إغلاق الحساب الإعلاني ؟ ما الآسباب وكيفاش تتجنبها؟
متخافش!
يلا تسد الحساب الإعلاني … هتهدن ! حيت هد المشكله من المشاكل لي تقد توقع لينا كاملين، وبحال اي مشكله تقد توقعليك فحياتك، عندها أسباب و عندها حلول وعندها اساليب خاصك تعلمها باش تحميك من أنها توقع ليك مرة أخرى.
عمرك واجهت شي نهار شمشكلة فحياتك وملقتيش لها لحل؟ كنشك فهادشي المشاكل كتختلف فنوعيتها وفصعوباتها وكاين لي سهل حلها ،وكاين لي من أصعب ما يمكن ولكن!! دائما عندها حل.
تعرف على مشكله او أسبابها :
دبا باش تحل أي مشكلة خاصك تمر من بزاف ديال مراحل لهادشي خاصك تفكر معيا فبزاف ديال الأسئلة:
علاش الفيس بوك غيسدليك الحساب الإعلاني؟
كيفاش ندير دبا باش متوقفليش الخدمة من مور متسد الحساب الإعلاني؟
كيفاش نتجنب نتعرض لبحال هذ المشاكل مرة أخرى ؟
أولاً نتفق على أن الفيس بوك من أحسن المنصات الإعلانية لكاينة دابا ،والي تيخلي أي بيزنس ينجح ويحقق أرباح كبيرة ومبيعات كثيرة وانتشار واسع للبراند اللي كتعمل من خلال ورا شفنا بزاف من الناس فجأة ولاو من المشاهير والأغنياء من خلال منصة الفيس بوك.
الآن المشكلة اللي واجهناها كلنا فبداية عملنا هذ رسالة غلق الحساب الإعلاني … لبصاح مزعجة بزااااف
وكتنتهى كل آمالك فى العمل منين كيوصلك هذ الإيميل من إدارة الفيس بوك إغلاق الحساب الإعلاني!
واش أنت صاحب بيزنس :
فكر إلا كنت عندك بيزنيس حقيقي فراك غتواجه مشكلات دئما وخاصك تحلها باش توصل لأهدافك …خاصك تعرف أن المشاكل فحياتنا هي مصدر سعادتنا، نعم لقريتيه صحيح! صدقني السعادة مكتجيش فجأة من سماء ولكن كتجي منين كنحل مشاكلنا وبالطبع كاين مشاكل خرى كتجي ولكن كنتمناو تكون من النوع الجيد … لهاذشي تفاءل ومتفكرش أن الحياة توقفت وتعلم من مشكلاتك وماطيحش فيها مرة خرى.
نتا صاحب بيزنس ولا هاوي :
معظم المعلنين مكيقراوش شــروط الشركة! فكر معيا واش سمعت قبل عن صاحب بيزنس كيتعامل مع شركة بلا عقد؟ بالطبع لا … هذ الامر واجب، خاصك تعرف شنو كيمنعو وكيفاش بغاوك تعلن على الامور الي خاصك تتقيد بها … عتبر نفسك شركة كتعامل مع الفيس بوك وكنضمن ليك أنهم غيتعامل معاك بنفس المنظور لهادشي كنصحك وبشدة باش تقرا سياسة الفيس بوك الإعلانية وهذ شروطهم كاملة من هنا.
واش فراسك بلي كاينين شروط :
أنا متأكد بزاف أنك عارف أنه كاين شروط باش يقبل إعلانك من الفيس بوك لهدشي علاش تخالفها… أعتبر راسك صاحب شركة وبغيتي توظف شركة خدمات شنو غدير إيلا خالفوا شروطك؟ نعم هذ شي اغدير أنت بالضبط … غتنهى التعاقد معهم.كنستغرب بزاف من هدوك لكيديرو إعلان على الفيس بوك بصورة كتظهر قبل وبعد الريجيم وهو عارف مزيان ان هذشي مشي مقبول ومن بعد كيتشكي علاش غلقولي حسابي الإعلاني … قرا شروطهم مزيان ولتزم بها
دبا كاين ثلاث ديال العناصر رئيسية تحميك باش ميتسدش الحساب الإعلاني ديالك أو الحضر ديالو :
–حسابك الإعلاني
–وسائل الدفع والدخول لحسابك
دبا نهدر على كل وحدة بالتفصيل…
حسابك الإعلاني البيزنس :
كما قلتليك قبل كن صاحب بيزنس واعتبر راسك كذلك… إذا كيفاش دير هادشي؟
إلا كنت جاد بصاح فبناء بيزنس تربح منو عبر إعلانات الفيس بوك خاصك تعامل نفسك أولا بحال شركة او Agency وماشي غير مجرد فرد كيدير إعلانات من حساب الشخصي صدقني أنت ماشي هكاك.
رد من راسك مول بيزنس ودير حساب بيزنس على الفيس بوك هكا نضمن ليك أن الفيس بوك غيغير نظرت ليك تماماً وغتحظي بقليل من المرونة في التعامل ومع الوقت غيكون عندك ثقة بينك وبين الفيس بوك يلا استخدمت حسابك الإعلاني البيزنس (http://business.facebook.com)
وزيد على هد شي أنك ممكن دير حملات إعلانية لناس خرين وتضيف صفحاتهم عندك وهذشي بالطبع ميمكنش ديرو من حسابك الإعلاني العادي … مشعرتيش دبا أنك محترف وماشي هاوي.
وسائل الدفع والدخول لحسابك :
دير كثر من مصدر واحد للخلاص لكل حساب داخل فلحساب الإعلاني البيزنس ويمكلك ضيف حتى 10 دلحسابات هنا غيعتبرك الفيس بوك Agency وديك ساعة غتستطع دير إعلانات حتي 1,000 دولار.
حاجة أخرى إلاكانت عندك بزاف ديال الحملات الإعلانية المفعلة وأنت كتستخدم وسيلة دفع واحدة إذن يلا حدثت أي مشكلة وناض الفيس بوك وقفها لسبب ما ماشي منك بالطبع فمغتستطعش أن تخدمها مرة ثانية وغتخسر كل حملاتك الإعلانية النشطة ومغتستطع الدفع باش تكمللها.
متستخدمش PayPal وسيلة دفع لإعلاناتك، اسمع مني الفيس بوك لا مكيبغيش ال PayPal وكيقوم بحظر وسيلة الدفع و غيتوقف حسابك بلاصة هد شي استعمل كارت الائتمان كوسيلة أساسية وضيف موظف على حسابك الإعلاني ومن الاحسن مثلا يكون عندك كارت الائتمان من بنك آخور احتياط للوسيلة للأساسية
كل حساب مربوط بعنوان ال IP الخاص بمولاه داكشي علاش مخصكش تسجل الدخول من بلايص مختلفة حيت سيرفرات الفيس بوك غتسجل كل أماكن دخولك وكيتعتبر أنك كتحاول التحايل ولا القيام بأعمال مخالفة وغادي يتوقف حسابك ، حاول متستخدمش برامج ال تغيير عنوان ال IP الخاص بيك بحال برامج الـ VPN تيقني غتتعرض للحظر دابا ولا من بعد
الحسابات لقديمة كيفضلها الفيس بوك داك شي علاش يلا كان عندك حساب قديم حافظ عليه وقم وستخدم بلا متخالف شروط الفيس بوك ويلا كان حسابك جديد على الفيس بوك متستخدموش وإلا غيتسد … تسنا شوية ديال الوقت وكن طبيعي جدا حتي تستطع أنك تبد تستخدمو فعملك.