شنو هما أسباب إنخفاض Email Open Rates؟

بعض المسوقين، كيخصصو وقت و مجهود في تصميم إيميلات تكون كتناسب المشتركين ديالهم و كتضيف ليهم قيمة لحياتهم، و لكن في الأخير كيتفاجؤا أن الآن الإيميل سواء ما تفتحش أو فتحاتو فقط أقلية من مشتركين، و كيتساؤلو شنو ممكن يكون سبب، وغالبا حتى أنت غدي تكون كتساءل علاش؟ قبل من نمرو لمعرفة بعض أسباب الممكنة في إنخفاض open rate. شنو هو open rate؟

شنو كنقصدو ب Open rate؟

open rate كيشير إلى نسبة مئوية  لمستخدمين فتحو الإيميل ديالك، و هو مؤشر كيقيسو بيه المسوقين مدى قدرتهم على جذب انتباه المشترك إلى محتوى الإيميل و بالتالي تحفيزه باش يحقق الغاية منه. كيتم إحتساب open rate كالتالي:

Open rate = Number of unique opens / (Number of emails sent – Number of bounces) x 100

شنو هما أسباب إنخفاض هد معدل؟

1- Boring Subject Lines :

subject line كيتم تعبير عليه على أنه “باب”. باب كيأدي بمجرد نقر مرسل إليه عليه إلى المحتوى الإيميل و دار خطوته الأولى، بحيث هو أول حاجة كيلاحظها العميل في صندوقه البريدي، و كيعطيه انطباع أولي على الإيميل ديالك. كنعرفو بلي subject line هي واحدة من الأسباب الرئيسية لي ممكن ترفع open rate أو انخفض. وباش ترفع من نسبة ديالو خاصك تصمم subject line تكون:
– Short & Sweet
– Clear
– Personlize

2- Buying Email list :

الطرق المختصرة، شكون فينا ما كتعجبوش؟ تختصر و تقتصد الوقت و الجهد ديال بناء قائمة بريدية من صفر بشرائها جاهزة، ساهلة! و لكن كتكلف الكثير على البزنس ديالك، حيت ما غديش تكون متأكد من جودة القائمة أو واش كتضمن فعلا جمهورك المستهدف، ماشي فحال إلى أنت قمتي ببناءها و واثق منها و بالتالي شراؤها غدي يقدر يسبب في إنخفاض في open rate و صعيب تحقق أوبجيكتيف لي كتنتظر منه.

3- Emails Here – Emails There :

غالبا ما غدي تكون وقعات ليك! توصلتي بالعديد من الإيميلات في اليوم واحد من عند شخص أو شركة، و لي كتروج منتجات أو خدمات نفسها. باش شعرتي، بالملل؟ الإزعاج؟ الإحباط؟… هكا كيشعر العميل أو المشترك في قائمتنا البريدية ملي كيتوصل برسائل متكررة في يوم الواحد، و بالتالي ما كيترددش بمسحها أو توجيهها إلى spam. إذن باش open rate ديالنا إرتفع و نحققو الغاية من الإيميلات و هدف منو، خص تقلل من إرسالها بشكل متكرر، و timing يكون مناسب لإرسالو، و تأكد من أنها غدي تقدم قيمة للمشتركين ديالك.

Unsegmented email list -4 :

كل مشترك في قائمتك البريدية كيتواجد في دورة مختلفة على المشترك الآخر. و باش تحسن و ترفع من open rate خصك من ضروري تقسم و تصنف عملائك على حساب فين كيتواجدو و بالتالي تصمم ليهم إيميلات مناسبة لمرحلة لي كيتواجدو فيها.

كخلاصة فتح المستخدم للإيميل ديالك كيتعتبر خطوة الأولى من العملية و باش تحسن من open rate تذكر بلي خصك:
– تصمم subject line تكون جذابة و محفزة.
– قيام تحليل إستراتيجيات إيميل ماركتينغ.
– A/B Testing.
– Clean up your email list .