب:CLV = average value of a purchase X number of times the customer will buy each year X average length of the customer relationship