سلسلة الأستيراد بالدارجة. -المقال الأول

مقدمة على الاستيراد و التصدير

الاستيراد و تالصدير من  المجالات الزوينة و فيها العاقة. . و ماشي صعيبة كيف كيظنو بزاف د ناس.  معظم ناس كيصحاب ليهم  ان الاستيراد و التصدير فقط لناس لعندهم رؤوس الاموال الكبيرة .  هدشي فالحقيقة غلاط. كايني بزاف د ناس كيفكرو فيه و لكن معارفينش منين  يبداو. شنو خاصهم . هدشي علاش درنا هد المقال . باش نوضحوا لكم ان الاستيراد ماشي شي حاجة صعيبة . فقط خاصك رغبة و الاستمرارية . راس المال متواضع و العلم بخبايا هد المجال . و هد الاخير هو لغنشاركوه معاكم  من خلال هد المقال. 

علاش المسوقين المبتدئين كيفكرو فالاستيراد ؟

مسوق مبتدأ  من بعد مكياخد تجربة فتسويق و يخدم بمنتوجات كراج علال و درب عمر  او منتوجات محلية ..الخ كيفكر فالاستيراد هروبا من المنافسة و حبا فظفر بمنتوج يكون غابر فسوق يديرو براند و ..يلانصيه فالمراشي.

اش خاصني نعرف قبل منبدا فالإستيراد .

خاصك تعرف بزاف د الاشياء . و منها :

• ان كاينين منتوحات ممنوعين دخلهم كالاسلحة او كايرات تجسس او طائرات بدون طيار مهم اي حاجة كتهدد سلامة الوطن و المواطنين
• متستوردش سلعة لكتصنع فالمغرب. حيت تعشير ديالها كيكون غالي . و شي مرات يمنعوك دخلها.لان هدشي كيأتر على الاقتصاد ديال البلاد بلا متحس. 
• ادا بغيتي تستورد منتوج قلب عليه فالاسواق المغربية للجملة  ادا ملقيتيهش عاد تستورد. حيت كاين لكيجيب حاويات كتيرة من نفس منتوج و تلقى تمن ديالو هنا فالمغرب رخيص على الصين .
• من الاحسن تستورد من اقرب بلد قريب لك .  حيت كيكون الشحن رخيص و توصلك سلعة بسرعة

شنو هو شق القانوني لهد البيزنيس؟

 ادا بغيتي تسترد او تصدر سلعة للخارج المغرب خاصك دير شركة اساسها الاستيراد و التصدير.و بالاسم ديال هاد شركة ت دخل و تخرج سلعة .

كيفاش ندير شركة ديالي؟ 

من الاحسن تشوف مع المحاسببن القانونين  هما ليتكلفوك بانشاء الشركة نيابة عليك  و بطبيعة الحال كتخلص ليهم الأتعاب ديالهم .على العموم تمن ديال تاسيس شركة كيكلف من 3500 درهم حتى. ل5000 درهم. نت و  نيكوصيايون ديالك مع الكومبتابل . من مميزات هد الامر انه كيوفر عليك الوقت و تمارة لان هد المحاسبين كيعرفوا الاجراءات كاملة و بالتالي كطلع لك شركة فوقت سريع . و ادا بغيتي ديرها لراسك ممكن. سير لمكتب الاستتمار الجهوي و هما غيعطيوك الارشادات الازمة . 

دير حساب بنكي خاص بشركات.

هد الحساب ضروري لانه مرتبط بالتخليص الجمركي.  و هو باش تخلص الفورنيسور. حيت لا يجوز تخلص من حساب شخصي ديالك

تسجيل ملف تجاري ف بدر. insertion du RC sur badr

كتمشي تسجل فديوانة ديال مدينة ديالك .تسجيل كيدي 15 دقيقة . و  كتدي معاك الوراق و الوتائق  التالية :

• Une demande d’insertion du n° RC (original) dûment visée par l’opérateur intéressé sur papier entête et selon le formulaire joint en annexe 3,. Le papier entête doit préciser le numéro de l’IFU si l’opérateur en dispose.
• Extrait du registre du commerce (une copie authentique) datant de moins de 3 mois
• Déclaration d’immatriculation au registre du commerce (Français) (une copie authentique) datant de moins de 3 mois, ou du bulletin de notification des identifiants (attribué par le CRI).
• Bulletin de notification des identifiants du C.R.I (une copie authentique)

تسجيل فالاشتراك السنوي  فمنصة Portnet.

portnet هي واحد  شباك الاكتروني كيساعد االموردين و مصدرين من تتبع عمليات الاستيراد او التصدير. و كيضم حميع الادارات العاملة فهد المجال. بنسبة لهد منصة ماشي ضرورية ادا كنتي  مكدخلش سلعة بزاف د المرات فالعام و كتعامل مع وسيط عبور.  الاشتراك سنوي محدد ف 3600 درهم. 
يمكنلك  تشوف معلومات اخرى على portnet . هنا 

البحت عن وسيط عبور transitaire و كيفاش تعامل معاه. 

 تعامل مع طرانزيتير كمبتدء و لا بد منه. بحالو بحال المحاسب . كيعرف خدمتو و ينقص عليك تمارة د بصح. هو لكيوجد ليك وتيقة.  engagment d importation  و ادا كان عندك حساب فبورطنيت تقدر تخرجو لراسك و خدمتو كتبدى منين. توصل سلعتك للمرصى.. كيتكلف باجراءات التعشير و تخليص الجمركي  و الخلاص . 

كيفاش لقى transitaire قريب ليا ? 

transitaires كتار و عندهم مكاتب فكل مدينة.  يمكن لك تستاعن google maps. linkedin. صفحات الصفراء …الخ

نصائح قبل متمشي عند transitaire

. من بعد مدير البحت و تسول على مكاتب ديالهم. . و قبل متمشي عندهم . من الاحسن تكون عارف  اللغة ديالهم. لهي مجموعة من المصطلحات باللغة الفرنسية لعندها علاقة بعملية الاستيراد و التصدير.مقال مخصص لهد القضية غيجي من بعد .