إعلانات ذكية Smartest Ads
باش طور البزنيس ديالك واجب عليك تستخدم الإعلانات المدفوعة بشرط تكون مهيكلة على المنصة للي كتشتغل فيها. ومنها غتحصل على بيانات مهمة للي غتساعدك فإتخاذ القرارات وتسطير الأهداف وبالتالي توفر عليك وقت كبير فالمستقبل. فهاد التدوينة مغنتكلموش على كيفاش دير إعلان مهيكل غانتكلموا على أذكى الإعلانات فهاد النوع من البزنيس.
1.COLD TRAFFIC VIDEO:
أي بزنيس كيحتاج أننا نسوقوه ويهتمو بيه وبالمنتوجات ديالو ناس جداد. هاد النوع من الإعلانات كتستهدف فيه العملاء عن طريق إنشاء فيديو .بشرط يكونو مهتمين بداكشي للي كتقدم ليهم وتبين ليهم بللي كتعرفهم و كتعرف أشنو باغيين . وتبني الثقة معهم بشكل سريع. من دون أنك تطلب منهم يشريو منك شي حاجة.الهدف من الإعلان يتعرفو عليك فقط.و يدخلوا لما بسمى الفانل الخاصة بيك.
المنصات الخاصة بهاد النوع من الإعلانات:
إعلانات غوغل أدووردز -شين يوتيوب
إعلانات الفيس بوك حملة الفيديو
2.ADWORDS BRAND KEYWORDS:
فهاد النوع من الإعلانات هو أنك تستهدف فيها كلماتك الرئيسية اللي باغيها وللي كيبحثو عليها عملائك المحتملين ! فالصورة للي لتحت غتلاحظ أن الباحث كيقلب عليك بأسمك حتى كيتفاجئ بموقع ٱخر .كيميز نفسو عن الموقع المنافس مباشرة وبطريقة ذكية . الخلاصة هنا هو أنك دير إعلان كتستهدف فيه كلمات المنافسين مباشرة وتبين للباحث علاش نت حسن ليه .
فين يكمن ليك دير هاد الإعلان:
إعلانات غوغل أدووردز -محرك البحث.
3. RETARGETING OPTION:
نقدرو نعتبروه من أذكى الإعلانات.علاش؟أنك تعاود تستهدف ناس فات ليهم تفاعلو معك الإعلان ديالك .دخلو للموقع شافو المنتج وربما داروه فسلة المشتريات ولكن مكملوش البروسيس. الزوين فهاد النوع من الإعلانات بمبلغ بسيط بحال 5$ قادر تستهدفهم والإحتمالية باش يديرو فاينل أكشن كببرة. هاد الإعلانات كتزيد من الثقة ديالهم ليك وتزيد حتى من حجم المعاملات ديال البزنيس ديالك.
فين تقدر دير هاد النوع من الإعلانات.
إعلانات الفايسبوك : كاستم أوديونس.
إعلانات غوغل أدووردز:تعاود تستهدف الناس للي شافو الفيديو باش يشوف الإعلان فمحرك البحث والعكس.
4.SEARCH DYNAMIC ADS:
غوغل كيوفر خاصية واعرة.الإعلانات ديالك كيمكن ليها تبان للعميل بالظبط بالكيوورد للي ستعمل هو فالبحث. إلى كان عندك متجر خاص ب Travel.عبر هاد الخاصية ديال Dynamic insertion غتمكنك من أنك تضبط الإعلانات ديالك :حطيتي حقائب السفر ككيوورد رئيسي ولكن العميل بحث بكييورد بحال خصومات كبيرة على حقائب السفر .هنا مباشرة غوغل كيتعامل مع العملاء ديالك بشكل ديناميكي وكيساعدك فالظهور لعملائك حتى لو مقلبوش عليك بالكيوورد الرئيسي.
فين يمكن ليك دير هاد الإعلان:
إعلانات غوغل أدووردز:محرك البحث Search Dynamic Insertion
5.CAROUSEL RETARGETING:
بزاف ديال العملاء كيتصفحو المتاجر حسب التصنيفات. هادي فرصة باش توجد إعلان عبر الفايسبوك كاروسل وتعاود تستهدفهم بشكل منسق.هاد النوع كيتعتبر من أفضل الإعلانات للي كتجيب مبيعات وبتكلفة رخيصة. وباش تسهل عليك الخدمة على فهاد النوع من الإعلانات يفضل أنك تربط سطور ديالك خاصة إلى كان على منصة شوبيفاي shopify عبر تطبيق ال Flexify بالكتالوك على الأدس مناجر باش تكون عندك مرونة وسهولة فإختيار المنتوجات للي تخدم عليهم فأوبشن Retargeting.
الى كان مزال معنداكش متجر شوبيفاي تيمكن ليك تستفد من 14 يوم مجانا في شوبفاي
فين يمكن ليك دير هاد الإعلان:
إعلانات الفايسبوك:Carousel Ads.
