كاميرة تخليك متبع الزوار ديال السطور ديالك خطوة بخطوة

حتى واحد فينا مكره يشوف الزوار ديالو لموقع شنو كيديرو بالضبط فين دخلوو،علاش بركو،شحال ديال الوقت دوز ، وزيد وزيد. .دبا هادشي رجع متاح ليك بفضل ادوات يمكلك تانسطاليهوم فاالسطور ديالك وبهاد الطريقة غادي تعرف خطووة بخطوة شنو طاري عندك والعملاء ديالك شنوعجبهوم شنو معجبهومش وبالتالي تصلح نقاط الضعف لي عندك وتعزز نقاط القوة .شنو هما هاد الادوات ؟

1-WEBVISOR

هادالاداة يمكلك تانسطاليها بكل سهوولة فالسطور ديالك وهي اداة رائعة كتخليك تبع الزائر بالفيديو وكتتبع كل التحركات ديالو فالموقع وعندك لخيار توقف الفيديو او تمشي لتحرك اخر.
webvisor كيعطيك كل المعلومات حول الزائر من لكلمة الرئيسية لي كتب فمحرك البحت حتى الوقت لي استغرق فالموقع ،اينا مدينة،عنوان IP .

2-HOTJAR

مايمكنش نحسنوتجربة المستخدم الا يلا عرفنا السلوك وطريقة التفاعل ديالو مع الموقع . HOTJAR هي اداة من بين الادوا ت االرائعة ليكتمكنك باش تعرف الخطوات لي كيمر منها الزائر من خلال تتبع حركة الماوس فالتنقلات ديالهوم ،وبفضل هاد الاداة غادي يمكلك تحلل الرحلة لي مر منها المستخدم وتحدد اللحظة الدقيقة لي غادر فيها السطور وتعرف شنهوما اللاخفاقات لي عندك باش تخدم عليها وتحسنها وبالتالي تزيد معدل التحول عندك .

3-SMARTLOOK

بغيتي تعرف وتفهم السبب لي كان من مورا كل الاجراءات لي خدها المستخدم فالموقع ديالك Smartlook كيمكنك من هادشي ، هي اداة بحالها بحال هوتجر كتعطيك واحد رؤية حية لسلوك ديال الزوار ،كيسجل كل زيارة دخلت والمناطق الاكتر نقر، وشنو القرار لي خدا وهادشي كيخليك تعرف فين عندك الخلل فنفس اللحظة باش تحسنو وترفع معدل التحول.

4-LIVESESSION

ا داة كتسجل حتى هي جميع التفاعلات لي كتوقع فالسطور وبالتالي ومن خلال هاد التسجيل يمكن تعرف نقاط الضعف والقوة وتحاول تقادهوم.

5- UXCAM

هاد الاداة مكتخلي حتى حاجة لصدفة كلشي كتراقبو وفالوقت المحدد كتخد القرار لي يخدم المصلحة ديل السطور حتى هو جميع التحركات كيسجلها.

6- MOUSEFLOW

موسفلو مكتختلفش بزاف على الادوات لي هدرنا عليهوم من قبل داكشي لي كيخصك تعرفو باش تطور السطور ديالك غادي تلقاه مسجل.

نتمنى تكون استافذتي يلا عجبك المقال بارطجيه مع صاحبك😍