مفاهيم أساسية فعلم التسويق الرقمي.

كمسوقين رقميين مايمكنش لينا نتبثو نجاح الحملات الإعلانية أو فشلها بلا تحليل العديد من المقاييس بغرض أننا نحسنوها.بزاف ديال الأوقات كنركزو بشكل مفرط على معدلات التحويل.ولكن كننساو نقاط الألم ديال الحملات الإعلانية كونها مكتقلش أهمية على معدلات التحويل للي هو بدورها جزء صغير من هادشي كامل.

16 مقاييس مهمة فعملية التحويل خاصك ترد ليهم البال.

1. Website sessions:

من أشهر المقاييس وأكترها أهمية هو إجمالي الزيارات فالموقع ديالك.غوغل أناليتك Google Analytics كيقدر يعطيك رسم بياني كيحدد ليك إتجاهات الترافيك ديالك اليومي. وتقدر تحدد بيه النسبة المئوية ديال التحويل (مشاهدة المحتوى). وباش تعرف هادشي لازم تربط سطور ديالك شوبيفاي Shopify بهاد الأداة باش تقدر تشوف جميع البيانات للي خاصك تعرف.

الى كان مزال معنداكش  متجر شوبيفاي تيمكن ليك تستفد من 14 يوم مجانا في شوبفاي

2. Users:

تقدر تبان ليك بحال websites session .الفرق بيناتهم هنا أن هادو هما عدد المستخدمين للي دخلو للموقع ديالك .ماشي إجمالي الزيارات.إلى زار شي شخص الموقع ديالك كتر من مرة كنحسبوه كمستخدم واحد. نقدرو نعتبروها مسألة مهمة للناس للي كيرجعو للموقع ديالك نظرا لإحتمالية أنهم يبقاو عملاء دائمين.

3. Pageviews:

هو عدد الصفحات للي زاروها العملاء ديالك ( زائر واحد يقدر يفتح كتر من صفحة) .عدد مشاهدة الصفحات ماشي دائما كيمثلوا عدد الزوار .

4. (Click-through rate (CTR:

هو النسبة المئوية للأوديونس للي كليكاو بالمقارنة مع نسبة الظهور .كيتحسب بالطريقة التالية: نسبة النقر على الإعلان/مرات الظهور. Ctr طريقة واعرة باش كنعرفو مدى إستجابة الأوديونس للإعلان المصمم.

5. Mobile vs. desktop visitors:

مع إرتفاع نسبة إستعمال الموبايل خاصنا نتابهوا لعدد الأشخاص للي كيزورو الموقع من الموبايل.وبالتالي الإشتغال على قوة التحميل السريع باش نخلقو يوزر-أكسبريونس واعرة للزوار.

6. Traffic sources:

بالإضافة للأجهزة المستعملة .نعرفو المصادر للي كتحيلها للموقع مكيقلش أهمية. غوغل أناليتك كيقرد يصنف المصادر لعدة فئات.

• Direct – from a bookmark or directly typing the URL into the address bar
• Social – from a link on any social media platform
• Referral – from a link from another site
• Email – from an email link
• Organic search – from a link in search engine results
• Paid search – from a paid search ad
• Other – from anywhere else not mentioned above

كمسوقين لازم نشتغلو على مجموعة من الترافيك سورس وللي غيتبعها تحليل ديال كل وحدة باش نقدرو نركزو الجهد على منصات محددة وللي كتجيب لينا معدلات تحويل مرتفعة.

7. Page load time:

توفير تجربة زوينة للمستخدم أمر إلزامي فالتسويق أونلاين.سرعة تحميل الصفحات عندو دور كبير فهادشي. و كتأثر بشكل مباشر على معدل إرتداد المستخدمين وبالتالي خسارة الترافيك. هنا ضروري تستعملAMP باش توفر للمستخدم مرونة فالتصفح. تقدر تختبر سرعة التحميل بإستخدام هاد الأداة.

8. Time on site:

هو متوسط المدة لكل زائر فالموقع على كل زيارة.كنحسبوها بقسمة المدة الإجمالية (بالثواني) على عدد الجلسات.

9. Bounce rate:

هو النسبة المئوية للمستخدم للي كيهبط فالموقع ديالك ومكيدير حتى أكشن.غوغ كتحسبو بالطريقة التالية.

إرتفاع معدل الإرتداد كبعني أن الموقع ديالك فيه مشكل.ياإما سرعة التحميل كتكون شديدة البطئ أو الديزاين المرفق للموقع ديالك مكيكونش جاذب بشكل كبير. أو إحتمال أن هاد الزيارات كتجيك من مصادر عندها ترافيك سئ الجودة.

10. Interactions per visit:

حتى إلى كانوا الزوار مكيديروش أكشن بحال التحويلات على الموقع ديالك .لابد من أنك تتبع الأكشنز للي كيديرها كل متتبع وتفهم مسار والسلوك الزائر على الموقع ديالك.كلما جمعتي أفكار كتيرة كلما غتلقا طرق تحسن بيخا معدلات التحويل عندك.

11. Value per visit:

الهدف من هاد المقياس هو تفهم القيمة ل لي كتجيك من الزيارات. كترتبط هاد الأخيرة مباشرة بالتفاعلات على كل زيارة وكنحسبوها بعدد الزيارات مقسومة على الزيارات للي عندها قيمة( عميل دار أكشن مرتبط بنوعية البزنيس ديالك)

12. Cost per acquisition/CPA:

هي التكلفة للي خسرناها باش نحصلوا على عميل واحد ودائم كنحسبوها بمجموع النفقات على مجموع العملاء للي دخلوا فالفانل ودارو فاينل أكشن(شراء). هنا خاصك طرح السؤال على نفسك.واش العميل كيجيب لينا أرباح كتقل بشكل كبير على تكلفة الإكتساب ديالو ؟ وبشحال؟ أواش كاين هامش ربحي كيحقق الأهداف المسطرة.بالمقارنة مع النفقات !؟ ضروري تجاوب علئ هرد الأسئلة.

13. Frequency:

الفريكونسي هو إجمالي عدد المرات للي كيبان فيها الإعلان للعميل المستهدف. كنحسبوه بعدد مرات الظهور على عدد مرات الوصول. لازم منوصلوش لمعدلات مرتفعة فيما يخص هاد المقياس,غتعرض ربما لتجاهل الإعلان ديالك من طرف العميل ويمكن ليه يحجب الرؤية ديالو لمرة أخرى .ومن المساوئ ديالو كذلك هو تناقص فغدد النقرات وإرتفاع فالتكلفة ديالها.

14.( Return on ad spend (ROAS:

بغيتي تأكد من أنك گدخل الفلوس على لابد من أنك تعتمد على المقياس باش تتبع عائد الانفاق على الإعلانات.

15. Cost per action:

كانو العملاء كيمرو لمرحلة التحويل أو مكيمروش .أكيد غتبقى تنتظر منهم أكشن تقدر تكون partage,like,comment,video views,subscription on email list.Add to cart…etc.

تكلفة على كل أكشن كتقدر تعطيك نظرة أكثر دقة للحملات الإعلانية. فمحاولة منك أنك تلقى إسترتيجيات باش تنقص ما أمكن من تكلفة الأكشنز .

16. (Cost per thousand impressions (CPM:

التكلفة باش تعرض إعلانك 1000 مرة .نقدرو نعتبروها مقياس مثالي وشامل على الأداء الكلي للمجموعة الإعلانية. وكتختلف على حسب الأوديونس المستهدف. وكتمكنك من مقارنة الحملات مع بعضها البعض وبالتالي تعرف فين يمكن تزيد تنفق أكثر.

هادشي كامل كيكون مهم إلا كنتي غتشتغل بمتجر إلكتروني على منصة شوبيفاي Shopify أو ووكومرس ومحتاج تبني معارف أساسية باش تفهم البزنيس علاش كيعتمد بالظبط و شنو المقاييس للي كنحتاجو نرافقبوهم باش نحطو البزنس فالطريق الصحيح.

الى كان مزال معنداكش  متجر شوبيفاي تيمكن ليك تستفد من 14 يوم مجانا في شوبفاي