كيفاش نتعامل معا ناس سلبيبن او لعصبيين ففيسبوك ؟
يلا كنت كدير شي صفحة على الفيسبوك وكتعامل فيها مع شي فئة معينة خصوصا يلا كنت كتبيع شي منتوج على الفيسبوك فراك ضروري معرض تلقى آراء مختلفة تجاهك وضروري من تعليقات سلبية على لمنتج أولا صفحة ديالك او حتى على آدمين الصفحة نيت.
وكنتأسف باش نقوليك أن تعامل لخطأ مع هد تعليقات ولا تجاهلها كيعرض تجارتك الالكترونية لخطر ويقد يأدي لنخفاض كبير فنسبة مبيعات ديالك بغض نضر على لجودة ديال لمنتوج ديالك ولا التمن الزوين لي داير.
وباش تفادى توقع فهادشي خاصك تابع بعض خطوات لي غتخليك تسيطر على لموقف السلبي وتعكس الأمر لصالحك يلا تعاملت بحترافية.
1-خاصك دير سياسة خاصة بخدمتك وصفحتك على الفيسبوك :
خاصك دير سياسة خاصة بخدمتك على وسائل التواصل الاجتماعي وصفحة الـ Facebook ديالك خاص تكون عندك حدود واضحة وتحدد لمشكلات لي تقدر توقع.
بناء على نشاطك تجاري ولا نوع تجارة ديالك خاصك دير سياسة خاصه بيك بحال سياسة شحن وطرق الدفع أو لخلاص وتحطها فقسم “حلول” فصفحتك.
يقد ميزورش المعجبون صفحة الحلول باش يقراو سياستك، ولكن تقدر دائما نت ترسل رابط علامة التبويب منين ترد على التعليقات السلبية!
على سبيل المثال، هذي سياسة الـ Facebook الخاصة بصفحة حلول لمتاجر.
2-حاول تجذب العميل السلبي باش يهدر معاك خارج الصفحة:
منين تعامل مع تعليقات سلبية على الـ Facebook غالبا غيؤدي هدشي باش تجبد الهدرة مع أصحاب هد التعليقات، وحنا فهد الحالة مبغيينش هد لهدرة تكون قدام الناس في التعليقات.
كاين واحد طريقه واعرة باش ميوقعش هدشي وهي توجه ناس سلبيين يراسلوك عبر البريد الالكتروني ولا برسالة مباشرة لصفحتك
هدشي غيخليك تناقش مشكلة مع زبون على انفراد وبشكل فردي و غتلاحظ ان زبون غيتهدن فاش تهدر معاه بشكل فردي ومباشر مغيتأثرش بتعليقات لخرين الي يقد يساعد في تأجيج الموقف.
3-تجهز بعض الأجراءات للحالات المتكررة :
فاش يترسل أي تعليق من ناس لصفحتك غيتم ابلاغك ديك ساعة باشعارات خاصك تكون واجد للرد دغيه وباحترافيه وبكفاءة فنفس الوقت.
وطريقه لمزيانة باش دير هادشي خاصك توجد شي اجراءات بحال تكتب شي مستند فيه اجابات على أسئلة و لحالات لكتعاود والروابط لي معروفة بحال(رابط سياسة الخصوصية) وزيد سيناريويات وحلول تستعملها باش تجاوب على العميل لمقلق وعلى المشاكل الي من المحتمل توقع.
هد الإجراءات غتساعدك بزاف باش ترد في الوقت المناسب وبشكل الصحيح.
4-رد على تعليقات بطريقه احترافيه :
بالتأكيد غتكون سمعت المقولة “الزبون دائما على حق ” بصح! فالحقيقة الزبون ماشي دائما على حق ولكن كيبقى الزبون.
باعتبارك انت مشرف اوالمسؤول على صفحتك غتصادف بزاف دناس غيصعب عليك التعامل معهم وغيحاولو اختبار صبرك، ولكن نت خاصك دائما تكون محترف فاش تجي ترد على التعليقات في صفحتك على الـ Facebook.
وفحال مقدتيش تسيطر على اعصابك فتعامل ديالك مع عملائك فسمعة علامتك التجارية هي الي غتتأثر سلبا حيت ردود افعالك السلبية غتفقدك العمل في نهاية.
الـ Facebook منصة عامة تقد يجيب لك الله أنك كتهدر مع شخص واحد ولكن في الحقيقة لا.
خاصك معمرك تاخذ تعليقات سلبية بشكل شخصي حيت فالنهاية هدا نشاط تجاري كتقوم بالإدارة ديالو وغيكون دائما عدد قليل من المعجبين الي ميمكنلكش ترضيهم، منين يطرا هذشي امضي قدما فلعمل ديالك حيت غتكون درتي لي عليك.
5-ما تتجاهلش تعليقات :
منين كتجاهل التعليقات السلبية فالـ Facebook غتأدي لبزاف من سلبية، تقد متكونش عندك اجوبة مرضية على التعليقات كاملين ولا المشاكل، ولكن هذشي مكيعنيش انك تجاهل التعليقات السلبية.
احسن طريقة باش تعامل مع التعليقات السلبية هي انك تقول لمولاها انك كتبحث فالمشكلة وكتحاول تلقى أحسن الحلول وراك غتخبر بيها غير تحل المشكلة، هذشي غيخلي العميل يحس أنك مهتم بمشكلتو وغتابعها نيابة عليه.
ملاحظة مهمة: خاص يكون وقت استجابة قصير حيث خاصك تجاوب على جميع ردود ومتعداش 6 ساعات وخا يكون الرد هو تبلغ العميل أنك غتحقق من المشكل وترد عليه.
6-زيد طابع شخصي على رد ديالك:
زيد طابع شخصي على رد ديالك:
متستخدمش الردود الواجدة إطلاقا باش ترد على معجبيك على الـ Facebook
قلنا قبل انه خاصك توجد بعض ردود للمشاكل واسئلة لمعروفة ولكن متستخدمهاش مع تعليقات سلبية:
ها بعض النصائح باش تكون فالمسار الصحيح:
1-دير دائما الاسم لول للعميل في ردودك.
2-حاول دايما تسالي الرد بكتابة سميتك :youness
3-تفكر دائما أنك كتهدر (مع) ناس وماشي (إليهم).
4-غتلاحظ ان معجبيك راضيين بشكل كبير وغيوليو مطمئنين بشكل كبر محيت نتا شخصياً دير شي حاجة على ود مشكلتهم وتبينهالهم.
7-متخافش من الحذف:
من منطقي و مقبول انك تحيد معجبين من صفحتك منين يتجاهلو سياسة وسائط اجتماعية خاصة بيك ويتخطاو الحدود.
يقد يبالك هذشي سلبي على صفحتك، حيت نتا باغي تبني علاقة صحيحة مع أكبر عدد من زبناء اومعجبين على صفحتك
ولكن إلا كان عندك معجب يضايق لخرين، ولا كان وقح معاك ولا مع اعضاء فريقك، أو كيبين أنه مكيحترمش صفحتك، فمن حقك تحيد دوك تعليقات وتمنع شخص من المشاركة. بناءً على الموقف، تقد تبعث أولاً فتحذير تعطي زبون فرصة باش يتراجع على تصرفاته السلبية.
خاصك توقف ضد أيواحد يسيء معاملة أعضاء فريقك أولا معجبين لخرين في مجتمعك.