معايير المنتج لي كايتسنا منك المستهلك المغربي كماركتر | Customer Experience
من بعد ما دخلو ناس جداد فالتجارة الإلكترونية E-Commerce بالمغرب ركزو على حاجة وحدة هي البيع والربح السريع لي خلاهم يرتاكبو أخطاء بزاف مباشرة و غير مباشرة .
والناس ما بقاتش كاتيق في أي واحد كايبيع على الأنترنت بسبب التجارب ديالهم مع منتوجات رديئة الجودة وكاين شي منتوجات Products ماكاتصلاح لوالو من الأصل.
حاولنا نحطو بعض المعاييرStandards لي كاتعطي موثوقية للمنتج ديالك والعناية ببعض التفاصيل المتعلقة بيه.
1-الجودة | Quality
خاص المنتوج ديالك توفر فيه الجودة لي محتاج لييها المستهلك المغربي .
2-المنفعة | Utility
المستهلك محتاج لمنتوج غادي ساعدو في حل مشكلة ما ولا إستافد من منو في حياتو اليومية .
3-الثمن | Price
ملي كاتحط ثمن المنتوج خاصك تبين بطيرقة تفصيلية و محددة بلي الثمن مناسب او ماشي غالي .
4-الراحة | Comforts
كل منتج كيفما كان نوع ديالو من الضروري يلعب دور جزئي في راحة المستهلك .
5-الخبرة | Experience
شكون لي ما باغيش الساهلة ؟
كل زبون جا ولقا البساطة والسهولة في الشراء و حتى في المعاملة غادي يحس بالراحة وتكون عندو تجربة زوينة في المتجر ديالك .
6-الثقة | Confidence
ملي تقول على شي منتوج مزيان وعندو جودة خاص توفر فيه بصح هاد المواصفات، زائد عندك سياسة الإسترجاع وفي حالة الزبون ما عاجبوش المنتوج وبغا إيرجعوا خاصك ترجع ليه فلوسو بالتراضي .
7-النتيجة | Result
خاص المنتج يعطي لزبون داكشي لي كان باغي منو وي كون قاضي ليه الغراض، ماشي يخلق ليه مشاكل جديدة في بلاصت ما يحل ليه المشاكل لي كانت عندو.
8-الرضى | Satisfaction
باش إكون الزبون راضي على المنتوج ديالك خاص يلقا فيه هاد الشروط كاملة باش يرجع مرة ثانية وي جيب ليك معاه ناس معاه.
