كيفاش تحقق نمو سريع لصطور ديالك؟ Growth hacking

عمرك سمعتي بهاد الإسم ولا عندك شي فكرة عليه هو مصطلح جديد فعالم التسويق الإلكتروني وهو كيعني قرصنة النمو والسبب فاختيار هد الإسم هو النمو السريع ديال صطور ديالك بحال يلا اختطفت داك النمو وهنا غنسلط الضوء على أهم الأساليب والتقنيات لتخليك تحصل على زبناء جداد فوقت قصير باستعمال التكنولوجيا.

فها لمقال غتلقاو ضوء على اهم اساليب باش تحقق هادشي اوبإختصار گروت هاكينغ هو انك تحصل على عدد كبير من لكليان جداد في ضرف قصير اوهادشي علاش سماوه بهاد إسم.

1-طلب من زبناء اخد صور معا منتوج :

الطلب من زبنائك أنهم يخدو صور مع المنتوجات لي شراوها من عندك شيء لي غيفيدك بزاف وغيزيد يأكد المصداقية ديالك.

ولاكن كيفاش تقنع أو بالأحرى تشجع الزبون ديالك على هد شي .
متلا نت كتاجر فملابس الاطفال وطلبت من الزبون ديالك يشارك على صفحتك الصورة ديال الطفل ديالو هنا نعطيك الطريقة باش تشجعو متلا غتكولو أنه غنديرو واحد المسابقة الصورة لي غتحقق أعلى نسبة إعجاب غتحصل على خصم%50
أو عرض أخر لمهم أنا عطيت متال هي باش نوصليك الفكرة.

2-تعامل مع زبنائك بشكل مختلف :

واش التعامل مع الزبناء جداد خصو يكون هو نفسو مع الزبناء الدائمين أكيد لا.
الزبون الوفي خصك تحسسو أنه عند إمتيازات على الوفاء ديالو كتخصيص رقم تخفيضي خاص بيه يستعمل فجميع عمليات الشراء ديالو أو إستخدام بطاقة الوفاء لي غيكون فيها نقط على كل عملية شراء ومتلا يلا شرا خمسة دلمرات وكل مرة ستافد من عشر نقط أي جمع خمسين نقطة فهاد شي كيخول يستفد من هدايا المرحلة الأولى او يحتافض بنقط ديالو ويدوز المرحلة التانية لي الهدايا ديالها قيمة على المرحلة الأولى وبهاكا هو دائما غيبق يقلب على الامتيازات لي كتوفرهمل نتا ونتا كتربح زبون وفي😉

3-نشر فيديويات على اليوتيوب :

المقصود هنا ماشي تنشر فديو اشهاري مباشرة هد الفكرة حتى هي مزيانة ولاكن كنقصد تنشر فديويات كتهدر على النشاط لي كتقوم بيه على شي منتوج محدد من منتوجاتك وتبين المزايا ديالو والاهم ان الفديو يكون فيه شرح وتجارب عملية.
صور منتجاتك صور خاصة ونشرها على مواقع التواصل الإجتماعي
الى كنت كتمتلك مخزون من المنتجات فخاسك تستغل هد الأمر لصالح ديالك قم بتصوير هد المنتجات وفصور حاول تضهر شعار منتجك فخلفية حقيقة أي المقصود مشي غير تصور المنتج وإنما تصور حتى المخزون وتضهر ان الصورة التقطت فمتجر ديالك.

4–عطي مكافئات مقابل تسجيل :

كما سبق لينا قلنا ان لهدف هو انك تحصل على عدد كبير من لكليان في ضرف قصير اوباش تحقق هادشي هو تعطي لكليان ديالك نقاط او كوبون بمجرد انه يفتح حساب في متجر ديالكاوبلاما يشري من عندك وي يمكن طبق هادشي في شوبيفاي من خلال تطبيقات لي خاصة بالمكافئات اوكوبونات او متنساش انك تخلي تسجيل ساهل على لكليان باش إقدر إتسجل بسرعة، يكفي انك تحصل على ايمايل ديالوا ورقم لهاتف باش إقدر إتسجل عندك.

5–حسن من سرعة ديال تحميل صفحة:

اول حاجة خاصك تأكد من إستضافة إلى كنتي خدام بي ووكوميرس او عوامل اخرى لي كتأتر على سرعة تحميل متجر ديالك او إلى كنتي من مستعملي شوبيفاي فبلاما تفكر فهاد لجانب حيت هاد منصة كتهنيك من هادشي ولكن خاصك تراقب سرعة ديال تحميل صفحة كل شهر وي يمكن لك تنفد هادشي بسهولة بإستخدام pingdom لي كتشوف بيها سرعة ديال تحميل صفحة اوكتعطيك اخطاء لي عندك باش تحاول تصلحهم في اقرب وقت.