زبون هو راس مال مستقبل كيفاش نتعامل معاه؟
عمل حر بحالو بحال اي عمل كيكبر معا لوقت وي كيطور اوخاصنا نتافقو ان اهتمام بالزبون او إرضاء ديالوا كيساهم في زيادة ديال إتتشار ديالك من خلال بزاف ديال عوامل بحال تقييم جيد زبائن وي إقتارحوك على وحدين آخرين وبحال هكا كظمن زيادة ديال مبيعات.
«الزبون دائما على حق»
هاد مقولة مشهورة في عالم ديال اعمال وبالطبع لمقولات مكتفهمش من مجرد قراءة ديالها بل من خلال إستعاب ديال لفكرة اوماشي معنى ديالها لغوي فهاد مقولة كتعطي اهمية كبيرة للزبون، فزبون هوا راس لمال او مصدر ديال ربح، فزبائن كيختالفوا من شخش لآخر لهدا خاصك تختار تعامل مزيان معاهم.
فكتركز على زبون اومستوى دراسي ديالو، فهاد زبون إقد إكون طبيب ولا مستشار اوحتى مهرج. فبهدا زبون كيطمأن ليك، وي قد ميهتمش لثمن لانه لقى راحتوا معاك.
-فيما يلي غنوضحوا ليك كيفاش تعامل معا زبناء معا إختلاف سلوكيات ديالهم :
-زبون متردد :
غلبا مكيتخادش لقرار بوحدو وكيعتامد على ناس في إتخاد لقرار، هاد نوع كيكون كيسول بزاف، لهدا خاصك تصبر معاه في تعامل ديالك.
-زبون مستعجل :
هاد نوع مفيهش صبر ومكيبغيش إتسنا، اوكتلقاه ديما كيسول همتا غيوصلو منتوج، فبحال هادا حاول تسمع ليه اوطمئنوا على منتوج.
زبون ذكي :
-هاد نوع كيوجه اسئلة ديالو صعيبة فلهدا خاصك تكون حتى نتا ذكي في إجابة بالعرض ديالك من خلال براهين اوتبين ليه انك اذكى منوا.
-زبون متشكك :
هاد نوع من زبائن مكيصدقش داكشي لي كتقول ليه بسهولة اوهادشي كيضهر من خلال كلمات ديالو لي كينتاقد منتوج ديالك، فهنا كثبت ليه ان لخلاص حتى توصلك سلعة وي يمكن ليه إرجع منتج.
زبون مجادل :
-فهدا هواية ديالو هو يثير مشاكل من خلال مقاطعتك في كلام، فهو سلبي وسهل غظب فمن واجب تصبر معاه في تعامل او تقنعوا عبر ادلة وبراهين منطقية.
كخلاصة :ناس في مغريب ماشي بحال بحال يعني مغريب فيه بزاف ديال ثقافات حيت ناس ديال شمال ماشي هوما ناس ديال داخيل اوماشي هوما ناس ديال صحرا يعني ناس مختالفين على حسب ثقافة ديالهم اوحتا لمستوى دراسي ديالهم اوهادشي غتكسبوا معا خبرة ديالك معا بزاف ديال ناس وي إحتكاك معاهم غتولي كل شخص تكلم معاك تعرف كيفاش تعامل معاه.
