باش تنجح فالتسويق عبر شبكات التواصل الاجتماعيSocial Media Marketing تجنب هاد الاخطاء

نونبر 13, 2019 0 Comments

التسويق عبر وسائل التواصل الاجتماعي هي واحد الوسيلة لي صبحات كتعرف انتشار كبيرعام على عام فجميع الشركات، ومدراء الأعمال، والعلامات التجارية،رجعات كتعتمد بشكل أساسي على هاد الوسائل . وبالنظر لاهمية ديال هاد الوسائل كاينين بعض المسوقين لي كيلجؤ لبعض الحيل كحلول لكسب المزيد من العملاء والمتابعين، وبالتالي البيع أكثر، والانتشار أكثر لعلاماتهم التجارية. هده الحيل تعتبر اخطائا مخاصش المسوق يديرهوم والا غادي يخصر داكشي لي بنى كامل فلحظة.

اقرا أيضا//شنو خاصك باش تكون مسوق ناجح Successful Marketer

ها الاخطاء هي:

1-شراء متابعين وهميين

بزاف ديال الموسوقين كيعتقدو ان الصفحة مثلا يلا كانو عليها متابعين وخة وهميين راه داكشي غادي يساعدو باش المبيعات ديالويتزادو.وهادي فكرة غالطة .بحيت واخة يكونو عندك متابعين بزاف ولكن وهميين راه معندهوم باش ينفعوك بالاضافة الى ان الاساس فالتسويق اللكتروني راه ماشي الكمية بل النوعية لي كتقدم ، وباش العميل ترجعوا عميل دائم او على الاقل عميل محتمل خاص يكون عندو واحد الولاء حقيقي للعلامة التجارية ديالك وبالتالي شراء الالاف المعجبين الوهميين مغادي يزيدلك حتى قيمة فالخدمة ديالك .

والحل ديالك هو تخدم على بناء جمهورك الحقيقي والتركيز على تقديم محتوى مزيان وبهادالطريقة غادي تكون واحد لقاعدة ديال المتابعين الحقيقين لي بفضلهوم لمبيعات ديالك يقدو يتزاد

2-التفاعل السئ مع المتابعين

شنو هي الجدوى من انك تبدل واحد لمجهود كبير باش تحط محتوى قييم ودير اعلانات واعرة باش تجيب زوار للموقع او لصفحة ديالك ولكن فالاخير ميلقاو ش لي يتجاوب معاهوم،اكيد هاد المجهود كامل غادي يضيع. الزوار يلاملقاوش واحد الاهتمام بالاستفسارات ديالهوم كيعرفو انك ماشي جدي فالخدمة ديالك وكيفقدو فيك الثقة وباش تكون عندك واحد لخدمة متقونة وتكمل على الخدمة لي درتي فلول يلا مكانش عندك الوقت باش ترد على التساؤلات ديال الزوار كنصحوك باش تجيب شي واحد لي تكلفو بهاد المهمة وهاكة غادي تكسب الثقة ديال المتتبعين وبالتالي غادي تزيد من المصداقية ديال العلامة التجارية ديالك.

3-التسويق للشبكات وليس للاشخاص

فاش كتكون كتقلب فمحركات البحت كتلقى بزاف ديال لمواقع كيحتلوا المراتب الاولى ولكن فاش كتدخل ليهوم كتلقى محتوى سيئ ،وهادشي كيبين ليك ان هاد الناس كيهتموا بالسيو كترمن لمحتوى . هاد المسألة ماشي صحية بالنسبة ليك كمسوق حيتاش حتى ولو احتليتي المرتبة الاولى ف SEO والمحتوى ديالك زيرو فراه هاداك لي دخل هاد المرة مابقيش يعاود يدخل مرة اخرى ، الموقع ديالك منفعو فوالو ومستافد منو حتى معلومة. وباش تضمن العودة ديال الزوار مرة وجوج خاصك تهتم بالمحتوى لي كيقلب عليه هو فالمرتبة لولى ومتنساش راه السيوالهدف من الوجود ديالو هو يوصل المستخدم لداكشي لي كيقلب عليه. الاهتمام بالسيو SEO راه شي حاجة ضرورية طبعا باش توصل الخدمة ديالك للناس ولكن ماشي على حساب المحتوى ،كنضن الفكرة واضحة

4-تجاهل تعليقات الزوار

اكيد انك شنو مادرتي وأي محتوى حطيتي فضروري مكيخرجليك شي واحد كينتاقدك وكيكتب شي تعليق كيعصبك ،والاغلبية منا الحل لي كيلقى قدامو هو انه ياما يخفي داك التعليق او يمسحو ولكن فلحقيقة راه التعليقات السلبية ديال الزوارخاصك تخدها بعين الاعتبار وتحاول تحللها وتعرف شنو لمشكل لي خلا الزوار ماراضينش وبالتالي ردود الافعال السلبية ديال الزوارماهي الا وسيلة باش تزيد تحسن من الخدمات ديالك.