العميل ديالك معصب كيفاش ترضيه؟

“Le client Roi”هاد المقوولة كنسمعووها بزاف فمجال التجارة ،علاش؟ حيتاش بلا كليان ميمكنش لتجارة ديالك تمشي دكشي علاش العميل كيبقى دائما هو اهم عنصر فنجاح المشروع ديالك وكتكون ملزم باش تعامل معاه احسن معاملة ،ومع دالك راه من المستحيل ترضي جميع الزبناء ضروري مكطيح فشي زبون مكيكونش راضي على الخدمة لي قدمتيلو ايو خاصك تكون مستعد باش تواجه هاد النوع ديال المشاكيل.غادي نحاولو نقدمو بعض النصائح كيفاش تعامل فهاد المواقف.

1-منح الإنتباه الكامل للعميل المستاء.

العميل المستاء خاصك تحاول تسمعو مزيان وتبينلو انك مهتم بيه وبالمشكلة ديالو وتحاول تفهم شنو السبب لي خلاه يتعصب وميكونش راضي على الخدمة ديالنا وتعطيه فرصة يعبر على الرأي ديالو.

2-العميل دائما على حق .

تعامل على هاد الاساس حتى ولو كلن العميل على خطأ.

3-اظهار استعدادك لحل المشكلة.

مشي دائما العميل غادي يكون على حق ولكن انت خاصك تكون محترف فالردود ديالك وتحاولل تبين انك مستاعد تحل معاه المشكل وتحاول تغير وجهات النظر السلبية لي كونها على الموقع ديالك.

4-اتخاد الاجراءات الضرورية.

هاد الاجراءات كتخدها انطلاقا من داكشي لي سمعتيي من عند العميل المستاء بحيت يلاكان عدم الرضى بسبب خطأ في منتجك ااو متجرك فهنا ضروري تلقى معاه الحل.

5-تابع العميل.

خاصك ماتحلش المشكلة معا وصاف ولكن خاصك تحاول تمحي داك التجربة السيئة لي دوزها معاك وتاكد ان كلشي على مايراه وانه لا يزال عميلا وفيا لموقعك.

الثقة ديال العملاء هو الهدف ديال كل مسوق فحاول تكون صبور و حكيم في حل كل المشاكل حتى لا تفقد عملائك.