اجي تفهم كيفاش تحافظ على لكليان ديالك
كيفاش نحافظ على لكليان دياولي سؤال كيحمل بزاف اهمية اوكيتعد من اهم اسئلة لي خاص اي واحد كيملك متجر تكون عندو إجابة :
فهاد لمقال غنعرض عليكم اهم ستراتجيات لي تخليك تحافض على لكليان دياولك اوضمن لولاء ديالهم بلاما تخاف من لخسارة ديالهم
-استراتجيات باش تحافظ على زبائن ديالك
باش تحافط على لكليان دياولك ماشي من امر سهل ولكين إلى طبقتي مجموعة من ستراتجيات علمية لي تمكنك من من قيام بهاد شي بسهولة اوبشكل سريع اومضمون
1–تخصص محتوى للزبائن :
كيزداد تعلق زبون ولولاء ديالو بالعلامة تجارية ديالك كلما حس بلي راه كليان مميز اوذو اهمية بالنسبة لمتجر ديالكاوهنا فين كيجي خاصك تخصص محتوى لكليان او كنقصد هنا تخاطبو شخصيا من خلال رسائل او محتوى لي كتعرضو عليه من قبل للمتجر اولعلامة تجارية لخاصة بيك
اوهادشي كيتبنى على اساس ثابت هاد اساس تكون عند بيانات اومعلومات متعلقة بزبون من عناوين لبريد الكتروني اوحتى بيانات ديموغرافية
2–إكتشاف لمعيقات لي كتزعج لكليان ديالك :
من بين ستراتجيات لخطيرة لي تخليك تحافظ على لكليان ديالك هوا تكتاشف شناهوما لمعيقات او مشاكل لي في متجر ديالك فامني كتعرف اسباب اومشاكل فهادشي كيساعدك بشكل كبير على انك تدارك كل شيء واصلاحه قبل فوات اوان اوهدا كيطلب منك انك تخلي لكليان ديما تحت رقابة حتى تكتاشف اي علامة لي كتعيق لكليان ديالك من متجر
3–اهتمام بتقييمات لمشترين :
مكتختلفش هاد ستراتجية على لي تحدثنا عليها من قبل حيت في ستراتجية سابقة كتعتامد على تكشف على شنو كيزعج لكليان اما هاد ستراتجية كتعتامد على تعرف شنو كيقولو لكليان عليك اوهدا امر مهم حيت كيمكن ليك تعرف لمشكل لي كتواجه لكليان اوتحاول تصلحها.
4-مكافأة زبائن مميزين :
هاد ستراتجية كتحدد فيها شكون من لكليان لي كيساهم بشكل كبير في تحقيق ارباح للمتجر اوهادو هما لكليان لي كنقولو ليهم vip وبالتالي بحال هاد لكليان مخصناش نفرطو فيهم حيت كيشكلو نسبة كبيرة من ارباح
اوباش تحافض عليهم خاص تبقى مرة مرة تقدم ليهم مكافأت خاصة بيهم فمثلا تعطيهم كوبون اويكونو هما اول لي كيتوصلو بي تخفيضات هادشي لي كيخليهم إحسو براسهم انهم متميزيين على لكليان لخرين
اوبهادشي كضمن لولاء ديالهم ليك
5–خاصك تكون موجود في اي وقت :
وظع سياسة واضحة للكليان
فاش كتعلق امر بالتجارة اونلاين فمن ظروري عليك تحظ سياسة واظحة لكليان فيما كيتعلق بي شحن اوتسليم واوقات لعمل وسياسة استرداد اوهادشي لي غيخلي لكليان إتيق فيك.
6-امانة اوشفافية معا لكليان :
من اهم لحوايج لي كتعاون اي واحد كيبيع اونلاين في حفاظ على زبائن اوعدم خسارتهم هوا تعامل معاهم بقدر كبير من شفافية ولامانة اوتجنب انك تكذب عليهم، فإذا تعاملتي معاهم مزيان كيما قلنا كيساعدك في بناء ثقة قوية في براند ديالك اوهادشي لي كيخلي درجة لولاء ترتافع عند لكليان.