واش البريد الالكتروني مزال عندو فعالية فالتسويق؟Email Marketing
بزاف ديال المسوقين كيستهونو بفعالية تسويق البريد الالكتروني فاكتساب عملاء جدد وبناء الوعي بالعلامة التجارية فعلى الرغم من الارتفاع الواضح فالمنصات مثل الشبكات الاجتماعية كيبقى البريد الالكتروني وسيلة رئيسية لاستراتيجية اتصال فعالة.
إقرأ أيضا// اخطاء خاصك تجنبها فحملات البريد الالكتروني Email marketing
علاش خصنا ندمجو البريد الالكتروني فالتسويق ديالنا؟
- البريد الالكتروني منين تنشئ كيتعتبر قناة اتصال عبر الانترنيت مع افضل عائد على الاستثمار فهو حل بسيط للاستخدام ومكيكلفش وعملي وكيوفروقت كبير .
- البريد الالكتروني هو اكثر كفاءة 40 مرة من الفايسبوك فالحصول على عملاء جدد حيتاش يمكلك تخصص رسائل البريد الالكتروني وفقا للعملاء .
- 53% من المسوقين كيعتقدو ان البريد الالكتروني استراتيجية ممتازة.
- كشفات دراسة Smart Insight ان البريد الالكتروني كيتعتبر القناة الاكثر فاعلية من قبل متخصصي الويب فهو كيتنافس بشكل مباشر مع organic research والمدفوع.
- التسويق عبر البريد الالكتروني عندو عائد استثمار اكبر من ادوات التسويق الاخرى وفقا لتقرير دارتوMarketing Email Tracker ف2018.
- 49% من العملاء عندهوم رغبة فتلقي رسائل البريد الالكتروني من قبل العلامات التجارية.
إقرأ أيضا // واش البريد الالكتروني مزال عندو فعالية فالتسويق؟Email Marketing
2-ارسال بريد الكتروني كأداة ولاء
80% من محترفي التسويق كيقولوا ان البريد الالكتروني كيبقى هو افضل اداة ولاء ، وهادشي وفقا لتقرير مشترك من طرف D’emary و D’e tail بحيت كيستخدم 81% من الشركات الصغيرة والمتوسطة البريد الالكتروني كاداة اكتساب العملاء الرئيسية الخاصة بهم ،بينما كيستخدموه 80% للاحتفاظ بعملائهم وهاد الابحات كشفات ان تصنيف البريد الالكتروني افضل من البحت الطبيعي natural referencing والبحت المدفوع paid search والوسائط الاجتماعية من حيت اكتساب العملاء والولاء .
3-احترام الخصوصية وامن البيانات
بما اننا دكرنا الاهمية ديال البريد الالكتروني فكان من الضروري نتطرقو لهاد االنقطة باش يلا قررتي تخدم بهاد الاستراتيجية فراه من اللازم تكون عندك مسؤولية تجاه خصوصية وامن البيانات ديال العملاء ديالك . وخصك تعرف انها كاينة عقوبات صارمة مرتبطة بانتهاك البيانات . وباش تجنب انك توقع فشي مشكيلة كنصحك تبحت فالقوانين المتعلقة بانتهاك البيانات باش تكون على دراية بهاد الموضوع.
هاد الاسباب كاملة لي دكرنا كنضنوانها كافية باش تقتنع ان البريد الالكتروني راه وسيلة فعالة باش تدخلها فلخدمة ديالك وغادي يكون تقصير منك يلا هملتيها. وللاشارة هاد الاستراتيجية باش تخدم بيها خاص يكون عندك سطورلي من خلالو كتجمع القوائم البريدية ويلا مكانش عندك سطور فكنصحك بشوبيفاي Shopify. بلاتفورم لي زوينة وفيها بزاف ديال المميزات وراه يمكلك تستفد من 14 يوم مجانا في شوبفاي
إقرأ أيضا// اخطاء خاصك تجنبها فحملات البريد الالكتروني Email marketing
كنتمنى تكون استافذتي يلا عجبك المقال بارطجيه مع صاحبك 😊
