نموذج بسيط لكتابة محتوى اعلاني فعال

الكثير من المبتدئين في مجال التجارة الالكترونية كيتوقعوا باللي مجرد أنه عن طريق فيسبوك آدس faceboock ads يطلق اعلانات ، المبيعات غادي تولي بالمئات أو الآلاف ،لكن هنا تم اغفال بزااااااف و غادي تكون نسيتي باللي الفيسبوك هو مجرد أداة فقط كتحكم فيها أنت ، بدون ميديا جيدة creative ، كتابة محتوى تسويقي مقنع و ماشي أي كتابة ميمكنش تنجح في بيع المنتج ديالك داكشي علاش غادي نتطرقوا اليوم لطريقة بسيطة و فعالة لكتابة ad copy :

ندخلوا في الموضوع مباشرة باش تصاوب كتابة اعلانية فعالة و بسهولة تامة يكفي طبق استرتيجية الكيكة كيفاش زعمة ؟

ساهلة أي كيكة كتكون مكونة من ثلاتة ديال الطبقات :

الطبقة الأولى

كتكون فيها الزواق …شوكلاتة ….فواكه المهم شيحاجة زوينة مثيرة للانتباه نفس المبدأ غادي نطبقوا في الكتابة الاعلانية ديالنا ad copy أولا شئ خاصنا نحطو جملة مثيرة للانتباه

الطبقة التانية

كيكون فيها المهم هو آش كاين داخل الحلوى بمعنى الرسالة الاعلانية اللي كتكون فيها جمل مختصرة كتحسس بها الزبون بالمنافع ديال المنتوج ديالك أو الحاجة اللي غادي يلبيها ليه أو تخلق عندو الحاجة لهاد المنتوج ديالك

الطبقة الثالتة

هنا كنوصلوا للأخير ديال الكيكة اللي هو عبارة عن call to action يعني كتحدد للزبون ديالك طريقة التواصل بطريقة سلسة كتخليه ينتقل الى مرحلة أخرى اللي مزاال غادي نتكلمو عليه في مقالات أخرى .