سلسلة الأستيراد بالدارجة. -المقال الخامس-

من بعد مفهمنا مزيان كيفاش نقلبو على المنتوج و نشوفو المورد  من خارج المغرب من خلال موقع Alibaba . و من بعد متوصلنا  . العينة ديال المنتوج و نتأكدو من الجودة. كتجي المرحلة ديال الاستيراد الفعلي . 

كيفاش كدوز العملية من الاول حتى الاخر؟

  اولا كتاكد مع المورد بان الجودة هي هديك. كطلب منو يسيفطلك :

الفاتورة الاولية proforma invoice

incoterms     لتفهمتو عليها

 رقم حساب البنكي التجاري ديالو .

 بوصلة الشحن لهي واتيقة. فيها معلومات ديال الشحن .كطلبها من عند المورد. ادا كان هو ليتكلف ليك بالشحن .او طلبها من شركة لغتحيبلك سلعة ديالك. 

engagment d importation .هد وتيقة ضرورية و خاصك طلبها من وسيط. العبور transitaire . و ادا عندك حساب ف Portnetتقدر تخرجها لراسك

titre d’importation  هد وتيقة كتعطيهالك البنكة . كتعطيهم الوتائق التالية :حساب البنكي ديال المورد  RIP الفاتورة الاولية و engagment d’imporation من بعد مكيخلصو للموزع و كدوز العملية . كيصاوبو لك titre d’imporation

من بعد مكيتوصل المورد فالصين بالفلوس لتفاهمتو عليها . كيسيفط سلعة لشركة د الشحن و هد الاخيرة هي لكتكلف بنقل سلعة و توصلها لك يا اما فالميناء او فالمطار. . و فهد اللحظة كتبدى الخدمة ديال transitaire.كيتم تبادل الوتائق بين transitaire و شركة الشحن. و من بعد كيتكلف بإجراءات للتعشير . لاڤيزيت و التخليص الجمركي

 .شحال تكلفة ديال تعشير و التخليص الجمركي ؟

التعشير كيتحسب على بزاف ديال الاشياء :

البلاد  لجات منها سلعة: حيت كينين اتفاقيات ديال تبادل الحر بين المغرب و بعض دول  بعض المرات كتكون امتيازات

.نوعية ديال المنتوج.  فعلى حساب منتوج كيكون تعشير كيتراوح بين %2.5  و 25% . .ممكن تعرف بالظبط شحال نسبة التعشير من خلال هد الرابط.

و ادا تكلمنا على التعشير فخاصنا منساوش TVA . و لهي ضرورية تخلصها حتى هي . نسبة ديالها محددة ف 20%وهد المعادلة هي بشكل تقريبي باش كتحسبو شحال يتقام علينا التعشير و التخليص الجمركي:

Droit de douane = prix de marchandises + transport ) x %tax

Tva= (prix marchandises+transport+droit douane) x 0.20

الطرانزيتير هو لكتكلف بالخلاص و كلشي . من بعد مكيسالي من الاجراءات. كتخلصلو الاتعاب ديالو مصاريف التعشير لخلص على سلعة ديالك