خدام بMessenger و Whatsapp . علاش غنصدع راسي ب Store ؟
نسبة كبيرة من المسوقين مبتدئين كيسوقوا منتوجات عبر فايسبوك و كيتواصلوا مباشرة مع الزبائن من خلال الواتس اب او ميسنجر و عملية شراء كتم من بعد دي و جيب فالهضرة . واش هد تسويق صالح و علاش خاصهم يعملو سطور؟
تسويق من خلال جلب طرافيك للواتساب او ميسنجر كيجيب مبيعات مهمة . لكن خاصو جهد كبير . و الاجابة على كل سؤال كيطلب وقت و مال كتير هدشي علاش كتبنا هد المقال باش نهضروا علاش خاصك دير سطور؟
نحاولو نجاوبوا على هد سؤال من خلال 3 جوانب !
من جهة التعامل مع الزائر (زبون محتمل)
- الزائر ماغاديش اطرح عليك اسئلة كثيرة لان الجواب غايقراه مباشرة فالوصف
- الزائر اقدر ادخل للموقع ديالك باليل او بالنهار القى كلشي موجود او ماغاديش اتسنى العميل اجاوبو
- من خلال الموقع كاتخلي للزائر اختار ويشوف جميع المنتوجات او بالتالي اقدر اشري كتر من منتوج
- كتخلي الزائر ياخد العروض والتخفيضات بشكل اوتوماايكي
شنو ربحتي كمسوق:
1- ربحتي الوقت
2- نقصتي تمارة على العميل لمكلف بالإجابة على الرسائل
3- جودة ديال ناس لغيشريو منك،يعني ناس لمهتمة بالفعل و باغية المنتوج و هنتا قللتي من الروتور
من جهة التسويق
التسويق كيكون ممتاز بفضل البيكسيل. و هدي من أقوى المميزات لغنستافدوا منها ادا كان عندنا سطور. بيكسيل نقدروا نعتبروه اداة مميزة من خلالها كنقدروا نسجلو جميع العمليات لكيديرها الزائر .
فجميع زوار لدخلو للموقع البيكسيل كيعقل عليهم واحد بواحد . العمليات لكيديروا. المنتوجات لشافوا . و المنتوجات لشراو..الخ . و هد الزوار نقدروا نعملو عليهم اعادة الاستهداف و بالتالي تحقيق مبيعات باقل تكلفة
عندنا 2 منصات كتمكنا من استعمال البيكسيل . facebook ads و google analytics
منساوش حاجة اخرى و هي من خلال السطور نقدرو نجمعوا ايمايل ليست و لتقدر تستعملها مستقبلا فالدعاية ديالك . و ايمايل ماركتينغ فعال و رخيص . بغيتي تعرف كتر على الايمايل ماركتينغ إضغط هنا
شنو ربحتي كمسوق:
1-جمع معلومات كتيرة على زوار ديال الموقع . من خلالها تعرف كتر على زبائن ديالك2-استهداف جيد بتكلفة اقل من خلال الحصول على زوار مشابهين لزوارك
3-اعادة استهداف من خلال اعطاء تخفيضات و بالتالي الحصول على مبيعات كتيرة باقل تكلفة
من جهة الثقة و المصداقية
اذا عندك منتوج خاص فهنا كنهضرو على براندين اي تعطي علامة للمنتوج ديالك لتولي معروفة عند الجميع
و اي براند ضروري ليها من :
كسب ثقة و مصداقية الزبون
اعطاء ارتياح للزبون اتناء تسوق
توسيع و زيادة النمو ديالها و هنا كنقصدو تسويق محليا و وطنيا و دوليا. فهاد الحالة الموقع غيكون ضروري و وسيلة فعالة فجلب زبائن من مختلف مناطق العالم عندهم لغة و تقافة مختلفة و كسب ثقتهم.
