كتهتم بمجال صناعة الأدوية؟! هادشي ليك
الديجيتال ماركوتينج حول مجال صناعة الأدوية والتسويق ليها لمستوى واضح من الشفافية مع المريض و التواصل الدائم مع المجتمع المعني بالأمر. إستراتيجيات التسويق الإلكتروني فهاد المجال فعالة بطريقة لا تضاهى بالطرق الكلاسيكية. فهاد التدوينة غنكتاشفو الإتجاهات والطكتيكات الأساسية للي تساعدك فالترويج لهاد الصناعة.
1: تعطي محتوى عندو قيمة مضافة Content-Driven:
أهم التحولات للي عرفها تأثير الديجيتال على صناعة الأدوية هو أنه مابقاش هو الوحيد للي كيقدم المعلومة وكيهتم بالتواصل مع العملاء مباشرة.كمسوق فهاد المجال وليتي مطالب باش تبني علامة تجارية مستهدفة لعملاء مستهدفين عندها محتوى ذو قيمة باش تسهل عليك الطريق فتكبير قاعدة الجمهور الخاص بعلامتك التجارية.السؤال هوكيفاش ؟ كتابة تدوينات كتقدم فيها إجابات للأسئلة الشائعة منها تعزز الثقة بينك وبين العميل المحتمل و منها تخلي علامتك التجارية مرجع ثقافي فالمجال. تقدر تخصص جزء من السطور شوبيفاي Shopify للتدوين وإعطاء قيمة مضافة للأوديونس ديالك.
مازال مافتحتي سطور شوبيفاي Shopify لمدة 14 يوم بالمجان يمكن ليك تجرب.
2. تكنولوجيا الواقع الإفتراضي والواقع المعزز VR/AR:
بدات كترتفع قيمة إستخدامها فمجال الرعاية الصحية.هدفها الرئيسي توفير أسلوب لتشتيت إنتباه المرضى وتخفيف الألم فمرحلة العلاج. كنقدرو عن طريق هاد التقنية تقديم المحتوي الثقافي والعلمي والرعاية من خلال العيادات الإفتراضية و عرض المنتوجات عن طريقها.
3.المؤثرين Influencers:
نسبة كبيرة من جيل الألفية كيتأثر بالتوصيات Recommandations فمجال الطب والصيدلة.الفرص كبيرة لماركت الأدوية للإشتغال عبر المؤثرين فمواقع التواصل أو قنوات اليوتيوب لعرض الخدمات والمنتوجات.
4.تشارك فالمؤتمرات المهنية:
دائما الأطباء ماكايبغيو يعرفو الجديد عن المجال وأهم المستجدات من كافة الجوانب. هادي فرصة باش تفاعل مع المجتمع المهني وتستافد من التفاعل المباشر من خلال التعليقات والملاحظات. هادشي غيخليك تضبظ الرسالة التسويقية وتخليها مرغربة أكثر عند العملاء المحتملين.
5.إستثمار جزء من الميزانية فإعلانات الفايسبوك Facebook Ads.
حضور العلامة التجارية فالسوشيال ميديا خاصة الفايسبوك للي هو مكان هاد الجمهور .الفايسبوك كيوفر خيارات مناسبة فالإستهداف فحالة الإعتماد على الإعلانات المدفوعة.
نعطيوك بعض الطرق الإبداعية فالفايسبوك ماركوتينج:
كتابة تدوينات كتعطي فيها نصائح فمجال الرعاية الصحية باش تخلق نوع من التفاعل مع الجمهور .
العمل على إنشاء تغطية إعلامية.عبر الصحافة المكتوبة والمرئية.هادشي كيعزز الثقة والمصداقية للمتلقي.
توفير فرصة للعملاء باش يتواصلو مع الخبراء فالمجال مباشرة.عن طريق البث المباشر فالفايسبوك.
6.دورات مدفوعة فمجال اليجيتال ماركوتينج E-learning:
بعض الشركات مازال متبنات التسويق الرقمي فالمشاريع الخاص بها فقطاع الأدوية .إستعمال الوسائط الرقمية ضرورة حتمية فتنمية هاد نوع من المشاريع عن طريق إستخدام برامج تعليمية ومن الأفضل تكون تدريبية ومباشرة كون هاد النوع من المعاهد غيوفر ليك مهنيين عندهم خبرة عالية فمجال التسويق.
مازال مافتحتي سطور شوبيفاي Shopify لمدة 14 يوم بالمجان يمكن ليك تجرب.
