أجي تفهم Manual Bidding فالفايسبوك ادس

أكتوبر 31, 2019 0 Comments

كل مسوق الكتروني عبر منصة اعلانات الفيسبوك خاصو يعرف الفرق بين استرتيجات المزايدة فهد المنصة باش يحصل على احسن نتائج باقل الاسعار.فهد المقال الحصري بالدارجة غنشرحو فيها مختلف إستراتيجيات المزايدة bidding stratigies لكيعتمد عليها فايسبوك و كما كنعرفو جميع ان الفايسبوك كيعتمد على المزايدة auction فجميع الاعلانات ديالنا. كيفاش؟فايسبوك كيخاد عروض ديال الاسعار منك قبل مطلق الحملة الاعلانية. و بالتالي كتوقع مزايدة على شكون لغيضهر ليه الاعلان و تكون عندو ألأولية فالمنصة ديال فايسبوك. ادا مكانش السعر cost لغتعطي للفايسبوك مبني بشكل جيد و مركز على ميزانية معينة و تكون مفاهمش سطوري من الاول فراك غادي فالخسران. خسران فالفلوس بلا نتائج . فالمرجوا مشاركة هد المقال مع الاصدقاء. حيت موضوع مهم . و شحال من واحد غافل عليه. باش كل واحد كيستعمل هد المنصة ياخد الحيطة و الحذر و ميخسرش الفلوس بسب عدم معرفتو بهد الخبايا ديال فايسبوك ادس facebook ads

اولا نهضروا على الاستراتيجية د المزايدة التلقائية لكلتكون Pardefault ولهي:

Lowest cost Bidding Strategie

و هد الاستراتيجية كتكون تلقائيا و كتخلي الفايسبوك يحدد سعر conversion انطلاقا على المنافسة الموجودة. و تياخد اقل سعرlowest cost ممكن باش تحصل على اكتر عدد ممكن من اماكن الاعلانات باقل الاسعار المطروحة. هد الخيار ممتاز بنسبة لناس لعندهم ميزانية محدودة. و فهد الاستراتيجية فايسبوك عندو مرونة كبيرة باش يعطيك نتائج جيدة و مناسبة لعرض السعر المطروح.

دابا نهضروا على الاستراتيجيات المزايدة انقدروا نتحكمو فيهم فالسعر Cost Control
فايسبوك كيقسم هد خاصية د المزايدة لتلاتة د الاشكال او بما يسمى

3 bidding stratigies

Manual Bid : Bid cap

فهد الاستراتيجية ديال bid cap . فايسبوك كيعطيك الخاصية انك تحدد تكلفة ديال Bid ديالك باش يبان اشهار ديالك فالمنصة و تكون عندو اولوية فالظهور مقارنة ب اشهارات ديال المسوقين اخرين لمستهدفين نفس الجمهور . و كلما عندك السعر ديال Bid طالع كلما عتعطي لاشهارات اولوية د الظهور impression
هد استراتيجبة خاصة فقط بتحسين من اظهار الاشهار .ماشي فتحسين جلب المبيعات sales
ربما دير Bid طالع و متجيبش مبيعات sales هدشي علاش من الاحسن اتكون عندك Ads set مزيانة و طبق عليها هد الاستراتيجية

Manual Bid : Cost cap

كيمكن لك من خلال هد الاستراتيجية تختار اكبر تكلفة يمكن تخلصها على اكسيون و بالتالي الحصول على عدد كبير من كونفيرجن بالحد الأقصى ديال التكلفة او اقل

متلا ادا كنتي بغيتي تجيب مبيعات و درتي الحد الاقصى ديال تكلفة على كل مبيعة ب 10 دولار . فايسبوك غادي يأمن لك انك مغاديش تستهلك كتر منها على كل مبيعة و بالتالي cost cap bidding كيجيب لك فقط action بتكلفة بجميع الفرص الرخيصة لممكنة حتى كيوصل لسعر الأقصى لحددتي فالاول

كيفاش تستعمل cost cap bidding على الفايسبوك ?

باش دير cost cap bidding صحيح و يجيبلك نتائج مزيانة .خاصك تكون عندك فكرة قبلية شحال كتقام عليك المبيعةsale او conversion بصفة عامة . فمتلا ادا كنتي كتجيب مبيعة بتكلفة 4 دولار ولكن نت درتي 1 دولار ف cap cost راه بطبيعة الحال الحملة ديالك متخدملكش مزيان حيت فايسبوك غيمشي يجيبلك ناس فرص شرائهم من عندك ضعيف او قدرة شرائية ديالهم ضعيفة

Manual Bid : Target Cost

هد الاستراتيجة كتعتامد على مدة lifetime تكون طويلة . متلا اسبوع و كتخلي فايسبوك يجيبك مبيعات او conversion بتكلفة كتكون قريبة ل تكلفة لحددتيلو فالاول .
كيكون الفارق بن تكلفة لحددتي و تكلفة لكيجيب هو 10% قل او اكتر .
هد الاستراتيجية زوينة حيت كتخلي تكلفة على كل conversion تابتة فالمتوسط ديال الحملة وخا تزيد فالميزانية د الحملة الاشهارية

وهد الخطاطة فيها خلاصة ديال المقال :